ಮರಳಿನಲ್ಲಿ ಅರಳಿದ ದುರ್ಗಾ ಮಾತೆ.. ಪಟ್ನಾಯಕ್​ ಮರಳು ಶಿಲ್ಪಕ್ಕೆ 14 ಬಗೆಯ ಹಣ್ಣುಗಳ ಅಲಂಕಾರ - ಒಡಿಸ್ಸಾದ ಮರಳು ಕಲಾವಿದ ಪದ್ಮಶ್ರೀ ಸುದರ್ಶನ್​ ಪಟ್ನಾಯಕ್

ನವರಾತ್ರಿಗೆ ದುರ್ಗಾ ಪೂಜೆ ವಿಶೇಷ. ಒಡಿಶಾದ ಮರಳು ಕಲಾವಿದ ಪದ್ಮಶ್ರೀ ಸುದರ್ಶನ ಪಟ್ನಾಯಕ್​ ಅವರು ದುರ್ಗಾಪೂಜೆಯ ಹಿನ್ನೆಲೆ ಪುರಿ ಸಮುದ್ರ ತೀರದಲ್ಲಿ ವಿವಿಧ ಹಣ್ಣುಗಳೊಂದಿಗೆ ದುರ್ಗಾ ಮಾತೆಯ ಮರಳಿನ ಶಿಲ್ಪವನ್ನು ರಚಿಸಿ ಎಲ್ಲರಿಗೂ ವಿಶಿಷ್ಟ ರೀತಿಯಲ್ಲಿ ಶುಭಾಶಯ ಕೋರಿದ್ದಾರೆ. ಪಟ್ನಾಯಕ್​ ಅವರು ಸುಮಾರು ಏಳು ಟನ್​ ಮರಳನ್ನು ಹಾಗೂ 12 ಬಗೆಯ ಹಣ್ಣುಗಳನ್ನು ಬಳಸಿ 7 ಅಡಿ ಎತ್ತರದ ಮರಳಿನ ಶಿಲ್ಪವನ್ನು ರಚಿಸಿದ್ದಾರೆ. ಇದನ್ನು ರಚಿಸಲು ಐದು ಗಂಟೆಗಳನ್ನು ತೆಗೆದುಕೊಂಡಿರುವ ಇವರ ಕೈಚಳಕವನ್ನು ಕಡಲತೀರಕ್ಕೆ ಬರುವ ಕಲಾಪ್ರೇಮಿಗಳು ಮೆಚ್ಚಿಕೊಳ್ಳುತ್ತಿದ್ದಾರೆ.