ಬಸ್​, ಟ್ರಕ್​ಗಳ​ ಅಡ್ಡಹಾಕಿ ಆಹಾರ ವಸೂಲಿ ಮಾಡುತ್ತಿರುವ ಗಜರಾಜ - ಈಟಿವಿ ಭಾರತ ಕನ್ನಡ

ಮೇದಿನಿಪುರ​ (ಪಶ್ಚಿಮಬಂಗಾಳ):ಪಶ್ಚಿಮ ಬಂಗಾಳದ ಮೇದಿನಿಪುರದಲ್ಲಿ ಆನೆಯೊಂದು ರಾಷ್ಟ್ರೀಯ ಹೆದ್ದಾರಿ ತಡೆದು ಮೇವು ಲೂಟಿ ಮಾಡಲು ಯತ್ನಿಸಿದೆ. ಆಹಾರ ಅರೆಸಿ ರಸ್ತೆಗೆ ಬಂದ ಆನೆ ಬಸ್​, ಟ್ರಕ್​ಗಳಿಗೆ ಅಡ್ಡಹಾಕಿ ಆಹಾರ ಹುಡುಕಿದೆ. ಆಹಾರ ಇಲ್ಲ ಎಂಬುದನ್ನು ಅರಿತು ಅವುಗಳನ್ನು ಬಿಟ್ಟು ಕಳುಹಿಸಿದೆ. ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಬಾರಿ ವೈರಲ್​ ಆಗಿದೆ. 

ಈ ಘಟನೆ ರಸ್ತೆ ಮೇಲೆ ನೆರದಿದ್ದ ಅನೇಕ ಜನರನ್ನು ಆಕರ್ಷಿಸಿತು. ಸ್ಥಳೀಯ ಗ್ರಾಮದಲ್ಲಿ ಸುತ್ತಾಡುವ ಈ ಆನೆ ಅಲ್ಲಿ ಗ್ರಾಮಸ್ಥರಿಗೂ ತುಂಬಾ ಅಚ್ಚುಮೆಚ್ಚು. ಅದನ್ನು ರಾಮಲಾಲ್ ಎಂದು ಕರೆಯುತ್ತಾರೆ. ಈ ಆನೆ ಆಗಾಗ ರಸ್ತೆ ಮೇಲೆ ಆಹಾರಕ್ಕಾಗಿ ವಾಹನಗಳನ್ನು ತಡೆಯುತ್ತದೆ. ಆಹಾರ ಸಿಗದಿದ್ದರೆ ಸುಮ್ಮನಾಗುತ್ತದೆ. ಗ್ರಾಮದಲ್ಲೂ ಆಹಾರ ಅರೆಸಿ ಬರುತ್ತದೆ. ಕೊಟ್ಟ ಆಹಾರವನ್ನು ತಿಂದು ಹಿಂತಿರುಗತ್ತದೆ. 

ಈ ವರೆಗೂ ಇದು ಯಾರೊಬ್ಬರಿಗೂ ಹಾನಿಯನ್ನುಂಟು ಮಾಡಿಲ್ಲ. ತುಂಬಾ ಪ್ರೀತಿಯ ಆನೆ ಎಂದು ಗ್ರಾಮಸ್ಥರು ಹೇಳಿದ್ದಾರೆ. ಇತ್ತೀಚೆಗೆ ಚಾಮರಾಜನಗರದಲ್ಲೂ ಇಂತಹದ್ದೇ ಘಟನೆ ನಡೆದಿತ್ತು. ಆನೆಯೊಂದು ಕಬ್ಬಿನ ಲಾರಿ ಎಂದು ಸಾರಿಗೆ ಬಸ್​ ಅನ್ನು ಅಡ್ಡಹಾಕಿತ್ತು. ಬಳಿಕ ಕಬ್ಬಿನ ಲಾರಿ ಅಲ್ಲ ಎಂದು ತಿಳಿದು ಬಸ್​ ಅನ್ನು ಬಿಟ್ಟು ಕಳುಹಿಸಿತ್ತು. 

ಇದನ್ನೂ ಓದಿ:ಚಾಮರಾಜನಗರ: ಕಬ್ಬಿನ ಲಾರಿ ಎಂದು ಬಸ್​ ಅಡ್ಡಹಾಕಿದ ಗಜರಾಜ- ವಿಡಿಯೋ