ರತ್ನಗಿರಿ ಕಡಲ ಕಿನಾರೆಯಲ್ಲಿ ಡಾಲ್ಫಿನ್​ಗಳ ಈಜಾಟ: ಡ್ರೋನ್​ ಕ್ಯಾಮರಾದಲ್ಲಿ ಸೆರೆ - ಭಾತ್ಯೆ ಸಮುದ್ರದಲ್ಲಿ ಡಾಲ್ಫಿನ್​ಗಳು ಪತ್ತೆ

ಮಹಾರಾಷ್ಟ್ರದ ರತ್ನಗಿರಿ ಬಳಿಯ ಭಾತ್ಯೆ ಸಮುದ್ರದಲ್ಲಿ ಡಾಲ್ಫಿನ್‌ಗಳು ಒಟ್ಟಾಗಿ ಕಾಣಿಸಿಕೊಂಡಿವೆ. ಈ ಭಾಗ ಡಾಲ್ಫಿನ್​ಗಳಿಗೆ ಸುರಕ್ಷಿತವಲ್ಲ ಎಂಬ ಆಪಾದನೆ ಮಧ್ಯೆಯೇ ಜಲಚರ ಪ್ರಾಣಿಗಳು ಕಡಲ ಕಿನಾರೆಗೆ ಬಂದಿವೆ. ಇಲ್ಲಿನ ಛಾಯಾಗ್ರಾಹಕ ಸುಪ್ರಿಯಾಂತೋ ಖಾವ್ಲೆ ಎಂಬುವರು ಡಾಲ್ಫಿನ್​ಗಳ ನೀರಾಟವನ್ನು ಡ್ರೋನ್ ಕ್ಯಾಮರಾ ಕಣ್ಣಲ್ಲಿ ಸೆರೆಹಿಡಿದಿದ್ದಾರೆ. ಗುಂಪುಗುಂಪಾಗಿ ಸಾಗುತ್ತಿರುವ ಡಾಲ್ಫಿನ್​ಗಳು ಪ್ರವಾಸಿಗರನ್ನು ರಂಜಿಸಿವೆ. ರತ್ನಗಿರಿಯ ಭಾಗದಲ್ಲಿ ಡಾಲ್ಫಿನ್​ಗಳು ಕಾಣಿಸಿಕೊಂಡಿದ್ದು, ಪ್ರವಾಸೋದ್ಯಮದ ಬೆಳವಣಿಗೆಗೆ ಹೆಚ್ಚಿನ ಅನುಕೂಲವಾಗಲಿದೆ.