ಬನ್ನೇರುಘಟ್ಟದ ಬೂತಾನಹಳ್ಳಿಯಲ್ಲಿ ಚಿರತೆ ಪ್ರತ್ಯಕ್ಷ: ಸಿಸಿ ಕ್ಯಾಮೆರಾದಲ್ಲಿ ದೃಶ್ಯ ಸೆರೆ - ETV Bharath Kannada

ಬೆಂಗಳೂರು: ಬೆಂಗಳೂರು ದಕ್ಷಿಣ ತಾಲೂಕಿನ ಬನ್ನೇರುಘಟ್ಟದ ಬೂತಾನಹಳ್ಳಿಗೆ ತಡರಾತ್ರಿ ಚಿರತೆ ಬಂದಿದ್ದು ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಕಳೆದ ವಾರದಿಂದ ಚಿರತೆ ಪ್ರತ್ಯಕ್ಷವಾಗುತ್ತಿದೆ. ಆದರೆ, ಈ ವರೆಗೆ ಜನ-ಜಾನುವಾರುಗಳಿಗೆ ಉಪಟಳ ನೀಡಿಲ್ಲ. ಬನ್ನೇರುಘಟ್ಟ ರಾಷ್ಟ್ರೀಯ ಅರಣ್ಯ ವಲಯದ ಅಂಚಿನಲ್ಲಿರುವ ಬೂತಾನಹಳ್ಳಿಗೆ ಚಿರತೆ, ಕರಡಿ, ಆನೆಗಳು ಬರುವುದು ಸಹಜ. ಸಿಸಿ ಕ್ಯಾಮೆರಾ ಅಳವಡಿಸಿದ ನಂತರ ವನ್ಯಜೀವಿಗಳ ಓಡಾಟ ಖಚಿತವಾಗಿದ್ದು ಜನರಿಗೆ ಗಾಬರಿಯಾಗಿದೆ. ಚಿರತೆಯ ನೆಚ್ಚಿನ ಆಹಾರ ನಾಯಿಯಾದ್ದರಿಂದ ಬೇಟೆಗೆ ಊರಿನೊಳಕ್ಕೆ ನುಗ್ಗುತ್ತಿದೆ.