ರೌಡಿಶೀಟರ್ ಜೊತೆ ವೇದಿಕೆ ಹಂಚಿಕೊಂಡ ಬಿಜೆಪಿ ನಾಯಕರು: ಪ್ರಲ್ಹಾದ್ ಜೋಶಿ ಹೇಳಿದ್ದೇನು? - BJP leaders with rowdy Sunil

ಧಾರವಾಡ: ರೌಡಿ ಸೈಲೆಂಟ್ ಸುನೀಲ್ ಜೊತೆ ಬಿಜೆಪಿ ನಾಯಕರು ಕಾರ್ಯಕ್ರಮದಲ್ಲಿ ವೇದಿಕೆ ಹಂಚಿಕೊಂಡ ವಿಚಾರಕ್ಕೆ ಸಂಬಂಧಿಸಿದಂತೆ ಧಾರವಾಡದಲ್ಲಿ ಕೇಂದ್ರ ಸಚಿವ ಪ್ರಲ್ಹಾದ್ ಜೋಶಿ ಪ್ರತಿಕ್ರಿಯಿಸಿದ್ದಾರೆ. ನನಗೆ ಏನಾಗಿದೆ ಗೊತ್ತಿಲ್ಲ. ಈಗ ಮಾಧ್ಯಮಗಳು ಹೇಳುತ್ತಿದ್ದೀರಿ ಅದು ಏನಂತ ಚೆಕ್ ಮಾಡುವೆ ಎಂದಿದ್ದಾರೆ. ಈ ಕುರಿತು ಮಾತನಾಡಿದ ಅವರು, ಅವನು ಯಾರು? ಅವನದು ಏನಾಗಿದೆ? ನೋಡಿಕೊಂಡು ಬಳಿಕ ಪ್ರತಿಕ್ರಿಯಿಸುವೆ. ತೇಜಸ್ವಿ, ರಮೇಶ್​ ಹೇಳಿದ ತಕ್ಷಣ ಪಕ್ಷಕ್ಕೆ ಕರೆದುಕೊಂಡಂತೆ ಅಲ್ಲ. ಅವರನ್ನು ಪಕ್ಷಕ್ಕೆ ತಗೋಬೇಕಾದರೆ ಹಿನ್ನೆಲೆ‌ ಮುನ್ನೆಲೆ ಪರಿಶೀಲಿಸುವೆ ಎಂದರು. ತೇಜಸ್ವಿ ಯಾವ ಹಿನ್ನೆಲೆಯಲ್ಲಿ ಮಾತನಾಡಿದ್ದಾರೆ ನೋಡುವೆ. ಪರಿಶೀಲನೆ ಮಾಡಿ, ರಾಜ್ಯ ಅಧ್ಯಕ್ಷರು ತೀರ್ಮಾನ ತೆಗೆದುಕೊಳ್ಳುತ್ತಾರೆ ಎಂದು ಹೇಳಿದರು.