ಯಾರಿಗೇನು ಕಮ್ಮಿ ಇಲ್ಲ: 15 ಟನ್​ ಕಬ್ಬು ತುಂಬಿದ ಟ್ರ್ಯಾಕ್ಟರ್​ ಚಲಾಯಿಸಿ ಗಮನ ಸೆಳೆದ ಮಹಿಳೆ - ವಿಡಿಯೋ

ಚಿಕ್ಕೋಡಿ (ಬೆಳಗಾವಿ): ಮಹಿಳೆಯರು ಪುರುಷರಿಗಿಂತ ಯಾವುದರಲ್ಲೂ ಕಮ್ಮಿ ಇಲ್ಲ. ಎಲ್ಲ ಕ್ಷೇತ್ರಗಳಲ್ಲೂ ನಾರಿಯರು ತಮ್ಮ ಸಾಧನೆಯ ಹೆಜ್ಜೆಯನ್ನು ಇರಿಸುತ್ತಿದ್ದಾರೆ. ಅದರಲ್ಲೂ, ಇಲ್ಲೊಬ್ರು ಮಹಿಳೆ 15 ಟನ್​ ಕಬ್ಬು ತುಂಬಿದ ಟ್ರ್ಯಾಕ್ಟರ್​ ಅನ್ನು ಚಲಾಯಿಸಿ ಎಲ್ಲರ ಗಮನ ಸೆಳೆದಿದ್ದಾರೆ. ಸದ್ಯ ಈ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದೆ.

ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲೂಕಿನ ಶಿಂಧಿಗಟ್ಟಿ ಗ್ರಾಮದ ಮಹಿಳೆ ಮಹಾದೇವಿ ಎಮ್ಮ್ಯಾಗೋಳ ಕಬ್ಬನ್ನು ತುಂಬಿದ ಟ್ರ್ಯಾಕ್ಟರ್​ ಅನ್ನು ಚಲಾಯಿಸಿದ ಮಹಿಳೆ. 15 ಟನ್​ ಕಬ್ಬನ್ನು ಹಿಡಕಲ್​ ಡ್ಯಾಂ ಗ್ರಾಮದಿಂದ ಹಿರಣ್ಯಕೇಶಿ ಸಕ್ಕರೆ ಕಾರ್ಖಾನೆಗೆ ದಿನನಿತ್ಯ 20 ಕಿ.ಮೀ ದೂರ ಟ್ರ್ಯಾಕ್ಟರ್​ ಚಲಾಯಿಸಿ ಕೊಂಡೊಯ್ದು ಸಾಹಸ ಮೆರೆದಿದ್ದಾರೆ.

ಕಬ್ಬು ತುಂಬಿದ ಟ್ರ್ಯಾಕ್ಟರ್​ ಚಲಾಯಿಸುವುದು ಅಷ್ಟೊಂದು ಸುಲಭವಲ್ಲ. ಇಂತಹ ಕೆಲಸಕ್ಕೆ ಎಂಟೆದೆಯ ಬಂಟನೇ ಬರಬೇಕು. ಆದರೆ, ಬೆಳಗಾವಿ ರೈತ ಮಹಿಳೆ ಈ ಮಾತನ್ನು ಸುಳ್ಳಾಗಿಸಿದ್ದಾರೆ. 15 ಟನ್​ ಕಬ್ಬು ತುಂಬಿದ ಟ್ರ್ಯಾಕ್ಟರ್​ ಅನ್ನು ಸರಾಗವಾಗಿ ಚಲಾಯಿಸಿ ನೆಟ್ಟಿಗರಿಂದ ಶಹಬ್ಬಾಸ್​ ಗಿರಿ ಗಿಟ್ಟಿಸಿಕೊಂಡಿದ್ದಾರೆ.    

ಇದನ್ನೂ ಓದಿ:ನೃತ್ಯ, ಸಾಹಿತ್ಯ ಕೃಷಿಯಲ್ಲಿ ಪರಿಣಿತರು: 88ರ ಹರೆಯದಲ್ಲೂ ಯುವಜನತೆಯನ್ನು ನಾಚಿಸುವಂತ ಜೀವನೋತ್ಸಾಹ.. ಆರೋಗ್ಯದ ಗುಟ್ಟು ಹೇಳ್ತಾರೆ ಹಾವೇರಿಯ ಅಜ್ಜಿ