ಬೋಳು ತಲೆಗೆ ಬಂಗಾರದ ಲೇಪನ.. ಚಾಲಾಕಿಯ ಜನ್ಮ ಜಾಲಾಡಿದ ಅಧಿಕಾರಿಗಳು - ದೆಹಲಿಯ IGI ವಿಮಾನ ನಿಲ್ದಾಣದಲ್ಲಿ ಚಿನ್ನದ ಕಳ್ಳಸಾಗಣೆ ಆರೋಪಿ ಬಂಧನ

ರಾಷ್ಟ್ರ ರಾಜಧಾನಿ ದೆಹಲಿಯ ಇಂದಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಟಿ 3ರಲ್ಲಿ ಅಬುಧಾಬಿಯಿಂದ ಆಗಮಿಸಿದ್ದ ಪ್ರಯಾಣಿಕನನ್ನು ಅಕ್ರಮವಾಗಿ ಚಿನ್ನ ಸಾಗಿಸುತ್ತಿದ್ದ ಆರೋಪದಡಿ ಕಸ್ಟಮ್​ ಅಧಿಕಾರಿಗಳು ಬಂಧಿಸಿದ್ದಾರೆ. 30.55 ಲಕ್ಷ ಮೌಲ್ಯದ ಸುಮಾರು 630.45 ಗ್ರಾಂ ಚಿನ್ನವನ್ನು ಪೇಸ್ಟ್​ ಮಾಡಿ ತಲೆಯಲ್ಲಿಟ್ಟುಕೊಂಡಿದ್ದ ಈ ಚಾಲಾಕಿ. ಬಳಿಕ ಅದರ ಮೇಲೆ ವಿಗ್​ ಮೂಲಕ ಮುಚ್ಚಿಕೊಂಡಿದ್ದ. ಅಷ್ಟೇ ಅಲ್ಲದೇ ಆತ ಗುದನಾಳದೊಳಗೂ ಚಿನ್ನವನ್ನು ಬಚ್ಚಿಟ್ಟುಕೊಂಡಿದ್ದ. ಆರೋಪಿ ಚಾಪೆ ಕಳೆಗೆ ನುಗ್ಗಿದ್ರೆ, ಅಧಿಕಾರಿಗಳು ರಂಗೋಲಿ ಕೆಳಗೆ ನುಗ್ಗಿದ್ದಾರೆ. ಇದನ್ನು ಪತ್ತೆ ಹಚ್ಚಿದ ಕಸ್ಟಮ್​ ಅಧಿಕಾರಿಗಳು ಆತನಿಂದ 630.45 ಗ್ರಾಂ ಚಿನ್ನವನ್ನು ವಶಪಡಿಸಿಕೊಂಡು ಹೆಚ್ಚಿನ ತನಿಖೆ ಕೈಗೊಂಡಿದ್ದಾರೆ.