ಪಾರ್ಕ್​ನಲ್ಲಿ ಕೆಲ ಕಾಲ ಆತಂಕ ಸೃಷ್ಟಿಸಿದ ನಾಗರಹಾವು! ವಿಡಿಯೋ ವೈರಲ್​

ದಾವಣಗೆರೆ: ನಗರದ ಜಯನಗರ ಟ್ಯಾಂಕ್ ಪಾರ್ಕ್ ನಲ್ಲಿ ಇಂದು ಬೆಳಗ್ಗೆ ಹಾವು ಕಾಣಿಸಿಕೊಂಡು ಕೆಲ ಕಾಲ ಆತಂಕ ಸೃಷ್ಟಿಸಿದ್ದ ಘಟನೆ ನಡೆದಿದೆ. ಸುಮಾರು ಎಂಟು ಅಡಿ ಉದ್ದದ ನಾಗರಹಾವು ಉದ್ಯಾನವನದಲ್ಲಿ ಕಾಣಿಸಿಕೊಂಡಿದೆ. ಹಾವನ್ನು ಕಂಡ ವಾಯುವಿಹಾರಿಗಳು ಗಾಬರಿಗೊಂಡಿದ್ದಾರೆ. ಈ ವೇಳೆ ಮಕ್ಕಳು ಪಾರ್ಕಿನಲ್ಲಿ ಆಟವಾಡುತ್ತಿದ್ದರು, ಹಾವಿನಿಂದ ಯಾವುದೇ  ಹಾನಿಯಾಗಿಲ್ಲ. ಹಾವನ್ನು ಕಂಡ ವಾಯು ವಿಹಾರಿಗಳು ಕೂಡಲೇ ಹಾವು ರಕ್ಷಕ ಶಂಕರ್ ಕರೆ ಮಾಡಿ ವಿಷಯ ತಿಳಿಸಿದ್ದಾರೆ. ಸ್ಥಳಕ್ಕೆ ಆಗಮಿಸಿದ  ಶಂಕರ್ ಹಾವನ್ನು ಹಿಡಿದು ಸುರಕ್ಷಿತವಾಗಿ ಕಾಡಿಗೆ ಬಿಟ್ಟಿದ್ದಾರೆ. 

ಇದನ್ನೂ ಓದಿ:ಮಾತೃ ಪ್ರೇಮ: ಹುಲಿ ಜೊತೆ ಹೋರಾಡಿ ಮರಿಗಳ ರಕ್ಷಿಸಿದ ತಾಯಿ ಕರಡಿ