ತಿನ್ನೋ ಅನ್ನಕ್ಕೆ ಸೈನೈಡ್: 14 ವರ್ಷದಲ್ಲಿ 6 ಸಂಬಂಧಿಕರನ್ನು ಸೈಲೆಂಟಾಗಿ ಮುಗಿಸಿದ ವಿಷಕನ್ಯೆ! - Kerala News

ಕೇರಳದ ಕೋಝಿಕೋಡ್​ ಜಿಲ್ಲೆಯ ಕೂಡತೈ ಗ್ರಾಮದಲ್ಲಿ ನಡೆದ ಆಘಾತಕಾರಿ ಪ್ರಕರಣವನ್ನು ಪೊಲೀಸರು ಭೇದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಇಲ್ಲಿ ಮಹಿಳೆಯೊಬ್ಬಳು 14 ವರ್ಷಗಳ ಅವಧಿಯಲ್ಲಿ ಆಹಾರದಲ್ಲಿ ಸೈನೈಡ್​ ಬೆರೆಸಿ ಪತಿ, ಅತ್ತೆ ಮತ್ತು ಕುಟುಂಬದ ಇತರೆ ನಾಲ್ವರು ಸದಸ್ಯರನ್ನು ಹತ್ಯೆ ಮಾಡಿದ್ದಾಳೆ. ಜಾಲಿ ಜೋಸೆಫ್ ಎಂಬ ಮಹಿಳೆ ಎಲ್ಲಾ ಆರು ಕೊಲೆಗಳನ್ನು ತಾನೇ ಮಾಡಿದ್ದಾಗಿ ಒಪ್ಪಿಕೊಂಡಿದ್ದಾಳೆ. ಅವಳ ಪತಿ ರಾಯ್ ಥಾಮಸ್ (40) ಬಳಿ ಸಾವಿನ ಪ್ರಕರಣಕ್ಕೆ ಸಂಬಂಧಪಟ್ಟ ದಾಖಲೆಗಳಿವೆ. 2011ರಲ್ಲಿ ನಡೆಸಿದ ಶವಪರೀಕ್ಷೆಯಿಂದ ನಮಗೆ ವೈಜ್ಞಾನಿಕ ಪುರಾವೆಗಳು ದೊರೆತಿವೆ ಎನ್ನುತ್ತಾರೆ ಕೋಝಿಕೋಡ್​ ಗ್ರಾಮೀಣ ವಿಭಾಗದ ಪೊಲೀಸ್ ವರಿಷ್ಠಾಧಿಕಾರಿ ಕೆ. ಜಿ ಸೈಮನ್.