ದಾವಣಗೆರೆಯಲ್ಲಿ‌ ಮತ್ತೆ ವೈರಾಣುವಿನ ಆರ್ಭಟ: ಮೂವರು ಕೊರೊನಾ ವಾರಿಯರ್ಸ್​ಗಳಿಗೆ ಸೋಂಕು

ದಾವಣಗೆರೆ ಜಿಲ್ಲೆಯಲ್ಲಿ ಮತ್ತೆ ಕೊರೊನಾ ಸೋಂಕು ಹರಡಲಾರಂಭಿಸಿದೆ. ನಗರ ಪ್ರದೇಶದಜನರನ್ನು ಕಾಡುತ್ತಿದ್ದ ಸೋಂಕು ಹಳ್ಳಿಗಳಿಗೂ ಪಸರಿಸುತ್ತಿದೆ. ಇದೀಗ ಮೂವರು ಕೊರೊನಾ ವಾರಿಯರ್ಸ್​ಗಳಿಗೆ ಸೋಂಕು ತಗುಲಿರುವುದು ಜಿಲ್ಲೆಯ ಜನರ ಆತಂಕಕ್ಕೆ ಕಾರಣವಾಗಿದೆ. ಎಂಸಿಸಿ ಬಿ ಬ್ಲಾಕ್‌ನ ಪೊಲೀಸ್ ಸಿಬ್ಬಂದಿ, ಜಗಳೂರಿನ ಪೌರ ಕಾರ್ಮಿಕ ಹಾಗೂ ಸಿ.ಜೆ.ಆಸ್ಪತ್ರೆಯ ಎಕ್ಸ್-ರೇ ಟೆಕ್ನಿಷಿಯನ್​ನಲ್ಲೂ ಸೋಂಕು ದೃಢಪಟ್ಟಿದೆ. ಜಿಲ್ಲೆಯಲ್ಲಿ ಈವರೆಗೆ ಒಟ್ಟು 325 ಮಂದಿಗೆ ಸೋಂಕು ಕಾಣಿಸಿದೆ. 266 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದಾರೆ. 48 ಸಕ್ರಿಯ ಪ್ರಕರಣಗಳಿವೆ. ಈ ಬಗ್ಗೆ ನಮ್ಮ ಪ್ರತಿನಿಧಿ ವಾಕ್​ ತ್ರೂ ವಿವರವಾದ ಮಾಹಿತಿ ನೀಡಿದ್ದಾರೆ.