Watch - ಸಿಂಹದ ಮರಿಯನ್ನು ಕೈಯ್ಯಲ್ಲೇ ಆರೈಕೆ ಮಾಡುವ ಯುವಕ.. - ಸಿಂಹದ ಮರಿಯನ್ನು ಕೈಯ್ಯಲ್ಲೇ ಆರೈಕೆ ಮಾಡುವ ಯುವಕ

ಭುವನೇಶ್ವರ (ಒಡಿಶಾ): ಅಪಾಯಕಾರಿ ಪ್ರಾಣಿಗಳಲ್ಲೊಂದಾದ ಸಿಂಹವಾಗಲಿ, ಸಿಂಹದ ಮರಿಯಾಗಲಿ ಮನುಷ್ಯರ ಜೊತೆ ಅಷ್ಟು ಅನ್ಯೋನ್ಯವಾಗಿರುವುದಿಲ್ಲ. ಆದರೆ, ಒಡಿಶಾದ ಭುವನೇಶ್ವರದ ನಂದನ್‌ಕಾನನ್ ಝೂಲಾಜಿಕಲ್ ಪಾರ್ಕ್‌ನಲ್ಲಿ 'ವರ್ಷಾ' ಹೆಸರಿನ 7 ತಿಂಗಳ ಸಿಂಹದ ಮರಿಯನ್ನು ಪ್ರಶಾಂತ್​ ಕುಮಾರ್​ ಗೌರವ್ ಎಂಬುವರು ತಮ್ಮ ಕೈಯ್ಯಲ್ಲೇ ಆರೈಕೆ ಮಾಡಿ ಅದರ ಪಾಲನೆ-ಪೋಷಣೆ ಮಾಡುತ್ತಿದ್ದಾರೆ. ವರ್ಷಾ ಜೊತೆ ಮತ್ತೆರೆಡು ಸಿಂಹದ ಮರಿಗಳು ತಾಯಿಯಿಂದ ದೂರವಾಗಿದ್ದವು. ಹುಟ್ಟಿದ ಕೆಲ ಹೊತ್ತಿಗೇ ಒಂದು ಮರಿ ಸತ್ತಿದ್ದು, ಅಸಮರ್ಪಕ ಪೋಷಣೆಯಿಂದ ಮತ್ತೊಂದು ಮರಿ ಕೂಡ ಮೃತಪಟ್ಟಿತ್ತು. ವರ್ಷಾ ಕೂಡ ಅಷ್ಟೊಂದು ಆರೋಗ್ಯವಾಗಿರಲಿಲ್ಲ. ಹೀಗಾಗಿ, ಪಾರ್ಕ್​ ಅಧಿಕಾರಿಗಳು ವರ್ಷಾಳ ಆರೈಕೆಯನ್ನು ಕೇರ್‌ಟೇಕರ್​ಗೆ ವಹಿಸಿದ್ದು, ಇದೀಗ ಪ್ರಶಾಂತ್ ಆಕೆಯನ್ನು ತುಂಬಾನೆ ಚೆನ್ನಾಗಿ ನೋಡಿಕೊಳ್ಳುತ್ತಿದ್ದಾರೆ.