ಕೊಚ್ಚಿಯಲ್ಲಿ ಅನಧಿಕೃತ 2 ಬೃಹತ್‌ ಕಟ್ಟಡ ತೆರವು.. ಸ್ಫೋಟಕ ಬಳಸಿ ಬಿಲ್ಡಿಂಗ್‌ ನೆಲಸಮ..

ಕೊಚ್ಚಿ(ಕೇರಳ):ನಗರದಲ್ಲಿ ಅನುಮತಿ ಪಡೆಯದೇ ಅನಧಿಕೃತವಾಗಿ ನಿರ್ಮಿಸಿದ ಕಟ್ಟಡಗಳನ್ನು ಕೆಡವಲಾಗುತ್ತಿದೆ. ಇಂದು 2ನೇ ಹಂತದಲ್ಲಿ ಎರಡು ಅಪಾರ್ಟ್​ಮೆಂಟ್​ಗಳನ್ನು ಕೆಡವಲಾಗಿದೆ. ಜೈನ್ ಕೋರಲ್ ಕೋವ್ ಮತ್ತು ಗೋಲ್ಡನ್ ಕಾಯಲೋರಂ​ ಹೆಸರಿನ ಲಕ್ಷುರಿ ಅಪಾರ್ಟ್​ಮೆಂಟ್​ಗಳನ್ನು ಇಂದು ನಿಯಂತ್ರಿತ ಸ್ಫೋಟಕಗಳನ್ನು ಬಳಸಿ ನೆಲಸಮಗೊಳಿಸಲಾಗಿದೆ. ನಿನ್ನೆ H2o ಹೋಲಿ ಫೇತ್​ ಹೆಸರಿನ ಅಪಾರ್ಟ್​ಮೆಂಟ್‌ನ ಸ್ಫೋಟಕಗಳನ್ನು ಬಳಸಿ ಕೆಡವಲಾಗಿತ್ತು. 16 ಅಂತಸ್ತುಗಳ ಕಟ್ಟಡವನ್ನು ಸುಮಾರು 220 ಕೆಜಿ ಸ್ಫೋಟಕ ಬಳಸಿ ನೆಲಸಮಗೊಳಿಸಲಾಗಿದೆ. ಇಂದು ಬೆಳಗ್ಗೆ 11 ಗಂಟೆಗೆ ತೆರವು ಕಾರ್ಯಾಚರಣೆ ನಡೆಯಿತು. ಕರಾವಳಿ ನಿಯಂತ್ರಣ ವಲಯದ ಅನುಮತಿ ಪಡೆಯದೆ ನಿರ್ಮಾಣ ಮಾಡಿದ್ದಕ್ಕಾಗಿ ಕಳೆದ ವರ್ಷ ಸುಪ್ರೀಂಕೋರ್ಟ್​ ಅನಧಿಕೃತ ಕಟ್ಟಡಗಳನ್ನ ಕೆಡವಲು ಆದೇಶಿಸಿತ್ತು.