ಚಕ್ರಯಪಾಲೆಂ ತಾಂಡಾದಲ್ಲಿ ಬೆಂಕಿ ಅವಘಡ: ಇಬ್ಬರು ಮಕ್ಕಳು ಸಜೀವ ದಹನ - Chakrayapalem Thanda

ಆಂಧ್ರಪ್ರದೇಶ: ಅಗ್ನಿ ಅವಘಡದಿಂದ ಇಬ್ಬರು ಮಕ್ಕಳು ಜೀವಂತವಾಗಿ ಸುಟ್ಟು ಕರಲಾಗಿರುವ ಘಟನೆ ಆಂಧ್ರ ಪ್ರದೇಶದ ಗುಂಟೂರು ಜಿಲ್ಲೆಯ ಚಕ್ರಯಪಾಲೆಂ ತಾಂಡದಲ್ಲಿ ನಡೆದಿದೆ. ಉದಯಬಾಬು ಎಂಬ ವ್ಯಕ್ತಿಗೆ ಸೇರಿದ ಕಿರಾಣಿ ಅಂಗಡಿಯಲ್ಲಿದ್ದ ಪೆಟ್ರೋಲ್​ ಬಾಟಲ್​ಗೆ ಇದ್ದಕ್ಕಿದ್ದಂತೆ ಬೆಂಕಿ ತಗುಲಿ ಅದು ಇಡೀ ಮನೆಗೆ ಆವರಿಸಿ ಮನೆಯಲ್ಲಿದ್ದ ಮಕ್ಕಳು ಸಜೀವ ದಹನವಾಗಿದ್ದಾರೆ. ಘಟನೆಯಲ್ಲಿ 2 ವರ್ಷದ ಕೃಪಾಬೈ ಸ್ಥಳದಲ್ಲೇ ಸುಟ್ಟು ಹೋದರೆ 3 ವರ್ಷ ವಯಸ್ಸಿನ ಶಿವನಾಯಕ್​ ನನ್ನು ಆಸ್ಪತ್ರೆಗೆ ಕರೆದೊಯ್ಯುವಾಗ ಮಾರ್ಗ ಮಧ್ಯದಲ್ಲೇ ಸಾವನ್ನಪ್ಪಿದೆ.