ಐವರು ಸಹೋದ್ಯೋಗಿಗಳನ್ನು ಬಲಿ ಪಡೆದು ಆತ್ಮಹತ್ಯೆಗೆ ಶರಣಾದ ಯೋಧ! - ನಾರಾಯಣ್ಪುರ ಐಟಿಬಿಪಿ ಯೋಧರು ಹುತಾತ್ಮ

ಯೋಧನೋರ್ವ ತನ್ನ ಸಹೋದ್ಯೋಗಿಗಳ ಮೇಲೆ ಗುಂಡು ಹಾರಿಸಿ ಐವರನ್ನು ಬಲಿ ತೆಗೆದುಕೊಂಡಿರುವ ಘಟನೆ ಛತ್ತೀಸ್​ಗಢ್​ನ ನಾರಾಯಣ್​ಪುರದಲ್ಲಿ ನಡೆದಿದೆ. ಬಳಿಕ ಆ ಯೋಧನು ಸಹ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಯೋಧ ತನ್ನ ಸಹೋದ್ಯೋಗಿಗಳ ಮೇಲೆ ಗುಂಡು ಹಾರಿಸಲು ನಿಖರ ಕಾರಣ ತಿಳಿದುಬಂದಿಲ್ಲ. ಘಟನೆಯಲ್ಲಿ ಇಬ್ಬರು ಗಾಯಗೊಂಡಿದ್ದು, ಗಾಯಾಳುಗಳನ್ನು ಹೆಲಿಕಾಪ್ಟರ್​ ಮೂಲಕ ರಾಯ್ಪುರ್​ನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮೃತ ಯೋಧರ ಹೆಸರು ಹೆಡ್ ಕಾನ್ಸ್​​ಟೇಬಲ್‍ಗಳಾದ ಮಹೇಂದ್ರ ಸಿಂಗ್, ದಲಿಜಿತ್ ಸಿಂಗ್, ಕಾನ್ಸ್​ಟೇಬಲ್‍ಗಳಾದ ಸುರ್ಜಿತ್ ಸರ್ಕಾರ್, ಬಿಸ್ವರೂಪ್ ಮ್ಯಾಹ್ತೊ ಹಾಗೂ ನಿಜೀಶ್ ಎಂದು ಗುರುತಿಸಲಾಗಿದೆ. ಇನ್ನು ಆತ್ಮಹತ್ಯೆ ಮತ್ತು ದಾಳಿ ಮಾಡಿದ ಯೋಧನ ಹೆಸರು ಮಸುದುಲ್ ರೆಹ್ಮಾನ್‍ ಎಂದು ಗುರುತಿಸಲಾಗಿದೆ.