ಸಿದ್ದರಾಮಯ್ಯರನ್ನ ಹೊಗಳಿ, ಸಿಎಂ ಬಿಎಸ್​ವೈಗೆ ಕಿವಿಮಾತು ಹೇಳಿದ ರಮೇಶ್ ಕುಮಾರ್: ವಿಡಿಯೋ - Ramesh Kumar

ಬೆಂಗಳೂರು: ವಿಧಾನಸಭೆಯಲ್ಲಿ ಶಾಸಕ ರಮೇಶ್ ಕುಮಾರ್ ಅವರು ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯ ಹಾಗೂ ಮುಖ್ಯಮಂತ್ರಿ ಬಿ ಎಸ್​ ಯಡಿಯೂರಪ್ಪನವರ ಬಗ್ಗೆ ಮಾತನಾಡಿದ್ದಾರೆ. ಸಿದ್ದರಾಮಯ್ಯನವರು ಬಜೆಟ್​ ಬಗ್ಗೆ ಮಾತನಾಡುವಾಗ ಪ್ರಾಥಮಿಕ ಶಾಲಾ ಮಕ್ಕಳಿಗೂ ಅರ್ಥವಾಗುವ ರೀತಿಯಲ್ಲಿ ಬಿಡಿಸಿ ಬಿಡಿಸಿ ಹೇಳಿದ್ದರು. ಬಜೆಟ್​ನ ವಿಚಾರಲ್ಲಿ ಅಷ್ಟು ನೈಪುಣ್ಯತೆ, ಸಾಮರ್ಥ್ಯದಿಂದ ಮಾತನಾಡೋ ವ್ಯಕ್ತಿನ ನಾನೆಲ್ಲೂ ನೋಡೇ ಇಲ್ಲ ಎಂದು ಹಾಡಿ ಹೊಗಳಿದರು. ಇದೇ ವೇಳೆ, ನೀವು ಅಧಿಕಾರಕ್ಕೆ ಬಂದ ಮೇಲೆ ಕೋವಿಡ್​, ಪ್ರವಾಹದಂತ ಅನೇಕ ಪಾಕೃತಿಕ ವಿಕೋಪಗಳನ್ನ ಎದುರಿಸಿದ್ದೀರಿ. ಹಿಂದೆ ಹೇಳಿದ್ದ ಮಾತನ್ನ ಮತ್ತೆ ಹೇಳುವೆ, ದಯಮಾಡಿ ಅಂತಃ ಕರಣ ಇರುವ ಸರ್ಕಾರವಾಗಿ. ಬಹುಮತವನ್ನೇ ನೆಚ್ಚಿಕೊಳ್ಳುವ ಸರ್ಕಾರ ಆಗಬೇಡಿ. ಬ್ಯಾಂಡ್​ಸೆಟ್​ ವಿಚಾರದಲ್ಲಿ ಹುಷಾರಾಗಿರಿ, ಅಧಿಕಾರ ಶಾಶ್ವತ ಅಲ್ಲ ಎಂದು ಸಿಎಂ ಬಿಎಸ್​ವೈಗೆ ರಮೇಶ್ ಕುಮಾರ್ ಸಲಹೆ ನೀಡಿದರು.