ಬಿಜೆಪಿ ನಾಯಕನ ಕಾಲು ಮುಟ್ಟಿ ನಮಸ್ಕರಿಸಿದ ಪೊಲೀಸ್​ : ವಿಡಿಯೋ ವೈರಲ್​​​ - Policeman touches BJP leaders feet in uniform

ಉಜ್ಜೈನಿ : ಇಲ್ಲಿನ ಮಾದವ ನಗರ ಪೊಲೀಸ್​​​​ ಸ್ಟೇಷನ್​ ಇನ್​-ಚಾರ್ಜ್​​​​ ದಿನೇಶ್​​ ಪ್ರಜಾಪತಿ ಅವರು ಮಧ್ಯಪ್ರದೇಶ ಬಿಜೆಪಿ ರಾಜ್ಯಾಧ್ಯಕ್ಷ ವಿ.ಡಿ ಶರ್ಮಾ ಅವರ ಕಾಲು ಮುಟ್ಟಿ ನಮಸ್ಕರಿಸಿದ್ದಾರೆ ಎನ್ನಲಾದ ವಿಡಿಯೋ ಇದೀಗ ವೈರಲ್​ ಆಗುತ್ತಿದೆ. ಪೊಲೀಸ್​ ಅಧಿಕಾರಿಯಾಗಿ ಸಮವಸ್ತ್ರ ಧರಿಸಿಯೇ ರಾಜಕೀಯ ವ್ಯಕ್ತಿಯ ಕಾಲು ಮುಟ್ಟಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಚರ್ಚೆಗೆ ಗ್ರಾಸವಾಗಿದೆ. ವಿ ಡಿ ಶರ್ಮಾ ಉಜ್ಜೈನಿಯಲ್ಲಿ ನಡೆದ ಸಭೆಯಲ್ಲಿ ಭಾಗವಹಿಸಲು ಆಗಮಿಸಿದ್ದ ವೇಳೆ ಈ ಘಟನೆ ನಡೆದಿದೆ ಎನ್ನಲಾಗ್ತಿದೆ. ಕಾಂಗ್ರೆಸ್​​ನಿಂದ ತೀವ್ರ ಟೀಕೆ ವ್ಯಕ್ತವಾಗಿದೆ.