ಹರಿಯುವ ನದಿಯಲ್ಲಿ ಡ್ಯಾನ್ಸ್, ಮೈಮರೆತ ಯುವಕನ ಸ್ಥಿತಿ ಹೀಗಾಯ್ತು! ವಿಡಿಯೋ - ನಿಜಾಮಾಬಾದ್​ ಸುದ್ದಿ

ಸಾಮಾಜಿಕ ಜಾಲತಾಣ ಮೂಲಕ ಜನಪ್ರಿಯಗೊಳ್ಳಬೇಕೆಂದು ಯುವಕನೋರ್ವ ತನ್ನ ಪ್ರಾಣವನ್ನೇ ಕಳೆದುಕೊಂಡಿರುವ ಘಟನೆ ತೆಲಂಗಾಣದ ನಿಜಾಮಾಬಾದ್​ ಜಿಲ್ಲೆಯಲ್ಲಿ ನಡೆದಿದೆ. ಪ್ರವಾಹದ ಸ್ಥಳದಲ್ಲಿ ವಿಡಿಯೋ ಮಾಡುತ್ತ, ಮೈಮರೆತ ಯುವಕನೋರ್ವ ಈಗ ಬಾರದಲೋಕಕ್ಕೆ ತೆರಳಿದ್ದಾನೆ. ದಿನೇಶ್ ಎಂಬಾತ ನದಿಯಲ್ಲಿ ಕೊಚ್ಚಿ ಹೋಗಿರುವ ಯುವಕ​. ತನ್ನ ಸ್ನೇಹಿತರಾದ ಮನೋಜ್​ ಮತ್ತು ಗಂಗಾಚಲಂ ಜೊತೆ ಸೇರಿ ವಾಯುವಿವಾರಕ್ಕೆ ತೆರಳಿದ್ದ. ಈ ವೇಳೆ ಸ್ನೇಹಿತರೊಂದಿಗೆ ಎಂಜಾಯ್​ ಮಾಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಜನಪ್ರಿಯಗೊಳ್ಳುವುದಕ್ಕಾಗಿ ದಿನೇಶ್​ ಗೋನುಗೊಪ್ಪಲದ ನದಿಯಲ್ಲಿ ವಿಡಿಯೋ ಹಾಡಿಗೆ ಸ್ಟೆಪ್​ ಹಾಕುತ್ತಿದ್ದ. ಆಗ ಕಾಲು ಜಾರಿ ನದಿಯ ಪ್ರವಾಹಕ್ಕೆ ಕೊಚ್ಚಿ ಹೋಗಿದ್ದಾನೆ. ಕೂಡಲೇ ಸ್ಥಳೀಯರು ಸಹಾಯಕ್ಕೆ ದೌಡಾಯಿಸಿದರೂ ಪ್ರಯೋಜನವಾಗಿಲ್ಲ. ಎರಡು ದಿನಗಳ ಬಳಿಕ ದಿನೇಶ್​ ಮೃತದೇಹ ದೊರೆತಿದ್ದು, ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ಮುಂದಿನ ಕ್ರಮ ಕೈಗೊಂಡಿದ್ದಾರೆ.