ಬದ್ರಿನಾಥನಿಗೆ ಹಿಮಾಭಿಷೇಕ: ಪ್ರವಾಸಿಗರಿಗೆ ಸ್ವರ್ಗವೇ ಧರೆಗಿಳಿದು ಬಂದ ಅನುಭವ!

ಉತ್ತರಕಾಶಿ: ಮಳೆಗಾಲ ಮುಗಿದು ಚಳಿಗಾಲ ಶುರುವಾಗಿದೆ. ದೇಶದ ಕೆಲ ಭಾಗಗಳಲ್ಲಿ ಜನರಿಗೆ ಈಗಾಗಲೇ ಇದರ ಅನುಭವವಾಗ್ತಿದೆ.ಈ ಮಧ್ಯೆ ಹಿಮದಿಂದಲೇ ಆವರಿಸಿರುವ ಉತ್ತರಾಖಂಡದ ಪ್ರಸಿದ್ಧ ಧಾರ್ಮಿಕ ತಾಣಗಳಾದ ಬದ್ರಿನಾಥ್ ಹಾಗು ಕೇದಾರನಾಥ್​​​ ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತಿದೆ. ಈಗ ಇಲ್ಲಿ ಎಲ್ಲಿ ನೋಡಿದ್ರೂ ಹಿಮದ ಮಳೆ ಸುರಿದಂಗೆ ಭಾಸವಾಗ್ತಿದೆ. ಸಮುದ್ರ ಮಟ್ಟದಿಂದ ಸುಮಾರು 3,000 ಮೀಟರ್ ಎತ್ತರದಲ್ಲಿರುವ ಗಂಗೋತ್ರಿಧಾಮದಲ್ಲಿ ಸ್ವರ್ಗವೇ ಧರೆಗಿಳಿದು ಬಂದಿರುವ ಅನುಭವ ಪ್ರವಾಸಿಗರಿಗೆ ಆಗ್ತಿದೆ!