ಪಾಪ್ ಲೋಕದ ದೊರೆಗೆ ಸಾಂಗ್ಲಿಯ ಲೇಡಿ ಮೈಕಲ್ ಜಾಕ್ಸನ್ ಗೌರವ

'ಪಾಪ್ ಲೋಕದ ದೊರೆ' ಎಂದೇ ಪ್ರಸಿದ್ಧರಾಗಿದ್ದ ಗಾಯಕ ಮತ್ತು ಡಾನ್ಸರ್‌ ಮೈಕಲ್‌ ಜಾಕ್ಸನ್‌ ನಮ್ಮನ್ನಗಲಿ 11 ವರ್ಷಗಳು ಸಂದಿವೆ. ಆಗಸ್ಟ್​ 29 ಅವರ ಜನ್ಮ ದಿನವಾಗಿದ್ದು, ಜಾಕ್ಸನ್​ಗೆ ಸ್ಮರಣಾರ್ಥವಾಗಿ ಮಹಾರಾಷ್ಟ್ರದ ಸಾಂಗ್ಲಿ ಮೂಲದ ಯುವತಿಯೋರ್ವಳು ನೃತ್ಯ ಕಾರ್ಯಕ್ರಮ ನೀಡಿದ್ದಾಳೆ. ಸಾಂಗ್ಲಿಯ ಪತ್ರಕರ್ ಭವನದಲ್ಲಿ ಏರ್ಪಡಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಕಿರಣ್ ಹೋಲ್ಕಾರ್​ ಎಂಬ ಯುವತಿ ಸತತ 2 ಗಂಟೆಗಳ ಕಾಲ ಮೈಕಲ್ ಜಾಕ್ಸನ್​ರ ಹಾಡುಗಳಿಗೆ ಅವರಂತೆಯೇ ಹೆಜ್ಜೆ ಹಾಕಿದ್ದಾಳೆ. ಈಕೆ ಮೈಕಲ್ ಜಾಕ್ಸನ್​ರ ದೊಡ್ಡ ಅಭಿಮಾನಿಯಾಗಿದ್ದಾಳೆ.