ರಫೇಲ್​ ಸೇರ್ಪಡೆ ಸೇನೆಗೆ ಮತ್ತಷ್ಟು ಶಕ್ತಿ ತುಂಬಲಿದೆ: ನಿವೃತ್ತ ವಾಯುಪಡೆ ಅಧಿಕಾರಿ - ರಫೇಲ್​ ಯುದ್ಧ ವಿಮಾನ ಬಗ್ಗೆ ಪರಿಣಿತರ ಸಲಹೆ,

ಬಹುನಿರೀಕ್ಷಿತ ಫ್ರಾನ್ಸ್ ನಿರ್ಮಿತ ರಫೇಲ್​ ಯುದ್ಧ ವಿಮಾನಗಳ ಪೈಕಿ ಮೊದಲ ಹಂತದಲ್ಲಿ ಐದು ವಿಮಾನಗಳು ಇಂದು ಅಂಬಾಲಾಕ್ಕೆ ಆಗಮಿಸಿ ಭಾರತೀಯ ವಾಯುಪಡೆಗೆ ಸೇರಿಕೊಂಡಿವೆ. ಈ ಕುರಿತು 'ಈಟಿವಿ ಭಾರತ' ತಂಡವು ನಿವೃತ್ತ ವಾಯುಪಡೆಯ ಮಿಲಿಟರಿ ಅಧಿಕಾರಿ ಖುಷ್ಬೀರ್ ಸಿಂಗ್ ದತ್ ಅವರೊಂದಿಗೆ ಮಾತುಕತೆ ನಡೆಸಿತು. ಈಟಿವಿ ಭಾರತದೊಂದಿಗೆ ಮಾತನಾಡಿದ ಅವರು, ಈ ವಿಮಾನಗಳನ್ನು ಅಂಬಾಲಾ ಏರ್ ಬೇಸ್​ನಲ್ಲಿ ಸೇರಿಸುವುದು ಮಹತ್ವದ್ದಾಗಿದೆ. ಚೀನಾ ಮತ್ತು ಪಾಕಿಸ್ತಾನದ ಗಡಿಗಳನ್ನು ಕೇವಲ 15 ನಿಮಿಷಗಳಲ್ಲಿ ತಲುಪಬಹುದಾದ ಏಕೈಕ ವಾಯುನೆಲೆ ಎಂದರೆ ಅದು ಅಂಬಾಲಾ ವಾಯುನೆಲೆ ಆಗಿದೆ. ಯಾವುದೇ ಯುದ್ಧದ ಫಲಿತಾಂಶವನ್ನು ಅಂಬಾಲಾ ವಾಯುನೆಲೆಯಿಂದ ಬದಲಾಯಿಸಬಹುದಾಗಿದೆ ಎಂದು ವಿಶ್ಲೇಷಿಸಿದ್ದಾರೆ.