'ಪ್ರಾಣಕ್ಕಿಂತ ಕರ್ತವ್ಯ ಹೆಚ್ಚು', ಚೀನಾದಲ್ಲಿ ಭಾರತೀಯ ವೈದ್ಯ ದಂಪತಿಯ ಮಾನವೀಯತೆ

ರತ್ಲಾಂ(ಮಧ್ಯ ಪ್ರದೇಶ): ಮಾರಕ ಕೊರೊನಾ ವೈರಸ್​ ಭೀತಿಯಿಂದಾಗಿ ನೂರಾರು ಭಾರತೀಯರು ಚೀನಾದಿಂದ ತಾಯ್ನಾಡಿಗೆ ಮರಳಿದ್ದಾರೆ. ಆದ್ರೆ ಮಧ್ಯಪ್ರದೇಶದ ರತ್ಲಾಂನ ವೈದ್ಯ ದಂಪತಿ ಮಾತ್ರ ವೈರಸ್​ನಿಂದ ಬಳಲುತ್ತಿರುವ ರೋಗಿಗಳ ಸೇವೆ ಮಾಡುವ ಉದ್ದೇಶದಿಂದ ಅಲ್ಲೇ ಉಳಿದಿದ್ದಾರೆ. ರತ್ಲಾಂ ಮೂಲದ ವೈದ್ಯರಾದ ಅಮಿಶ್​ ವ್ಯಾಸ್​ ಹಾಗೂ ಅವರ ಪತ್ನಿ ಚೀನಾದ ಹೌಗಾಂಜೋ ನಗರದಲ್ಲೇ ಉಳಿದು ಮಾರಕ ರೋಗದ ವಿರುದ್ಧ ಹೋರಾಡುತ್ತಿದ್ದಾರೆ. ಇತ್ತ ರತ್ಲಾಂನಲ್ಲಿ ವೈದ್ಯರ ತಾಯಿ ಸೇರಿದಂತೆ ಸಂಪೂರ್ಣ ಕುಟುಂಬವೇ ಆತಂಕಕ್ಕೊಳಗಾಗಿದ್ದು, ದೇಶಕ್ಕೆ ಮರಳುವಂತೆ ಅಮಿಶ್​ ಅವರಿಗೆ ಕರೆ ಮಾಡುತ್ತಿದ್ದಾರೆ. ಆದರೆ ನನಗೆ ರೋಗಿಗಳ ಸೇವೆ ಮಾಡಬೇಕೆಂದು ಅಮಿಶ್​ ಅಲ್ಲೇ ಉಳಿದು ಅಲ್ಲಿನ ರೋಗಿಗಳ ಆರೈಕೆ ಮಾಡುತ್ತಿದ್ದಾರೆ. ಇನ್ನೊಂದೆಡೆ ಆತಂಕದಲ್ಲಿದ್ದರೂ, ತಮ್ಮ ಮಗನ ದಿಟ್ಟ ನಿರ್ಧಾರದ ಬಗ್ಗೆ ಇಡೀ ಕುಟುಂಬವೇ ಹೆಮ್ಮೆ ಪಡುತ್ತಿದೆ.