ಬೆಂಗಳೂರಿಗೆ ಆಗಮಿಸಿದ ಡಿಕೆಶಿ: ವಿಮಾನ ನಿಲ್ದಾಣದಲ್ಲಿ ಅದ್ಧೂರಿ ಸ್ವಾಗತ ಕೋರಿದ ಅಭಿಮಾನಿಗಳು: VIDEO - D K Shivakumar news update

ದೆಹಲಿಯಿಂದ ಬೆಂಗಳೂರಿಗೆ ಆಗಮಿಸಿದ ಡಿ ಕೆ ಶಿವಕುಮಾರ್​ಗೆ ದೇವನಹಳ್ಳಿಯ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಅದ್ಧೂರಿ ಸ್ವಾಗತ ಸಿಕ್ಕಿತು. ಅಕ್ರಮ ಹಣ ವರ್ಗಾವಣೆ ಆರೋಪದಡಿ ಜೈಲು ಸೇರಿದ್ದ ಡಿಕೆಶಿ, ದೆಹಲಿ ಹೈಕೋರ್ಟ್​ನಿಂದ ಷರತ್ತು ಬದ್ಧ ಜಾಮೀನು ಪಡೆದು ಬೆಂಗಳೂರಿಗೆ ಆಗಮಿಸಿದರು. ಸ್ಪೈಸ್ ಜೆಟ್ SG8717 ನಲ್ಲಿ ಕೆಇಎಎಲ್​ಗೆ ಆಗಮಿಸಿದ ಅವರಿಗೆ ವಿಮಾನ ನಿಲ್ದಾಣದಲ್ಲಿ ಕಾರ್ಯಕರ್ತರು ಭವ್ಯ ಸ್ವಾಗತ ಕೋರಿದರು. ತಮ್ಮ ಹೆಗಲ ಮೇಲೆ ಎತ್ತಿಕೊಂಡು ಕಾರಿನ ಬಳಿಗೆ ಬಂದು ಕಾರ್ಯಕರ್ತರೇ ಕಾರು ಹತ್ತಿಸಿದ್ರು. ಕಾರಿನ ಬಳಿ ಬರುವವರೆಗೂ ಕಾರ್ಯಕರ್ತರು ಹೂವುಗಳನ್ನ ಅವರ ಮೇಲೆ ಎಸೆಯುತ್ತಿದ್ದರು. ಬಳಿಕ ಸಾದಹಳ್ಳಿ ಗೇಟ್​ಗೆ ಡಿಕೆಶಿ ಪ್ರಯಾಣ ಬೆಳೆಸಿದರು.