ಕರುವಿಗಾಗಿ ಬೈಕ್​ ಹಿಂದೆ 5 ಕಿ.ಮೀ ಓಡಿದ ಕಾಮಧೇನು..

ಸಂಗರೆಡ್ಡಿ (ತೆಲಂಗಾಣ): ತಾಯಿಯ ಪ್ರೀತಿಗೆ ಮಿಗಿಲಾದದ್ದು ಯಾವುದೂ ಇಲ್ಲ ಎಂಬುದಕ್ಕೆ ತೆಲಂಗಾಣದ ಸಂಗರೆಡ್ಡಿ ಜಿಲ್ಲೆಯಲ್ಲಿ ನಡೆದ ಘಟನೆಯೊಂದು ಸಾಕ್ಷಿಯಾಗಿದೆ. ಇಲ್ಲೊಂದು ಹಸು ತನ್ನ ಕರುವಿಗಾಗಿ ಬರೋಬ್ಬರಿ ಐದು ಕಿಲೋ ಮೀಟರ್​ನಷ್ಟು ದೂರ ಓಡಿರುವ ದೃಶ್ಯ ಕರುಳು ಹಿಂಡುವಂತಿದೆ. ಮೊಹಮ್ಮದ್ ಪಾಷಾ ಎಂಬ ರೈತ ಹಸುವಿನ ಕರುವನ್ನು ಮಾರಾಟ ಮಾಡಲು ನರಸಾಪುರ ಮಾರುಕಟ್ಟೆಗೆ ಬೈಕ್​ನಲ್ಲಿ ಕರೆದುಕೊಂಡು ಹೋಗುತ್ತಿದ್ದ. ಆದರೆ, ತನ್ನ ಕಣ್ಣಿಂದ ಕರುವು ಮರೆಯಾಗುತ್ತಿರುವುದನ್ನು ಸಹಿಸಲಾಗದ ಹಸುವು ಗಾಬರಿಯಿಂದ ಬೈಕ್​ ಹಿಂದೆಯೇ ಐದು ಕಿ.ಮೀ ದೂರ ಓಡಿದೆ.