ದಿವ್ಯಾಂಗನ ಪ್ರತಿಭೆ ನೋಡಿ 'ಆನಂದ'ಗೊಂಡ ಮಹೀಂದ್ರ ಮುಖ್ಯಸ್ಥ...
ಮಹೀಂದ್ರ ಸಂಸ್ಥೆಯ ಮುಖ್ಯಸ್ಥ ಆನಂದ್ ಮಹೀಂದ್ರ ಸೂರತ್ನ ದಿವ್ಯಾಂಗ ವ್ಯಕ್ತಿ ವಿಷ್ಣು ಪಟೇಲ್ರನ್ನು ಭೇಟಿಯಾಗುವ ನಿರ್ಧಾರ ಮಾಡಿದ್ದಾರೆ. ದಿವ್ಯಾಂಗ ವ್ಯಕ್ತಿ ವಿಷ್ಟು ಪಟೇಲ್ ಹುಟ್ಟು ಶ್ರವಣ ದೋಷ ಹೊಂದಿದವರು. ಆದರೆ ಅವರು ಅಸಾಧಾರಣ ಪ್ರತಿಭೆಯಾಗಿದ್ದು, ವಾಹನದ ಬಿಡಿಭಾಗಗಳಿಂದ ವಾಹನವೊಂದನ್ನು ತಯಾರಿಸಿದ್ದಾರೆ, ಅದನ್ನು ಸರಕು ಸಾಗಾಣಿಕೆಗೆ ಬಳಸಿಕೊಂಡಿದ್ದಾರೆ. ಇದು ಆನಂದ್ ಮಹೀಂದ್ರರವರ ಗಮನ ಸೆಳೆದಿದ್ದು, ಅವರನ್ನು ಭೇಟಿಯಾಗಲು ನಿರ್ಧರಿಸಿದ್ದಾರೆ. ಅಷ್ಟೇ ಅಲ್ಲದೆ, ಇಂತಹ ದಿವ್ಯಾಂಗ ಉದ್ಯಮಿಗಳ ಅಭಿವೃದ್ಧಿಗಾಗಿ 1ಕೋಟಿ ರೂ. ಹಣವನ್ನು ಮೀಸಲಿಡಲು ನಿರ್ಧರಿಸಿದ್ದಾರೆ.