ಮತ ಕೇಳುತ್ತ ಭಾವೋದ್ವೇಗಕ್ಕೊಳಗಾದ ಬಿಜೆಪಿ ಅಭ್ಯರ್ಥಿ: ಕ್ಯಾಂಡಿಡೇಟ್​ ಜೊತೆ ಕಣ್ಣೀರು ಹಾಕಿದ ಮತದಾರರು!

ತೆಲಂಗಾಣದ ನಾಗಾರ್ಜುನಸಾಗರ್ ಉಪಚುನಾವಣೆ ಕಾವು ಬಲು ಜೋರಾಗಿಯೇ ಇದೆ. ಅಭ್ಯರ್ಥಿಗಳು ಮತದಾರರನ್ನು ಸೆಳೆಯಲು ಹೊಸ-ಹೊಸ ಪ್ರಯತ್ನಗಳನ್ನು ನಡೆಸುತ್ತಲೇ ಇದ್ದಾರೆ. ಇಲ್ಲೋರ್ವ ಅಭ್ಯರ್ಥಿ ಮತಕ್ಕಾಗಿ ಕಣ್ಣೀರನ್ನೇ ಸುರಿಸಿದ್ದಾರೆ. ಬಿಜೆಪಿ ಅಭ್ಯರ್ಥಿ ರವಿಕುಮಾರ್ ತಮ್ಮ ತವರು ಗ್ರಾಮವಾದ ತ್ರಿಪುರಾರಂ ತಾಲೂಕಿನ ಪಾಲ್ಗುತಾಂಡದಲ್ಲಿ ಪ್ರಚಾರ ಕೈಗೊಂಡರು. ಗ್ರಾಮದ ಜನರ ಎದುರು ಮತ ಕೇಳುವಾಗ ಅವರು ಭಾವುಕರಾದರು. ಪ್ರಚಾರದ ಭಾಷಣದಲ್ಲಿ ಮಾತನಾಡುವಾಗ ಕಣ್ಣೀರು ಹಾಕುತ್ತಲೇ ಬಿಜೆಪಿ ನನಗೆ ಅವಕಾಶ ನೀಡಿದೆ. ನೀವೆಲ್ಲರೂ ಅಮೂಲ್ಯವಾದ ಮತ ಹಾಕಿ ಗೆಲ್ಲಿಸಬೇಕೆಂದು ಮನವಿ ಮಾಡಿದರು. ಈ ಮನವಿಗೆ ಕೆಲ ಮತದಾರರು ಸಹ ಕಣ್ಣೀರು ಸುರಿಸುವುದನ್ನು ನಾವು ವಿಡಿಯೋದಲ್ಲಿ ಕಾಣಬಹುದಾಗಿದೆ. ಒಟ್ಟಿನಲ್ಲಿ ಮತಬೇಟೆ ಮಾತ್ರ ಭರ್ಜರಿಯಾಗಿಯೇ ನಡೆದಿದೆ.