ಏಪ್ರಿಲ್​ 11ರಿಂದ 14ರವರೆಗೆ ದೇಶದಲ್ಲಿ 'ಲಸಿಕೆ ಉತ್ಸವ': ಕರೆ ನೀಡಿದ ನಮೋ! - ಏಪ್ರಿಲ್​ 11ರಿಂದ 14ರವರೆಗೆ ದೇಶದಲ್ಲಿ 'ಲಸಿಕೆ ಉತ್ಸವ'

ದೇಶದಲ್ಲಿ ಮಹಾಮಾರಿ ಕೊರೊನಾ ವೈರಸ್ ಹಾವಳಿ ಹೆಚ್ಚಾಗಿರುವ ಕಾರಣ ಎಲ್ಲ ರಾಜ್ಯದ ಸಿಎಂಗಳೊಂದಿಗೆ ನಮೋ ಮಹತ್ವದ ಸಭೆ ನಡೆಸಿದರು. ಇದಾದ ಬಳಿಕ ದೇಶವನ್ನುದ್ದೇಶಿಸಿ ಮಾತನಾಡಿರುವ ಪ್ರಧಾನಿ ಏಪ್ರಿಲ್​​ 11ರಿಂದ 14ರವರೆಗೆ ದೇಶದಲ್ಲಿ ಲಸಿಕೆ ಉತ್ಸವ ಆಚರಣೆಗೆ ಕರೆ ನೀಡಿದ್ದಾರೆ. ಕೋವಿಡ್​-19 ಲಸಿಕೆ ಅಭಿಯಾನದ ಭಾಗವಾಗಿ ಈ ಉತ್ಸವ ನಡೆಸಲಾಗುವುದು ಎಂದರು. ಜತೆಗೆ ಜ್ಯೋತಿಬಾ ಫುಲೆ ಮತ್ತು ಬಾಬಾ ಸಾಹೇಬ್​ ಅಂಬೇಡ್ಕರ್​​ ಅವರ ಜಯಂತಿ ದಿನವಾದ ಏಪ್ರಿಲ್​ 11 ಹಾಗೂ ಏಪ್ರಿಲ್​ 14ರ ನಡುವೆ ಈ ಉತ್ಸವ ನಡೆಸಲಾಗುವುದು ಎಂದರು. ಈ ವೇಳೆ, ದೇಶದಲ್ಲಿ ಹೆಚ್ಚಿನ ಜನರನ್ನು ಲಸಿಕಾ ಅಭಿಯಾನಕ್ಕೆ ಒಳಗಾಗುವಂತೆ ಮಾಡೋಣ ಎಂದು ನಮೋ ತಿಳಿಸಿದರು.