ಚಲಿಸುತ್ತಿದ್ದ ಬಸ್​ನಿಂದ ಜಾರಿ ರಸ್ತೆಗೆ ಬಿದ್ದ ವೃದ್ಧೆ: ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆಯಲ್ಲಿ ಕೊನೆಯುಸಿರು - 61 year old Woman Slipped from the Bus,

ಈರೋಡ್(ತಮಿಳುನಾಡು): ಜನಸಂದಣಿ ಹೆಚ್ಚಾಗಿದ್ದರಿಂದ ವೃದ್ಧೆಯೊಬ್ಬಳು ವೇಗವಾಗಿ ಚಲಿಸುತ್ತಿದ್ದ ಬಸ್​ನಿಂದ ಜಾರಿ ರಸ್ತೆಗೆ ಬಿದ್ದು ಸಾವನ್ನಪ್ಪಿರುವ ದಾರುಣ ಘಟನೆ ತಮಿಳುನಾಡಿನ ಈರೋಡ್​ನಲ್ಲಿ ನಡೆದಿದೆ. ಭವಾನಿಸಾಗರ್​ನಿಂದ ಬನ್ನರಿ ಕಡೆಗೆ ಹೋಗುವ ಬಸ್ ಅ​ನ್ನು 61 ವರ್ಷದ ವೃದ್ಧೆ ಹತ್ತಿದ್ದಳು. ಬಸ್​ನಲ್ಲಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಿದ್ದರಿಂದ ಬಾಗಿಲ ಬಳಿಯಿದ್ದ ವೃದ್ಧೆ ಜಾರಿ ವೇಗವಾಗಿ ಚಲಿಸುತ್ತಿದ್ದ ಬಸ್​ನಿಂದ ಸಮತೋಲನ ಕಳೆದುಕೊಂಡು ಹೊರಕ್ಕೆ ಎಸೆಯಲ್ಪಟ್ಟಿದ್ದಾಳೆ. ಗಂಭೀರವಾಗಿ ಗಾಯಗೊಂಡಿದ್ದ ವೃದ್ಧೆಯನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಫೆ.27ರಂದು ಆಕೆ ಸಾವನ್ನಪ್ಪಿದ್ದಾಳೆ. ಸಂಚಾರದ ಸಂದರ್ಭದಲ್ಲಿ ಬಸ್ಸಿನ ಬಾಗಿಲುಗಳು ಮುಚ್ಚಿದ್ದಿದ್ದರೆ ಮಹಿಳೆ ಬದುಕುಳಿಯುತ್ತಿದ್ದಳು. ಈ ವಿಡಿಯೋ ಇದೀಗ ವೈರಲ್ ಆಗಿದೆ.