ಆಟಿಸಂ ಪೀಡಿತ ಬಾಲಕಿಯ ದಾಖಲೆ: 13 ಗಂಟೆಯಲ್ಲಿ ಲಂಕಾದಿಂದ ತಮಿಳುನಾಡಿನವರೆಗೆ ಈಜು! - ಲಂಕಾದಿಂದ ತಮಿಳುನಾಡಿನವರೆಗೆ ಈಜು

ರಾಮನಾಥಪುರಂ(ತಮಿಳುನಾಡು): ಸಾಧನೆ ಮಾಡಬೇಕೆಂಬ ಛಲವಿದ್ದರೆ ಯಾವ ನ್ಯೂನತೆ ಕೂಡ ಅಡ್ಡಿ ಬರಲ್ಲ. ಆಟಿಸಂ(ಸ್ವಲೀನತೆ) ಎಂಬ ಕಾಯಿಲೆಯಿಂದ ಬಳಲುತ್ತಿರುವ ಬಾಲಕಿಯೋರ್ವಳು ಕೇವಲ 13 ಗಂಟೆಗಳಲ್ಲಿ ಶ್ರೀಲಂಕಾದಿಂದ ತಮಿಳುನಾಡಿಗೆ ಈಜುವ ಮೂಲಕ ಹೊಸದೊಂದು ದಾಖಲೆ ಬರೆದಿದ್ದಾಳೆ. ಶ್ರೀಲಂಕಾದ ತಲೈಮನ್ನಾರ್​​ನಿಂದ ಧನುಷ್ಕೋಡಿಯ ಅರಿಚಲ್ಮುನೈಗೆ ಕೇವಲ 13 ಗಂಟೆಗಳಲ್ಲಿ ಈಜಿದ್ದಾಳೆ. ಜಿಯಾ ರೈ ಈ ಸಾಧನೆ ಮಾಡಿದ್ದು, ಮುಂಬೈನಲ್ಲಿ ವಾಸವಾಗಿರುವ ಭಾರತೀಯ ನೌಕಾಧಿಕಾರಿ ಮದನ್​ ರೈ ಅವರ ಪುತ್ರಿ. ಎರಡು ವರ್ಷದವಳಿದ್ದಾಗ ಜಿಯಾ ಆಟಿಸಂ ತೊಂದರೆಗೊಳಗಾಗಿದ್ದು, ವೈದ್ಯರ ಸಲಹೆ ಮೇರೆಗೆ ಈಜು ತರಬೇತಿ ನೀಡಲಾಗ್ತಿದೆ. ಪ್ರತಿ ಗಂಟೆಗೆ 14 ಕಿಲೋ ಮೀಟರ್ ವೇಗದಲ್ಲಿ ಈ ಬಾಲಕಿ ಈಜುತ್ತಾಳೆ.