ಮಹಮ್ಮದ್‌ ನಲಪಾಡ್​ಗೆ ಸೇರಿದ ಹೋಟೆಲ್​​ ಗುತ್ತಿಗೆ ಪಡೆದ ಯುವತಿ ಮೇಲೆ ಹಲ್ಲೆ: ಸಿಸಿಟಿವಿ ವಿಡಿಯೋ - ಮೈಸೂರಿನಲ್ಲಿ ನಲಪಾಡ್​ಗೆ ಸೇರಿದ ಹೋಟೆಲ್​​ ಗುತ್ತಿಗೆ ಪಡೆದ ಯುವತಿ ಮೇಲೆ ಹಲ್ಲೆ ಸಿಸಿಟಿವಿಯಲ್ಲಿ ಸೇರೆ

ಮೈಸೂರು: ರಾಜ್ಯ ಕಾಂಗ್ರೆಸ್ ಯುವ ಘಟಕದ ಅಧ್ಯಕ್ಷ ಮೊಹಮ್ಮದ್ ನಲಪಾಡ್​ಗೆ ಸೇರಿದ ರೆಸ್ಟೋರೆಂಟ್​ನಲ್ಲಿ ಯುವತಿ ಮೇಲೆ ಹಲ್ಲೆ ನಡೆಸಲಾಗಿದೆ. ಘಟನೆಗೆ ಸಂಬಂಧಿಸಿದ ಸಿಸಿಟಿವಿ ವಿಡಿಯೋ ದೊರೆತಿದೆ. ನಗರದ ಹೈವೇ ಸರ್ಕಲ್‌ನಲ್ಲಿರುವ ನಲಪಾಡ್ ಹೋಟೆಲ್ ಅನ್ನು ಕೃತಿಕಾ ಗೌಡ 20 ಲಕ್ಷ ರೂ ನೀಡಿ ಲೀಸ್​​ಗೆ ತೆಗೆದುಕೊಂಡು ನಡೆಸುತ್ತಿದ್ದರು. ಇದಕ್ಕೆ ಕಸ್ತೂರಿ ರೆಸ್ಟೋರೆಂಟ್ ಎಂದು ಹೆಸರಿಡಲಾಗಿತ್ತು. ಆದರೆ ರೆಸ್ಟೋರೆಂಟ್ ಪ್ರಾರಂಭಿಸಿ ಇನ್ನೂ ಒಂದು ವರ್ಷವೂ ಕಳೆದಿಲ್ಲ, ಆದರೂ ಅವಧಿಗೂ ಮುನ್ನವೇ ರೆಸ್ಟೋರೆಂಟ್ ಜಾಗ ಖಾಲಿ‌ ಮಾಡುವಂತೆ ಹೋಟೆಲ್​ ಮುಖ್ಯಸ್ಥ ಸಯ್ಯದ್ ರಿಯಾಜ್ ಕೃತಿಕಾ ಜೊತೆ ಗಲಾಟೆ​ ಮಾಡಿದ್ದಾನೆ. ಇಬ್ಬರ ಮಧ್ಯೆ ವಾಗ್ವಾದ ನಡೆದಿದ್ದು ಸಯ್ಯದ್ ರಿಯಾಜ್, ಕೃತಿಕಾ ಅವರನ್ನು ತಳ್ಳಿ ಹಲ್ಲೆ ಮಾಡಿದ್ದಾನೆ ಎಂದು ಆರೋಪಿಸಲಾಗಿದೆ.