ಮುಖದ ಅಂದ ಹಾಳುಗೆಡುವ ನರಹುಲಿಗಳು; ಕಾರಣ, ಪರಿಹಾರ

ಈ ನರಹುಲಿಗಳು ಸಾಮಾನ್ಯವಾಗಿ ಚರ್ಮದ ಸಂಪರ್ಕದಿಂದ ಬರುತ್ತದೆ. ಇದರಿಂದ ಮುಖದ ಸೌಂದರ್ಯದ ಮೇಲೆ ಪರಿಣಾಮ ಬೀರುತ್ತದೆ.

ಬೆಂಗಳೂರು: ನರಹುಲಿ ಅಥವಾ ನರೂಲಿ (warts) ಎಂಬ ಚರ್ಮ ಸಮಸ್ಯೆ ಅನೇಕರನ್ನು ಕಾಡುತ್ತದೆ. ಮುಖದ ಅಂದವನ್ನು ಹಾಳು ಮಾಡುವ ಈ ನರಹುಲಿಗಳು ಕೆಂಪಾಗಿ, ಕೆಲವೊಮ್ಮೆ ರಕ್ತಸ್ರಾವಕ್ಕೆ ಕಾರಣವಾಗಬಹುದು. ಇನ್ನು ಈ ನರಹುಲಿಗಳು ವ್ಯಕ್ತಿಗಳ ಕೈ ಅಥವಾ ಕಾಲುಗಳಲ್ಲಿ ಕಾಣಿಸಿಕೊಳ್ಳುವ ಈ ಚರ್ಮದ ಬೆಳವಣಿಗೆ ಅಹಿತಕರ ಅನುಭವವನ್ನು ಉಂಟು ಮಾಡುತ್ತದೆ. ಇದರ ಹೊರತಾಗಿ ದೇಹದ ಅನೇಕ ಭಾಗಗಳಲ್ಲಿ ಕೂಡ ಈ ಸಮಸ್ಯೆ ಕಾಡುತ್ತದೆ. ಇನ್ನು ಈ ಸಮಸ್ಯೆಗೆ ಪ್ರಮುಖ ಕಾರಣ ಹ್ಯೂಮನ್​ ಪಾಪಿಲೊಮನೊ ವೈರಸ್​ (ಎಚ್​ಪಿವಿ) ಆಗಿದೆ. ಇದೊಂದು ಸೋಂಕು ಆಗಿದ್ದು, 150ಕ್ಕೂ ಹೆಚ್ಚು ವೈರಸ್​ ಮೇಕಪ್​ಗಳು ಈ ವರ್ಗದಲ್ಲಿ ಬರುತ್ತದೆ.

ಇನ್ನು ಈ ಎಸ್​ಡಿಟಿ, ಎಸ್​ಟಿಐ, ಎಚ್​ಪಿವಿಗಳಿ ಲೈಂಗಿಕತೆ ಅಥವಾ ಇನ್ನಿತರ ವರ್ಗಾವಣೆಯಿಂದಲೂ ಆಗುತ್ತದೆ. ಈ ವೈರಸ್​ ಹೊಂದಿರುವ ವ್ಯಕ್ತಿಯೊಂದಿಗಿನ ಲೈಂಗಿಕ ಸಂಬಂಧದಿಂದ ಇದು ದೇಹಕ್ಕೆ ಹರಡುತ್ತದೆ. ಕಾಸ್ಮೋಟೊಲಾಜಿಸ್ಟ್​​ ಡಾ ಕರುಣಾ ಮಲ್ಹೋತ್ರಾ ತಿಳಿಸುವಂತೆ, ಈ ನರಹುಲಿ, ಗುಳ್ಳೆ ಮತ್ತು ಸ್ಕಿನ್​ ಟ್ಯಾಗ್​​ ಸಂಪೂರ್ಣವಾಗಿ ವಿಭಿನ್ನವಾಗಿದ್ದು, ಈ ಮೂರು ವಿಶಿಷ್ಟ ಗುಣವನ್ನು ಹೊಂದಿದ್ದು, ಇದರ ಕಾರಣ ಕೂಡ ಬೇರೆಯಾಗಿದೆ.

ಹೇಗೆ ಹರಡುತ್ತದೆ: ಈ ನರಹುಲಿಗಳಿ ಸಾಮಾನ್ಯವಾಗಿ ಚರ್ಮದ ಸಂಪರ್ಕದಿಂದ ಬರುತ್ತದೆ. ಕೈ ಕುಲುಕುವುದು, ಒಬ್ಬರ ಟವೆಲ್​, ಶೂಗಳನ್ನು ಮತ್ತೊಬ್ಬರು ಬಳಕೆ ಮಾಡುವುದರಿಂದ ಕೂಡ ಬರುವ ಸಾಧ್ಯತೆ ಇದೆ. ಇನ್ನು ಈ ನರಹುಲಿಗಳು ಸಾಮಾನ್ಯವಾಗಿ ಒಬ್ಬರಿಂದ ಒಬ್ಬರಿಗೆ ಬರುವ ಹಿನ್ನಲೆ ಈ ಬಗ್ಗೆ ಕಾಳಜಿವಹಿಸುವುದು ಅಗತ್ಯವಾಗಿದೆ.

ಯಾರಿಗೆ ಅಪಾಯ?:ಸೂಕ್ಷ್ಮ ಅಥವಾ ಹಾನಿ ಅಥವಾ ತೇವಾಂಶ ಚರ್ಮಗಳು ಈ ಸೋಂಕಿಗೆ ಬೇಗ ಒಳಗಾಗುತ್ತದೆ. ಇದರ ಹೊರತಾಗಿ ದುರ್ಬಲ ರೋಗ ನಿರೋಧಕ ಶಕ್ತಿ, ದೀರ್ಘಕಾಲ ಒತ್ತಡ, ಹಾರ್ಮೋನ್​ ಏರಿಳಿತ, ಹೊರಾಂಗಿಣ ಪರಿಣಾಮ ಅಂದರೆ ರಾಸಾಯನಿಕ ಮಾಲಿನ್ಯ, ಜಂಕ್​ ಆಹಾರ ಸೇವಿಸುವವರು ಈ ಸಮಸ್ಯೆಗೆ ಒಳಗಾಗುವ ಆತಂಕ ಹೊಂದಿರುತ್ತಾರೆ.

ಮುನ್ನೆಚ್ಚರಿಕೆ:ಈ ನರಹುಲಿ ಸಮಸ್ಯೆ ಕಾಡದಂತೆ ತೆಗೆದುಕೊಳ್ಳುವ ಮೊದಲ ಎಚ್ಚರಿಕೆ ಎಂದರೆ ಈ ವೈರಸ್​ ಸೋಂಕಿಗೆ ಒಳಗಾಗದಂತೆ ಕಾಪಾಡಿಕೊಳ್ಳುವುದು. ಯಾವುದೇ ವಸ್ತುಗಳನ್ನು ಮುಟ್ಟುವ ಮೊದಲು ಚೆನ್ನಾಗಿ ಕೈ ತೊಳೆಯಬೇಕು. ಶೂ ಅಥವಾ ಟವೆಲ್​, ಬಟ್ಟೆ ಸೇರಿದಂತೆ ಇನ್ನಿತರ ಬಟ್ಟೆಗಳನ್ನು ಬೇರೆಯವರಿಗೆ ನೀಡಬೇಡಿ. ಸದಾ ಉಗುರು ಕಚ್ಚುವುದು ಮಾಡಬೇಡಿ

ಚಿಕಿತ್ಸೆ: ಕೆಲವು ನರಹುಲಿಗಳಿಗೆ ಚಿಕಿತ್ಸೆ ಇಲ್ಲ. ಇದು ಸ್ವತಃ ಹೋಗಬಹುದು ಕೆಲವು ರಕ್ತ ಸೋರಿ ನೋವಿಗೆ ಕಾರಣವಾಗುತ್ತದೆ. ಈ ವೇಳೆ ಚರ್ಮ ತಜ್ಞರ ಭೇಟಿಯಾಗುವುದು ಉತ್ತಮ. ರಾಸಾಯನಿಕ ಚಿಕಿತ್ಸೆಗಳನ್ನು ಆಸಿಡ್​, ಆಲ್ಕೈಸ್​ ಅಥವಾ ಸಲಿಷೈಲಿಕ್​ ಆಸಿಡ್​ ಹೊಂದಿರುವ ಚಿಕಿತ್ಸೆಗಳು ಇದರ ನಿವಾರಣೆಗೆ ಪ್ರಯೋಜನ ನೀಡುತ್ತದೆ. ಇತ್ತೀಚಿನ ದಿನದಲ್ಲಿ ಇದರ ನಿವಾರಣೆ ಲೇಸರ್​​ ಚಿಕಿತ್ಸೆ ಲಭ್ಯವಿದೆ, ಇದು ಶೀಘ್ರದಲ್ಲಿ, ಕಡಿಮೆ ನೋವಿನಲ್ಲಿ ಇದನ್ನು ತೆಗೆದು ಹಾಕುತ್ತದೆ.

ಇದನ್ನೂ ಓದಿ: ಬೇಸಿಗೆಯಲ್ಲೂ ಮುಖದ ಅಂದ ಕಾಪಾಡಲು ಈ ಐದು ವಸ್ತು ಬಳಸಿ