ಭಾರತದ ಮೂವರಲ್ಲಿ ಇಬ್ಬರನ್ನು ಕೊಲ್ಲುತ್ತಿದೆ ಗರ್ಭಕಂಠದ ಕ್ಯಾನ್ಸರ್​​

ಜನವರಿಯನ್ನು ಗರ್ಭಕಂಠ ಕ್ಯಾನ್ಸರ್​ ಜಾಗೃತಿ ಮಾಸ ಎಂದು ಆಚರಿಸಲಾಗುತ್ತಿದ್ದು, ಈ ನಿಟ್ಟಿನಲ್ಲಿ ಭಾರತದಲ್ಲಿ ಮಹಿಳೆಯರನ್ನು ಕಾಡುತ್ತಿರುವ ಕ್ಯಾನ್ಸರ್​ನಲ್ಲಿ ಒಂದಾಗಿರುವ ಈ ಕುರಿತು ಜಾಗೃತಿ ಮೂಡಿಸುವ ಪ್ರಯತ್ನ ನಡೆಯುತ್ತಿದೆ.

ಫರೀದಾಬಾದ್​:ಭಾರತದಲ್ಲಿ ಮೂರರಲ್ಲಿ ಎರಡು ಗರ್ಭಕಂಠ ಕ್ಯಾನ್ಸರ್​ ರೋಗಿಗಳು ತಡವಾಗಿ ಪತ್ತಯಾಗುತ್ತಿದ್ದಾರೆ. ಭಾರತದಲ್ಲಿ ಗರ್ಭ ಕಂಠ ಕ್ಯಾನ್ಸರ್​ ಎಂಬುದು ಎರಡನೇ ಸಾಮಾನ್ಯ ಕ್ಯಾನ್ಸರ್​ ಆಗಿದ್ದು, ಶೇ 18ರಷ್ಟು ಮಹಿಳೆಯರು ಈ ಸಮಸ್ಯೆಗೆ ಒಳಗಾಗುತ್ತಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ

ಜನವರಿಯನ್ನು ಗರ್ಭಕಂಠ ಕ್ಯಾನ್ಸರ್​ ಜಾಗೃತಿ ಮಾಸ ಎಂದು ಆಚರಿಸಲಾಗುತ್ತಿದ್ದು, ಈ ಕುರಿತು ಮಾತನಾಡಿರುವ ಫರೀದಾಬಾದ್​ನ ಅಮೃತ್​​ ಆಸ್ಪತ್ರೆಯ ಸ್ತ್ರೀರೋಗ ತಜ್ಞರಾಗಿರುವ ಡಾ ನೇಹಾ ಕುಮಾರ್​, ಪ್ರತಿ ವರ್ಷ ಭಾರತದಲ್ಲಿ ಗರ್ಭಕಂಠ ಕ್ಯಾನ್ಸರ್​​ನ 1,20,00 ಹೊಸ ಪ್ರಕರಣಗಳು ಪತ್ತೆಯಾಗುತ್ತಿದ್ದು, ಇದರಲ್ಲಿ 77,000 ಪ್ರಕರಣದಲ್ಲಿ ರೋಗಿಗಳು ತಡವಾಗಿ ಅಥವಾ ಅಭಿವೃದ್ಧಿ ಸ್ಥಿತಿಯಲ್ಲಿ ಕ್ಯಾನ್ಸರ್​ ಪತ್ತೆಯಾಗುತ್ತಿದ್ದು, ಸಾವನ್ನಪ್ಪುತ್ತಿದ್ದಾರೆ. ಈ ಗರ್ಭಕಂಠ ಕ್ಯಾನ್ಸರ್​ನ ಸಾವಿನ ಪ್ರಮಾಣ ಅಂದಾಜು ಶೇ 63ರಷ್ಟು ಇದೆ ಎಂದು ವೈದ್ಯರು ತಿಳಿಸಿದ್ದಾರೆ.

ಭಾರತದಲ್ಲಿ ಗರ್ಭಕಂಠ ಕ್ಯಾನ್ಸರ್​​​ ವೈದ್ಯಕೀಯ ಕ್ಷೇತ್ರದಲ್ಲಿ ಭಾರಿ ಹೊರೆಯಾಗಲು ಕಾರಣವಾಗಿರುವ ಅಂಶ ಎಂದರೆ, ಈ ಕುರಿತು ಸರಿಯಾದ ಜ್ಞಾನವನ್ನು ಹೊಂದಿಲ್ಲದೇ ಇರುವುದು ಮತ್ತು ಇದನ್ನು ಪತ್ತೆ ಹಚ್ಚುವುದಕ್ಕೆ ಕಷ್ಟವಾಗುತ್ತಿದೆ. ರೋಗಗ್ರಸ್ಥತೆ ಮತ್ತು ಸಾವಿಗೆ ಪ್ರಮುಖ ಕಾರಣವಾಗಿರುವ ಅಂಶಗಳು ತಡವಾಗಿ ಪತ್ತೆ ಮತ್ತು ಇದಕ್ಕೆ ಸೂಕ್ತ ಚಿಕಿತ್ಸೆಯ ಲಭ್ಯತೆ ಇಲ್ಲದಿರುವುದಾಗಿದೆ.

ಗರ್ಭಕಂಠದಲ್ಲಿನ ಬದಲಾವಣೆಗಳ ಆರಂಭಿಕ ಹಂತದಲ್ಲೇ ಪತ್ತೆ ಮಾಡುವುದರಿಂದ ಕ್ಯಾನ್ಸರ್​ ಅಭಿವೃದ್ಧಿ ಹೊಂದುವುದನ್ನು ತಪ್ಪಿಸಬಹುದಾಗಿದೆ. ಮಾರಾಣಾಂತಿಕ ಕೋಶಗಳು ಹರಡುವ ಮುನ್ನವೇ ಈ ಕ್ಯಾನ್ಸರ್​ ಪತ್ತೆ ಮಾಡುವ ಅವಶ್ಯಕತೆ ಇದೆ.

ಗರ್ಭಕಂಠದ ಕ್ಯಾನ್ಸರ್​​ಗೆ ಪ್ರಮುಖ ಕಾರಣ ಎಚ್​ಪಿವಿ ಸೋಂಕು ಆಗಿದೆ, ಇದರ ಅಪಾಯ ಯುವಜನತೆಯಲ್ಲಿ ಹಚ್ಚಿದೆ. ಹೆಚ್ಚಿನ ಲೈಂಗಿಕ ಚಟುವಟಿಕೆ, ಬಹು ಗರ್ಭಧಾರಣೆ, ಶುಚಿತ್ವ, ಅಪೌಷ್ಠಿಕಾಂಶತೆ, ಧೂಮಪಾತ, ಎಚ್​ಪಿವಿ ಸೋಂಕು ಮತ್ತು ಅರಿವು ಮತ್ತು ಪತ್ತೆಯ ಕೊರತೆ ಕ್ಯಾನ್ಸರ್​ಗೆ ಕಾರಣವಾದ ಅಂಶವಾಗಿದೆ ಎಂದು ಡಾ ಕುಮಾರ್​ ತಿಳಿಸಿದ್ದಾರೆ.

ಆರಂಭಿಕ ಸೂಚನೆ: ಗರ್ಭಕಂಠದ ಕ್ಯಾನ್ಸರ್​ ಹೊಂದಿರುವವರಲ್ಲಿ ಅನಿಯಮಿತಿ ಯೋನಿ ಸ್ರಾವ, ಋತುಚಕ್ರದ ಮಧ್ಯೆ ರಕ್ತಸ್ರಾವ, ಮೆನೋಪಾಸ್​ ರಕ್ತಸ್ರಾವ, ಯೋನಿಯ ಅಸಹನೀಯ ವಾಸನೆಗಳಾಗಿದೆ. ಕೆಲವು ರೋಗಿಗಳು ಇದರಿಂದ ಅಸಹನೀಯ ಕಿಬ್ಬೊಟ್ಟೆ ನೋವು ಮತ್ತು ಬೆನ್ನು ನೋವಿಗೆ ಗುರಿಯಾಗಬಹುದು.

ಪ್ಯಾಪ್ ಸ್ಮೀಯರ್ ಪರೀಕ್ಷೆಯು ಎಚ್​ಪಿವಿ ಸೋಂಕು ಪತ್ತೆ ಮಾಡಬಹುದಾಗಿದೆ ಇದನ್ನು ವಿಐಎ ಮತ್ತು ವುಐಎಲ್​ಐ ಎಂದು ಕರೆಯಲಾಗಿದೆ. ಈ ಮಾದರಿಯ ವಿಧಾನಗಳು ಅಸಿಟಿಕ್ ಆಸಿಡ್ ಮತ್ತು ಲುಗೋಲ್ ಅಯೋಡಿನ್ ನಂತಹ ವಸ್ತುಗಳನ್ನು ಬಳಕೆ ಮಾಡುತ್ತದೆ. ಇದನ್ನು ಬರಿಗಣ್ಣಿನಿಂದ ಪತ್ತೆ ಮಾಡಬಹುದಾದ ಗರ್ಭಕಂಠದಲ್ಲಿನ ಬದಲಾವಣೆಗಳನ್ನು ನೋಡಬಹುದು ಎನ್ನುತ್ತಾರೆ ವೈದ್ಯರು. (ಐಎಎನ್​ಎಸ್​)

ಇದನ್ನೂ ಓದಿ:ಭಾರತದಲ್ಲಿ ಹೆಚ್ಚುತ್ತಿದೆ ಗರ್ಭಕಂಠದ ಕ್ಯಾನ್ಸರ್​​: ಕಾರಣವೇನು? ಚಿಕಿತ್ಸೆಯ ವಿವರ