ತಾಯಿಯಲ್ಲಿನ ಮಧುಮೇಹವು ಭ್ರೂಣಕ್ಕೆ ಶಾಶ್ವತ ಹಾನಿ ಉಂಟುಮಾಡಬಹುದು: ಅಧ್ಯಯನ

ಮಧುಮೇಹ ಹೊಂದಿರುವ ತಾಯಂದಿರಲ್ಲಿ ಸಕ್ಕರೆ ಪ್ರಮಾಣವನ್ನ ನಿಯಂತ್ರಿಸಿದರೂ ಶಿಶುಗಳಿಗೆ ಶಾಶ್ವತವಾದ ಹಾನಿಯಾಗಬಹುದು ಎಂದು ಇತ್ತೀಚಿನ ಅಧ್ಯಯನವೊಂದು ಬಹಿರಂಗಪಡಿಸಿದೆ.

ನವದೆಹಲಿ: ತಾಯಿಯ ಮಧುಮೇಹ, ಇನ್ಸುಲಿನ್ ಮತ್ತು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ನಿಯಂತ್ರಿಸಿದರೂ ಸಹ ಭ್ರೂಣಕ್ಕೆ ಶಾಶ್ವತ ಹಾನಿ ಉಂಟುಮಾಡಬಹುದು ಎಂದು ಅಧ್ಯಯನವೊಂದು ತಿಳಿಸಿದೆ.

ರಕ್ತದಲ್ಲಿ ಸಕ್ಕರೆ ಪ್ರಮಾಣ ಹೆಚ್ಚಾದಾಗ ಮಧುಮೇಹ ರೋಗ ಬರುತ್ತದೆ. ಈ ಮಧುಮೇಹವು ತಾಯಂದಿರಿಗೆ ಗರ್ಭಪಾತ ಅಥವಾ ಜನಿಸಿದ ಶಿಶುಗಳಲ್ಲಿ ಜನ್ಮ ದೋಷಗಳಿಗೆ ಕಾರಣವಾಗುತ್ತದೆ. ಮಧುಮೇಹ ಹೊಂದಿರುವ ತಾಯಂದಿರಿಂದ ವರ್ಷಕ್ಕೆ ಸುಮಾರು 3 ಲಕ್ಷದಿಂದ ದಿಂದ 4 ಲಕ್ಷ ಭ್ರೂಣಗಳು ನ್ಯೂರಲ್​ ಟ್ಯೂಬ್ ಡಿಫೆಕ್ಟ್​ಗಳನ್ನು ಅನುಭವಿಸುತ್ತವೆ.

ಅಂತಿಮವಾಗಿ ಮೆದುಳು ಮತ್ತು ಬೆನ್ನುಹುರಿಯನ್ನು ರೂಪಿಸುವ ಅಂಗಾಂಶವು ಸರಿಯಾಗಿ ರೂಪುಗೊಳ್ಳಲು ವಿಫಲವಾದಾಗ - ಇದು ಗರ್ಭಪಾತ ಅಥವಾ ಗಂಭೀರವಾದ ಅಂಗವೈಕಲ್ಯಕ್ಕೆ ಕಾರಣವಾಗಬಹುದು ಎಂದು ಅಧ್ಯಯನ ಹೇಳಿದೆ.

ಮಧುಮೇಹವು ಸಾಮಾನ್ಯವಾಗಿ ಹಿಂದಿನ ತಲೆಮಾರಿನ ಜನರಿಗೆ ಸಂಬಂಧಿಸಿದ ಕಾಯಿಲೆಯಾಗಿದ್ದರೂ, ಆಧುನಿಕ ಯುಗದ ಜನರಲ್ಲಿ ಮಧುಮೇಹ ಸಾಂಕ್ರಾಮಿಕವು ಹೆಚ್ಚಾಗಿ ಸ್ಥೂಲಕಾಯದವರಲ್ಲಿ ಕಂಡು ಬರುತ್ತಿದೆ. ಶುಗರ್​ ಇರುವ ತಾಯಂದಿರು ಸಾಮಾನ್ಯ ಜನಸಂಖ್ಯೆಗೆ ಹೋಲಿಸಿದರೆ ಜನನ ದೋಷದ ಪ್ರಮಾಣಕ್ಕಿಂತ ಐದು ಪಟ್ಟು ಹೆಚ್ಚು ಮಕ್ಕಳನ್ನು ಹೊಂದಿರುತ್ತಾರೆ ಮತ್ತು ಮಧುಮೇಹವು ನಿರಂತರವಾಗಿ ಹೆಚ್ಚುತ್ತಿದೆ.

ಇದನ್ನೂ ಓದಿ:ಅಸ್ತಮಾ ರಾತ್ರಿಯಲ್ಲಿಯೇ ಉಲ್ಬಣವಾಗುವುದು ಏಕೆ? ಹೀಗಂತಾರೇ ತಜ್ಞರು..