ಅರಿವಿನ ಕುಸಿತದೊಂದಿಗೆ ಸಂಬಂಧ ಹೊಂದಿದೆ ನಿದ್ರಾ ಉಸಿರುಗಟ್ಟುವಿಕೆ: ಅಧ್ಯಯನ ವರದಿ

ಗೊರಕೆ, ಪ್ರಕ್ಷುಬ್ಧ ನಿದ್ದೆಯ ಸಮಯದಲ್ಲಿ ಕಾಡುವ ನಿದ್ರಾ ಉಸಿರುಗಟ್ಟುವಿಕೆ ಪುರುಷರ ಅರಿವಿನ ಕೊರತೆಗೆ ಕಾರಣವಾಗುತ್ತದೆ ಎಂದು ಅಧ್ಯಯನ ಹೇಳುತ್ತದೆ.

ಅಬ್​ಸ್ಟ್ರಕ್ಟಿವ್​ ಸ್ಲೀಪ್​ ಅಪ್ನಿಯ (ನಿದ್ರಾ ಉಸಿರುಗಟ್ಟುವಿಕೆ) ಮಧ್ಯವಯಸ್ಕ ಪುರುಷರಲ್ಲಿ ಆರಂಭಿಕ ಅರಿವಿನ ಕುಸಿತ ಉಂಟುಮಾಡುತ್ತದೆ ಎಂದು ಹೊಸ ಅಧ್ಯಯನ ತಿಳಿಸಿದೆ. ಆರೋಗ್ಯವಂತ ಮತ್ತು ಬೊಜ್ಜು ಹೊಂದಿರದ ರೋಗಿಗಳಲ್ಲಿ ಇದು ಪರಿಣಾಮ ಬೀರುತ್ತದೆ. ಬ್ರಿಟನ್​ನ ಕಿಂಗ್ಸ್ ಕಾಲೇಜ್ ಲಂಡನ್ ನೇತೃತ್ವದ ಅಂತಾರಾಷ್ಟ್ರೀಯ ಸಂಸ್ಥೆ ಈ ಬಗ್ಗೆ ಅಧ್ಯಯನ ನಡೆಸಿದೆ. 35 ಮತ್ತು 70ರ ವಯೋಮಾನದ 27 ಪುರುಷರನ್ನು ಅಧ್ಯಯನಕ್ಕೆ ಒಳಪಡಿಸಲಾಗಿದೆ. ಇದರಲ್ಲಿ ಸೌಮ್ಯದಿಂದ ತೀವ್ರ ಸ್ವರೂಪದ ಸ್ಲೀಪ್​ ಅಪ್ನಿಯ ರೋಗನಿರ್ಣಯ ಮಾಡಲಾಗಿದೆ. ಈ ಬಗ್ಗೆ ಫ್ರಾಂಟಿಯರ್ಸ್ ಇನ್ ಸ್ಲೀಪ್ ಜರ್ನಲ್‌ನಲ್ಲಿ ವರದಿ ಪ್ರಕಟಿಸಲಾಗಿದೆ.

ಅಬ್​ಸ್ಟ್ರಕ್ಟಿವ್​ ಸ್ಲೀಪ್​ ಅಪ್ನಿಯ ಪುರುಷರು ಮತ್ತು ಮಹಿಳೆಯರು ಹೃದಯರಕ್ತನಾಳದ ಮತ್ತು ಚಯಾಪಚಯ ಸಮಸ್ಯೆ, ಪಾರ್ಶ್ವವಾಯು, ಮಧುಮೇಹ, ದೀರ್ಘಕಾಲದ ಉರಿಯೂತ ಅಥವಾ ಖಿನ್ನತೆ ಹೊಂದಿರುವ ರೋಗಿಗಳ ಅಧ್ಯಯನಕ್ಕಾಗಿ ಸಮೂಹ ರಚಿಸಿಸಲಾಗಿತ್ತು. ಈ ವೇಳೆ ಕಳಪೆ ಕಾರ್ಯನಿರ್ವಾಹಕ ಕಾರ್ಯನಿರ್ವಹಣೆ ಮತ್ತು ದೃಷ್ಟಿಗೋಚರ ಸ್ಮರಣೆ ಮತ್ತು ಜಾಗರೂಕತೆಯ ಕುರಿತ ನಿರಂತರ ಅಧ್ಯಯನವಾಗಿದೆ. ಇದರಲ್ಲಿ ಅಬ್​ಸ್ಟ್ರಕ್ಟಿವ್​ ಸ್ಲೀಪ್​ ಅಪ್ನಿಯ ಪುರುಷರಲ್ಲಿ ಸೈಕೋಮೋಟರ್ ಮತ್ತು ಉದ್ವೇಗ ನಿಯಂತ್ರಣದಲ್ಲಿನ ಕೊರತೆಗಳನ್ನು ತೋರಿಸಿದೆ. ಇಂಥ ಕೊರತೆಗಳಲ್ಲಿ ಹಿಂದಿನ ಸಹ-ಅಸ್ವಸ್ಥತೆಗಳಿಗೆ ಕಾರಣವಾಗಿವೆ ಎಂದು ಅಧ್ಯಯನದಲ್ಲಿ ತೋರಿಸಿದೆ.

ಅರಿವಿನ ಕೊರತೆಗಳನ್ನು ಉಂಟುಮಾಡಲು ಅಬ್​ಸ್ಟ್ರಕ್ಟಿವ್​ ಸ್ಲಿಪ್​ ಅಪ್ನಿಯ ಕಾರಣವಾಗುತ್ತದೆ ಎಂದು ಲೇಖಕರು ಕಂಡುಕೊಂಡಿದ್ದಾರೆ. ಹಿಂದಿನ ಅಧ್ಯಯನಗಳಲ್ಲಿ ಅಬ್​ಸ್ಟ್ರಕ್ಟಿವ್​ ಸ್ಲಿಪ್​ ಅಪ್ನಿಯ ಅಧಿಕ ರಕ್ತದೊತ್ತಡ, ಹೃದಯರಕ್ತನಾಳದ ಮತ್ತು ಚಯಾಪಚಯ ಕಾಯಿಲೆಗಳು ಮತ್ತು ಟೈಪ್ 2 ಮಧುಮೇಹಕ್ಕೆ ಕಾರಣವಾಗಿತ್ತು. ವಾಚ್‌ಪ್ಯಾಟ್ ಪರೀಕ್ಷೆ ಮತ್ತು ವಿಡಿಯೋ-ಪಾಲಿಸಮ್ನೋಗ್ರಫಿಯನ್ನು ಬಳಕೆ ಮಾಡುವ ಮೂಲಕ ಅಬ್​ಸ್ಟ್ರಕ್ಟಿವ್​ ಸ್ಲಿಪ್​ ಅಪ್ನಿಯ ರೋಗದ ಪರಿಣಾಮಗಳ ಕುರಿತು ವಿಜ್ಞಾನಿಗಳು ವಿವರ ನೀಡಿದ್ದಾರೆ.

ಏನಿದು ವಾಚ್​ಪ್ಯಾಟ್?​​: ವಾಚ್‌ಪ್ಯಾಟ್ ಪರೀಕ್ಷೆಯು ನಿದ್ರಾ ಉಸಿರುಗಟ್ಟುವಿಕೆ ರೋಗನಿರ್ಣಯದ ಸಾಧನ. ರೋಗನಿರ್ಣಯಕ್ಕಾಗಿ ಬಾಹ್ಯ ಅಪಧಮನಿಯ ಸಂಕೇತವನ್ನು ಬಳಸಿಕೊಳ್ಳುತ್ತದೆ. ಮೂರು ಸಂಪರ್ಕ ಬಿಂದುಗಳ ಮೂಲಕ ಪಿಎಟಿ ಸಿಗ್ನಲ್, ಹೃದಯ ಬಡಿತ, ಆಕ್ಸಿಮೆಟ್ರಿ, ಆಕ್ಟಿಗ್ರಫಿ, ದೇಹದ ಸ್ಥಾನ, ಗೊರಕೆ ಮತ್ತು ಎದೆಯ ಚಲನೆಯನ್ನಿದು ಅಳೆಯುತ್ತದೆ. ಆದಾಗ್ಯೂ, ಇದು ಸಂಭವಿಸುವ ಕಾರ್ಯವಿಧಾನ ಇನ್ನೂ ಸ್ಪಷ್ಟವಾಗಿಲ್ಲ ಎಂದು ವಿಜ್ಞಾನಿಗಳೇ ಹೇಳಿದ್ದಾರೆ.

ಅರಿವಿನ ಕೊರತೆಗಳು ರಕ್ತದಲ್ಲಿ ಮರುಕಳಿಸುವ ಕಡಿಮೆ ಆಮ್ಲಜನಕ ಮತ್ತು ಹೆಚ್ಚಿನ ಇಂಗಾಲದ ಡೈಆಕ್ಸೈಡ್, ಮೆದುಳಿಗೆ ರಕ್ತದ ಹರಿವಿನ ಬದಲಾವಣೆಗಳು, ನಿದ್ರೆಯ ವಿಘಟನೆ ಮತ್ತು ಅಬ್​ಸ್ಟ್ರಕ್ಟಿವ್​ ಸ್ಲೀಪ್​ ಅಪ್ನಿಯ ರೋಗಿಗಳಲ್ಲಿ ನ್ಯೂರೋಇರ್ಮೇಶನ್ ಕಾರಣ ಎಂದು ಲೇಖಕರು ಊಹಿಸಿದ್ದಾರೆ. ಸ್ಲಿಪ್ ಅಪ್ನಿಯ ಎನ್ನುವುದು ನಿದ್ರೆಯ ಸಮಯದಲ್ಲಿ ಸ್ಲೀಪ್​ ಅಪ್ನಿಯ ಹೊಂದಿರುವ ಜನರ ಗಂಟಲಿನ ಸ್ನಾಯುಗಳು ವಿಶ್ರಾಂತಿ ಪಡೆಯುತ್ತವೆ. ಶ್ವಾಸಕೋಶಕ್ಕೆ ಗಾಳಿಯ ಹರಿವನ್ನು ನಿರ್ಬಂಧಿಸುತ್ತವೆ. ಮಲಗಿದ್ದಾಗ ಪದೇ ಪದೇ ಉಸಿರಾಟವನ್ನು ನಿಲ್ಲಿಸುತ್ತಾರೆ. ಪ್ರಕ್ಷುಬ್ಧ ನಿದ್ರೆ, ಜೋರಾಗಿ ಗೊರಕೆ, ಹಗಲಿನ ನಿದ್ರೆ ಮತ್ತು ಬೆಳಿಗ್ಗೆ ದೀರ್ಘಕಾಲದ ತಲೆನೋವು, ಮಧ್ಯಮ ಅಥವಾ ವೃದ್ಧಾಪ್ಯ, ಸ್ಥೂಲಕಾಯತೆ, ಧೂಮಪಾನ, ದೀರ್ಘಕಾಲದ ಮೂಗು ಕಟ್ಟುವಿಕೆ, ಅಧಿಕ ರಕ್ತದೊತ್ತಡ ಸ್ಲೀಪ್​ ಅಪ್ನಿಯಗಾಗಿ ಪ್ರಮುಖ ಅಪಾಯಕಾರಿ ಅಂಶಗಳು.

ಇದನ್ನೂ ಓದಿ:ಸೋಂಕಿನ ವಿರುದ್ಧ ಹೋರಾಡುವಲ್ಲಿ ವಿಟಮಿನ್​ ಮತ್ತು ಮಿನರಲ್ಸ್​ಗಳು ಪಾತ್ರ ಮುಖ್ಯ!