ವಾಷಿಂಗ್ಟನ್ ಡಿಸಿ(ಅಮೆರಿಕ):ಜಾಮಾ ನೆಟ್‌ವರ್ಕ್ ಓಪನ್‌ನಲ್ಲಿ ಪ್ರಕಟವಾದ ಹೊಸ ಅಧ್ಯಯನದ ಪ್ರಕಾರ ಜನಾಂಗೀಯ ತಾರತಮ್ಯ ಅನುಭವಿಸುವ ಮಕ್ಕಳು ಹೆಚ್ಚಿನ ಭೌತಿಕ ದ್ರವ್ಯರಾಶಿ ಸೂಚಿ(BMI) ಮತ್ತು ನಂತರದ ಜೀವನದಲ್ಲಿ ಸ್ಥೂಲಕಾಯ ಹೊಂದುವ ಅಪಾಯವನ್ನು ಹೊಂದಿರುತ್ತಾರೆ ಎಂದು ಹೇಳಿದೆ.
ಸಂಶೋಧನೆಗಳ ಪ್ರಕಾರ, ಕೌಟುಂಬಿಕ ಬಡತನದಂತಹ ಇತರ ಸಾಮಾಜಿಕ, ಆರ್ಥಿಕ ಅಂಶಗಳ ಜತೆಗೆ ಜನಾಂಗೀಯ ಪೂರ್ವಾಗ್ರಹವು ಯುವ ವ್ಯಕ್ತಿಗಳಿಗಳಲ್ಲಿ ಸ್ಥೂಲಕಾಯತೆ(ಬೊಜ್ಜು) ಬೆಳೆಸಿಕೊಳ್ಳುವ ಅಪಾಯಕಾರಿ ಅಂಶವಾಗಿರಬಹುದು ಎಂದು ಹೇಳಿದೆ.
"ಜನಾಂಗೀಯ ತಾರತಮ್ಯಕ್ಕೆ ಒಡ್ಡಿಕೊಳ್ಳುವುದನ್ನು ಸ್ಥೂಲಕಾಯತೆಯ ಸಾಮಾಜಿಕ ನಿರ್ಣಾಯಕ ಮತ್ತು ಹದಿಹರೆಯದವರಲ್ಲಿ ಸ್ಥೂಲಕಾಯತೆಗೆ ಗಮನಾರ್ಹ ಕೊಡುಗೆ ಎಂದು ಒಪ್ಪಿಕೊಳ್ಳಬೇಕು" ಎಂದು ಎನ್‌ವೈಯು ಸ್ಕೂಲ್ ಆಫ್ ಗ್ಲೋಬಲ್‌ನಲ್ಲಿ ಜನಾಂಗೀಯ ವಿರೋಧಿ, ಸಾಮಾಜಿಕ ನ್ಯಾಯ ಮತ್ತು ಸಾರ್ವಜನಿಕ ಆರೋಗ್ಯ ಕೇಂದ್ರದ ಸಹಾಯಕ ಪ್ರಾಧ್ಯಾಪಕ ಅಡಾಲ್ಫೊ ಕ್ಯುವಾಸ್ ಹೇಳಿದರು.
ಬಾಲ್ಯದ ಸ್ಥೂಲಕಾಯತೆ ಅಮೆರಿಕದಲ್ಲಿ ಒಂದು ಪ್ರಮುಖ ಸಾರ್ವಜನಿಕ ಆರೋಗ್ಯ ಸಮಸ್ಯೆಯಾಗಿದೆ. ಇದು ಸುಮಾರು ಐದು ಮಕ್ಕಳು ಮತ್ತು ಹದಿಹರೆಯದವರಲ್ಲಿ ಒಬ್ಬರ ಮೇಲೆ ಪರಿಣಾಮ ಬೀರುತ್ತದೆ. ಕಪ್ಪು ಮತ್ತು ಹಿಸ್ಪಾನಿಕ್ ಯುವಕರು ಇನ್ನೂ ಹೆಚ್ಚಿನ ಪ್ರಮಾಣದ ಸ್ಥೂಲಕಾಯತೆ ಅನುಭವಿಸುತ್ತಾರೆ. ಇದು ಬಡತನ, ಆರೋಗ್ಯಕರ ಆಹಾರಗಳಿಗೆ ನೆರೆಹೊರೆಯ ಪ್ರವೇಶ ಮತ್ತು ಏಕ - ಪೋಷಕ ಕುಟುಂಬಗಳಂತಹ ಅಂಶಗಳಿಂದ ಉಂಟಾಗಬಹುದು ಎಂದು ಸಂಶೋಧನೆ ಹೇಳಿದೆ.
ಒತ್ತಡ, ಜನಾಂಗೀಯ ತಾರತಮ್ಯ, ನಿದ್ರೆಯ ಸಮಸ್ಯೆಗಳು, ಹೆಚ್ಚಿನ ಕಾರ್ಟಿಸೋಲ್ ಮಟ್ಟಗಳು ಮತ್ತು ಕಳಪೆ ಮಾನಸಿಕ ಆರೋಗ್ಯ ಸೇರಿದಂತೆ ಹಲವಾರು ಆರೋಗ್ಯ ಸಮಸ್ಯೆಗಳು ಜನರನ್ನು ಅಪಾಯಕ್ಕೆ ಒಳಪಡಿಸುತ್ತದೆ ಎಂದು ಸಂಶೋಧನೆ ವೇಳೆ ಕಂಡು ಬಂದಿದೆ. ಜನಾಂಗೀಯ ತಾರತಮ್ಯವು ವಯಸ್ಕರಲ್ಲಿ ಹೆಚ್ಚಿನ ಬಿಎಂಐಗೆ ಸಂಬಂಧಿಸಿದೆ.
6,463 ಮಕ್ಕಳ ಡೇಟಾ ಪರಿಶೀಲನೆ:ಸಂಶೋಧಕರು 2017 ರಿಂದ 2019 ರವರೆಗಿನ ಹದಿಹರೆಯದವರ ಮೆದುಳಿನ ಅರಿವಿನ ಅಭಿವೃದ್ಧಿ (ABCD) ಅಧ್ಯಯನದಲ್ಲಿ ಭಾಗವಹಿಸಿದ 9 ರಿಂದ 11 ವಯಸ್ಸಿನ 6,463 ಮಕ್ಕಳ ಡೇಟಾ ಪರಿಶೀಲಿಸಿದರು. ಅವರ ಜನಾಂಗ ಅಥವಾ ಜನಾಂಗೀಯತೆಯ ಆಧಾರದ ಮೇಲೆ ಇತರರಿಂದ ಅನ್ಯಾಯವಾಗಿ ನಡೆಸಿಕೊಳ್ಳಲಾಗಿದೆ. ಒಂದು ವರ್ಷದ ನಂತರ, ಅವರು ಭಾಗವಹಿಸುವವರ ಬಿಎಂಐ (ತೂಕ ಮತ್ತು ಎತ್ತರವನ್ನು ಬಳಸಿಕೊಂಡು ಲೆಕ್ಕಹಾಕಲಾಗುತ್ತದೆ) ಮತ್ತು ಸೊಂಟದ ಸುತ್ತಳತೆಯನ್ನು ಚಕ್ ಮಾಡಲಾಗಿದೆ. ಹೆಚ್ಚಿನ ಜನಾಂಗೀಯ ತಾರತಮ್ಯವನ್ನು ಅನುಭವಿಸಿದ ಮಕ್ಕಳು ಒಂದು ವರ್ಷದ ನಂತರ ಹೆಚ್ಚಿನ ಬಿಎಂಐ ಮತ್ತು ದೊಡ್ಡದಾದ ಸೊಂಟದ ಸುತ್ತಳತೆ ಹೊಂದಿದ್ದಾರೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ.
ಮನೆಯ ಆದಾಯ ಮತ್ತು ಪೋಷಕರ ಶಿಕ್ಷಣದ ಮಟ್ಟ ಸೇರಿದಂತೆ ಸ್ಥೂಲಕಾಯತೆಗೆ ತಿಳಿದಿರುವ ಸಾಮಾಜಿಕ ಆರ್ಥಿಕ ಅಪಾಯದ ಅಂಶಗಳಿಗೆ ಹೊಂದಾಣಿಕೆ ಮಾಡುವಾಗಲೂ ಸಹ, ಜನಾಂಗೀಯ ತಾರತಮ್ಯಕ್ಕೆ ಒಡ್ಡಿಕೊಳ್ಳುವುದನ್ನು ಕಡಿಮೆ ಮಾಡುವುದು ಮತ್ತು ಜೀವನದ ಆರಂಭದಲ್ಲಿ ಯೋಗಕ್ಷೇಮದ ಮೇಲೆ ಅದರ ಹಾನಿಕಾರಕ ಪರಿಣಾಮಗಳನ್ನು ಜೀವಿತಾವಧಿಯಲ್ಲಿ ತೂಕ ಹೆಚ್ಚಾಗುವ ಅಪಾಯವನ್ನು ಮಿತಿಗೊಳಿಸಲು ಸಹಾಯ ಮಾಡುತ್ತದೆ ಎಂದು ಅವರು ಹೇಳಿದ್ದಾರೆ.
"ನಾವು ಒಂದು ಸಮಯದಲ್ಲಿ ತಾರತಮ್ಯವನ್ನು ಪರೀಕ್ಷಿಸಿದ್ದೇವೆ. ಆದರೆ ಜನಾಂಗೀಯ ತಾರತಮ್ಯಕ್ಕೆ ದೀರ್ಘಕಾಲದವರೆಗೆ ಒಡ್ಡಿಕೊಳ್ಳುವುದರಿಂದ ಸ್ಥೂಲಕಾಯದ ಅಪಾಯವನ್ನು ಇನ್ನಷ್ಟು ಹೆಚ್ಚಿಸುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಗುರುತಿಸುವುದು ಮುಖ್ಯವಾಗಿದೆ. ಆದ್ದರಿಂದ, ತಾರತಮ್ಯದ ಪರಿಣಾಮವನ್ನು ತಡೆಯುವುದು ಅಥವಾ ಕಡಿಮೆಗೊಳಿಸುವುದು ಸ್ಥೂಲಕಾಯತೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ-ಸಹಾಯಕ ಪ್ರಾಧ್ಯಾಪಕ ಅಡಾಲ್ಫೊ ಕ್ಯುವಾಸ್.
ಇದನ್ನೂ ಓದಿ:ಸಾಮಾಜಿಕ ಪ್ರತ್ಯೇಕೀಕರಣದಿಂದ ಹಿರಿಯ ವಯಸ್ಕರ ಮಿದುಳಿನ ಮೇಲೆ ಪರಿಣಾಮ: ಅಧ್ಯಯನ
