ಬಿಯರ್‌ನಲ್ಲಿ ಬಳಸುವ ಹೂವುಗಳಿಂದ ಆಲ್ಝೈಮರ್‌ನಿಂದ ರಕ್ಷಣೆ

ಬಿಯರ್‌ನಲ್ಲಿ ಬಳಸುವ ಹಾಪ್ಸ್​​ ಹೂವುಗಳು ಆಲ್ಝೈಮರ್‌ ಕಾಯಿಲೆಗೆ ಪರಿಣಾಮಕಾರಿ ಎಂದು ವಿಜ್ಞಾನಿಗಳು ಕಂಡು ಹಿಡಿದಿದ್ದಾರೆ.

ವಾಷಿಂಗ್ಟನ್: ಬಿಯರ್​ನ ರುಚಿ ಹೆಚ್ಚಿಸಲು ಬಳಸುವ ಹಾಪ್ಸ್ (ಹ್ಯೂಮುಲಸ್ ಲುಪುಲಸ್ ಹೂವುಗಳು) ಆಲ್ಝೈಮರ್​ ಕಾಯಿಲೆಯಿಂದ ರಕ್ಷಿಸುತ್ತದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

ಸಾಮಾನ್ಯವಾಗಿ ಜನರಿಗೆ ವಯಸ್ಸಾದಂತೆ ಅಮಿಲಾಯ್ಡ್ ಬೀಟಾ ಪ್ರೋಟೀನ್‌ಗಳು ಮೆದುಳಿನ ನರಗಳಲ್ಲಿ ಸಂಗ್ರಹಗೊಳ್ಳುತ್ತವೆ. ಈ ನರಗಳಲ್ಲಿ ಬೀಟಾ ಪ್ರೋಟೀನ್​ಗಳು ಶೇಖರಣೆ ಹೆಚ್ಚಾಗುವುದರಿಂದ ಆಲ್ಝೈಮರ್​ ಉಂಟಾಗಿ ಬುದ್ಧಿಮಾಂದ್ಯತೆಗೆ ಕಾರಣವಾಗುತ್ತದೆ. ಇದಕ್ಕೆ ವಿರುದ್ಧವಾಗಿ ಹಾಪ್ಸ್‌ನಲ್ಲಿರುವ ವಿಶೇಷ ಸಂಯುಕ್ತಗಳು ಕಾರ್ಯನಿರ್ವಹಿಸುತ್ತವೆ ಎಂದು ವಿಜ್ಞಾನಿಗಳು ಕಂಡು ಹಿಡಿದಿದ್ದಾರೆ.

ಅಲ್ಲದೆ ಟೆಟ್ನಾಂಗ್ ಎಂಬ ಹಾಪ್ ಸಂಯುಕ್ತಗಳು ನರಗಳಲ್ಲಿನ ಅಮಿಲಾಯ್ಡ್ ಬೀಟಾ ಪ್ರೋಟೀನ್‌ಗಳ ಶೇಖರಣೆಯನ್ನು ತಡೆಯುವಲ್ಲಿ ಪರಿಣಾಮಕಾರಿ ಎಂದು ಅಧ್ಯಯನದಲ್ಲಿ ತಿಳಿದು ಬಂದಿದೆ. ಈ ಸಂಯುಕ್ತಗಳಲ್ಲಿ ರೋಗ ನಿರೋಧಕ ಗುಣಲಕ್ಷಣಗಳಲ್ಲಿ ಸಮೃದ್ಧವಾಗಿವೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಆದರೆ ಬಿಯರ್ ಕುಡಿಯುವುದರಿಂದ ಆಲ್ಝೈಮರ್ ಕಾಯಿಲೆಯನ್ನು ತಡೆಯಬಹುದು ಎಂದು ಇಲ್ಲಿ ಹೇಳಲಾಗಿಲ್ಲ.

ಇದನ್ನೂ ಓದಿ :ಕಣ್ಣಿನ ಕಾಯಿಲೆಗೆ ಬಳಸುವ ಔಷಧವು ಕೋವಿಡ್ ವಿರುದ್ಧ ಹೋರಾಡಲು ಸಹಕಾರಿ: ಅಧ್ಯಯನ