ಭವಿಷ್ಯದಲ್ಲಿ ಅಪ್ಪಳಿಸಲಿದೆ ಕೋವಿಡ್​ಗಿಂತಲೂ ಮಾರಕವಾದ ಸಾಂಕ್ರಾಮಿಕ: ಯುಕೆ ತಜ್ಞರ ಎಚ್ಚರಿಕೆ

ಈಗಾಗಲೇ ಸುಮಾರು 25 ವೈರಸ್​​ಗಳ ಬ್ಲೂಪ್ರಿಂಟ್​ ಪಟ್ಟಿ ಸಿದ್ದವಾಗಿದ್ದು, ಯಾವ ಸೋಂಕು ಮಾನವ ಕುಲಕ್ಕೆ ಹಾನಿ ಮಾಡಲಿದೆ ಎಂಬುದು ತಿಳಿದಿಲ್ಲ.

ನವದೆಹಲಿ: ಈಗಾಗಲೇ ಕೋವಿಡ್​ 19ನಂತಹ ಮಾರಣಾಂತಿಕ ಸಾಂಕ್ರಾಮಿಕ ಕಂಡ ಜಗತ್ತು ಭವಿಷ್ಯದಲ್ಲಿ ಅದಕ್ಕಿಂತಲೂ ಹೆಚ್ಚಿನ ಗೊತ್ತಿಲ್ಲದೇ ಇರುವ ವೈರಸ್‌ಗಳ ಅಪಾಯ ಎದುರಿಸಲಿದೆ. ಇವು ಸ್ಪಾನಿಷ್​ ಜ್ವರದಂತೆ 50 ಮಿಲಿಯನ್​ ಜನರನ್ನು ಕೊಲ್ಲಲಿದೆ ಎಂದು ಯುಕೆ ವಾಕ್ಸಿನ್​ ಟಾಸ್ಕ್​ಫೋರ್ಸ್​ನ ಮಾಜಿ ಅಧ್ಯಕ್ಷ ಕೇಟ್​ ಬಿಂಗ್​ ಹ್ಯಾಮ್​ ತಮ್ಮ ಹೊಸ ಪುಸ್ತಕದಲ್ಲಿ ತಿಳಿಸಿದ್ದಾರೆ.

ಈ ಪುಸ್ತಕದ ಸಹಲೇಖಕರು ಮತ್ತೊಬ್ಬ ಲಸಿಕೆ ತಜ್ಞ ಟಿಮ್​ ಹ್ಯಾಮೆಸ್. ಇದರಲ್ಲಿನ ಪ್ರಮುಖ ಅಂಶಗಳನ್ನು ಡೈಲಿ ಮೇಲ್​ನಲ್ಲಿ ಪ್ರಕಟಿಸಲಾಗಿದ್ದು, ಭವಿಷ್ಯದ ಸಾಂಕ್ರಾಮಿಕತೆಗೆ ಸಿದ್ದತೆ ನಡೆಸುವಂತೆ ಕರೆ ನೀಡಲಾಗಿದೆ.

1918-19 ರಲ್ಲಿ ಕಂಡುಬಂದ ಜ್ವರದ ಸಾಂಕ್ರಾಮಿಕತೆಯಿಂದ ಪ್ರಪಂಚದಾದ್ಯಂತ 50 ಮಿಲಿಯನ್​ ಜನರು ಸಾವನ್ನಪ್ಪಿದ್ದರು. ಇದರ ಸಾವಿನ ಪ್ರಮಾಣ ಮೊದಲ ವಿಶ್ವ ಯುದ್ಧಕ್ಕಿಂತ ಎರಡು ಪಟ್ಟು ಹೆಚ್ಚಿದೆ ಎಂದರು.

ಇಂದೂ ಕೂಡ ಪ್ರಸ್ತುತ ಅಸ್ತಿತ್ವದಲ್ಲಿರುವ ಅನೇಕ ವೈರಸ್​ಗಳಿಂದ ಇದೇ ರೀತಿಯ ಸಾವಿನ ಪ್ರಮಾಣವನ್ನು ಕಾಣಬಹುದು. ಪ್ರಸ್ತುತ ಅಸ್ತಿತ್ವದಲ್ಲಿರುವ ಈ ವೈರಸ್​ಗಳು ಸಾಕಷ್ಟು ಪುನರಾವರ್ತಿತವಾಗುತ್ತಿದ್ದು, ಹೆಚ್ಚು ರೂಪಾಂತರಗೊಳ್ಳುತ್ತಿವೆ. ಇವೆಲ್ಲವೂ ಮನುಷ್ಯರಿಗೆ ಅಪಾಯವನ್ನುಡು ಮಾಡುವುದಿಲ್ಲ. ಆದರೆ, ಕೆಲವು ಇದಕ್ಕೆ ಹೊರತಾಗಿಲ್ಲ.

ತಜ್ಞರು ಹೇಳುವಂತೆ, ಸಾಂಕ್ರಾಮಿಕತೆ ಹುಟ್ಟು ಹಾಕಲು ಅನೇಕ ವಿಭಿನ್ನ ವೈರಸ್​ಗಳು ಹುಟ್ಟಿಕೊಳ್ಳಬಹುದು. ಈ ವೈರಸ್​ಗಳು ಒಂದರಿಂದ ಒಂದಕ್ಕೆ ಹರಡುವ ಹೆಚ್ಚು ರೂಪಾಂತರಗೊಳ್ಳುವ ಅಪಾಯವೂ ಇದೆ. ಇಲ್ಲಿಯವರೆಗೆ ವಿಜ್ಞಾನಿಗಳು 25 ವೈರಸ್​ ಕುಟುಂಬಗಳ ಬಗ್ಗೆ ಅರಿವು ಹೊಂದಿದ್ದಾರೆ. ಅಲ್ಲದೇ ಮುಂದಿನ ಸಾಂಕ್ರಾಮಿಕತೆಯ ಬೆದರಿಕೆಯನ್ನು ಹೊಂದಿದೆ ಎಂದು ಎಚ್ಚರಿಸಿದ್ದಾರೆ. ಸದ್ಯ ಜಾಗತಿಕವಾಗಿ ಎಕ್ಸ್​ ರೋಗವೂ ಹೆಚ್ಚು ಕಾಳಜಿ ಹೊಂದಿದೆ.

2018ರಲ್ಲಿ ಮೊದಲ ಬಾರಿಗೆ ಎಕ್ಸ್​ ರೋಗವನ್ನು ವಿಶ್ವ ಆರೋಗ್ಯ ಸಂಸ್ಥೆ ಪತ್ತೆ ಮಾಡಿತು. ಕೋವಿಡ್​​ 19 ಸಾಂಕ್ರಾಮಿಕತೆ ಉಲ್ಬಣಕ್ಕೆ ವರ್ಷಕ್ಕೆ ಮುನ್ನ ಇದು ಪತ್ತೆಯಾಯಿತು. ಇದು ವಿಶ್ವ ಆರೋಗ್ಯ ಸಂಸ್ಥೆಯ ಬ್ಲೂ ಪ್ರಿಂಟ್​ ಪ್ರಾಮುಖ್ಯತೆ ರೋಗದಲ್ಲಿ ಸ್ಥಾನ ಪಡೆದಿದ್ದು, ಇದು ಎಬೋಲಾ, ಸಾರ್ಸ್​ ಮತ್ತು ಝಿಕಾದಷ್ಟೇ ಮುಂದಿನ ಮಾರಾಣಾಂತಿಕ ರೋಗ.

ಎಕ್ಸ್​ ರೋಗ ಪ್ರಸ್ತುತ ಮಾನವನ ಕಾಯಿಲೆಗೆ ಕಾರಣವಾಗಲು ತಿಳಿದಿಲ್ಲದ ರೋಗಕಾರಕದಿಂದ ಗಂಭೀರವಾದ ಅಂತರರಾಷ್ಟ್ರೀಯ ಸಾಂಕ್ರಾಮಿಕ ಉಂಟಾಗಬಹುದು ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ. ಬ್ಲೂಪ್ರಿಂಟ್ ಪಟ್ಟಿಯು ಈ ಸಾಂಕ್ರಾಮಿಕ ರೋಗಗಳನ್ನು ಎತ್ತಿ ತೋರಿಸುತ್ತದೆ,

ಕೆಲವು ಸಾರ್ವಜನಿಕ ಆರೋಗ್ಯ ತಜ್ಞರು ನಂಬುವಂತೆ ಮುಂದಿನ ರೋಗವಾದ ಎಕ್ಸ್​ ಝೋನಾಟಿಕ್​ ಆಗಿದೆ. ಅಂದರೆ ವನ್ಯ ಅಥವಾ ದೇಶಿಯ ಪ್ರಾಣಿಗಳಿಂದ ಉಗಮವಾಗುವ ವೈರಸ್​ ಆಗಿದ್ದು, ಇದು ಮಾನವರಲ್ಲಿ ಎಚ್​ಐವಿ, ಎಬೋಲ ಮತ್ತು ಕೋವಿಡ್​ನಂತಹ ಹಾನಿಗೆ ಕಾರಣವಾಗುತ್ತದೆ.

ಕೋವಿಡ್​ 19ನಿಂದಾಗಿ ಜಾಗತಿಕವಾಗಿ 20 ಮಿಲಿಯನ್​ ಜನರು ಸಾವನ್ನಪ್ಪಿದ್ದಾರೆ. ಈ ಸೋಂಕಿಗೆ ಒಳಗಾದ ಬಹುತೇಕ ಜನರು ಚೇತರಿಕೆ ಕಂಡರು. ಈ ಮಟ್ಟಿಗೆ ನಾವು ಅದೃಷ್ಟವಂತರು ಎಂದು ತಜ್ಞರು ತಿಳಿಸಿದ್ದಾರೆ.

ಮತ್ತೊಂದೆಡೆ, ಎಬೋಲಾ ಸಾವಿನ ದರ ಶೇ 67ರಷ್ಟಿದೆ. ಹಕ್ಕಿ ಜ್ವರ ಶೇ 60ರಷ್ಟ ಸಾವಿನ ದರ ಹೊಂದಿದ್ದರೆ, ಎಂಇಆರ್​ಎಸ್​ 34 ಮಂದಿಗೆ ತುತ್ತಾಗಿದ್ದಾರೆ. ಭವಿಷ್ಯದ ಸಾಂಕ್ರಾಂಮಿಕ ರೋಗದ ಬಗ್ಗೆ ಊಹೆ ಮಾಡಲು ಖಂಡಿತ ಸಾಧ್ಯವಿಲ್ಲ ಎಂದಿದ್ದಾರೆ. (ಐಎಎನ್​ಎಸ್​)

ಇದನ್ನೂ ಓದಿ:ಕಾಂಬೋಡಿಯಾದಲ್ಲಿ 7 ವರ್ಷಗಳ ಬಳಿಕ ಝಿಕಾ ವೈರಸ್ ಪತ್ತೆ​: ಲಕ್ಷಣ, ಮುನ್ನೆಚ್ಚರಿಕೆ ವಿಧಾನಗಳು ಹೀಗಿವೆ..