ಸೋಷಿಯಲ್​ ಮೀಡಿಯಾದಲ್ಲಿನ ಮಾನಸಿಕ ಆರೋಗ್ಯದ ಚರ್ಚೆಗಳು ಉದ್ಯೋಗದ ಮೇಲೆ ಪರಿಣಾಮ ಬೀರಲಿದೆ: ಅಧ್ಯಯನ

ಮಾನಸಿಕ ಆರೋಗ್ಯ ಕುರಿತ ಪೋಸ್ಟ್​​ಗಳು ವ್ಯಕ್ತಿಯ ವ್ಯಕ್ತಿತ್ವ ಮತ್ತು ಕೆಲಸದ ಸ್ಥಳದಲ್ಲಿ ಅಭ್ಯರ್ಥಿಯ ಕಾರ್ಯಕ್ಷಮತೆಯ ಗ್ರಹಿಕೆ ಮೇಲೆ ಪರಿಣಾಮ ಬೀರುತ್ತದೆ ಎಂದು ಅಧ್ಯಯನವೊಂದು ಹೇಳಿದೆ.

ನ್ಯೂಯಾರ್ಕ್​:ಸಾಮಾಜಿಕ ಮಾಧ್ಯಮದಲ್ಲಿ ಮಾನಸಿಕ ಆರೋಗ್ಯ ಸವಾಲುಗಳ ಕುರಿತು ಆರೋಗ್ಯಯುತ ಚರ್ಚಿಸುವುದು ಉತ್ತಮ ಆದರೂ, ಇದು ಉದ್ಯೋಗಿಯ ಕೆಲಸದ ಮೇಲೆ ಪರಿಣಾಮ ಬೀರುತ್ತದೆ ಎಂದು ಅಧ್ಯಯನ ತಿಳಿಸಿದೆ.

ನಾರ್ಥ್​​ ಕರೊಲೀನಾ ಸ್ಟೇಟ್​​ ಯುನಿವರ್ಸಿಟಿ ಸಂಶೋಧಕರು ಈ ಸಂಬಂಧ ಅಧ್ಯಯನ ನಡೆಸಿದ್ದಾರೆ. ಲಿಂಕ್ಡಿನ್​ ವೇದಿಯಲ್ಲಿ ಮಾನಸಿಕ ಆರೋಗ್ಯ ಕುರಿತ ಪೋಸ್ಟ್​​ಗಳು ವ್ಯಕ್ತಿಯ ವ್ಯಕ್ತಿತ್ವ ಮತ್ತು ಕೆಲಸದ ಸ್ಥಳದಲ್ಲಿ ಅಭ್ಯರ್ಥಿಯ ಕಾರ್ಯಕ್ಷಮತೆಯ ಗ್ರಹಿಕೆ ಮೇಲೆ ಪರಿಣಾಮ ಬೀರುತ್ತದೆ ಎಂದಿದ್ದಾರೆ.

ಈ ಅಧ್ಯಯನದಲ್ಲಿ ಅಭ್ಯರ್ಥಿಗಳನ್ನು ಆಯ್ಕೆ ಮಾಡುವ ಅನುಭವ ಹೊಂದಿರುವ 409 ವೃತ್ತಿಪರರು ಈ ಅಧ್ಯಯನದಲ್ಲಿ ತೊಡಗಿಸಿಕೊಂಡಿದ್ದಾರೆ. ಜೊತೆಗೆ ಇವರು ಅಭ್ಯರ್ಥಿಗಳು ವರ್ಕ್​ಫ್ಲೆಸ್​ನಲ್ಲಿ ಹೊಂದಿರುವ ವ್ಯಕ್ತಿತ್ವ ಮತ್ತು ಭವಿಷ್ಯದ ಪ್ರದರ್ಶದನ ಕುರಿತು ಆಡಿಯೋ ಸಂದರ್ಶನವನ್ನು ಕೇಳಿದ್ದಾರೆ.

ಈ ಅಧ್ಯಯನದ ಫಲಿತಾಂಶವನ್ನು ಜರ್ನಲ್​ ಆಫ್​ ಬುಸಿನೆಸ್​ ಅಂಡ್​ ಸೈಕಾಲಾಜಿಯಲ್ಲಿ ಪ್ರಕಟಿಸಲಾಗಿದೆ. ಜನರು ಲಿಂಕ್ಡಿನ್​ ನೋಡುವಾಗ ಮಾನಸಿಕ ಆರೋಗ್ಯ ಸವಾಲು ಮತ್ತು ಉದ್ಯೋಗಿ ಅಭ್ಯರ್ಥಿಯು ಕಡಿಮೆ ಭಾವನಾತ್ಮಕತೆ, ಸ್ಥಿರ ಮತ್ತು ಕಡಿಮೆ ಆತ್ಮಸಾಕ್ಷಿ ವ್ಯಕ್ತಿ ಎಂದು ತೋರಿಸುತ್ತದೆ. ಈ ಸಂದರ್ಶನದಲ್ಲಿ ಭಾಗಿಯಾದ ಉದ್ಯೋಗಾಕಾಂಕ್ಷಿ ಅಭ್ಯರ್ಥಿಗಳ ಆತ್ಮಸಾಕ್ಷಿಯ ಮೇಲೆ ಪರಿಣಾಮ ಬೀರಿಲ್ಲ. ಅಭ್ಯರ್ಥಿಗಳ ಲಿಂಕ್ಡಿನ್​ ಪ್ರೋಫೈಲ್​ಗಳು ಅಭ್ಯರ್ಥಿಗಳ ಹೆಚ್ಚಿನ ಗ್ರಹಿಕೆಯನ್ನು ಹೊಂದಿವೆ ಎಂದು ಸಂಶೋಧಕರು ತಿಳಿಸಿದ್ದಾರೆ.

ಜನರಿಗೆ ತಮ್ಮ ಮಾನಸಿಕ ಆರೋಗ್ಯದ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಚರ್ಚಿಸುವಂತೆ ಕೂಡ ಪ್ರೋತ್ಸಾಹಿಸಲಾಯಿತು. ಈ ಮೂಲಕ ಅವರ ಮಾನಸಿಕ ಆರೋಗ್ಯದ ಸವಾಲಿನೊಂದಿಗೆ ಸಂಬಂಧ ಹೊಂದಿರುವ ಸ್ಟಿಗ್ಮಾವನ್ನು ಕಡಿಮೆ ಮಾಡುವ ಗುರಿ ಹೊಂದಲಾಗಿದೆ ಎಂದು ನಾರ್ಥ್​ ಕರೋಲಿನ್​ ಸ್ಟೇಟ್​ ಯುನಿವರ್ಸಿಟಿಯ ಸೈಕಾಲಾಜಿ ಪ್ರೊಫೆಸರ್​​ ಮತ್ತು ಅಧ್ಯಯನದ ಸಹ ಲೇಖಕರಾದ ಲೊರಿ ಫೊಸ್ಟರ್​​ ತಿಳಿಸಿದ್ದಾರೆ.

ಮಾನಸಿಕ ಆರೋಗ್ಯದ ಸುತ್ತ ಸ್ಟಿಗ್ಮವನ್ನು ಕಡಿಮೆ ಮಾಡುವುದು ಅತ್ಯಗತ್ಯ ಎಂದು ನಾವು ಚಿಂತಿಸಿದ್ದೆವು. ಆದರೆ, ಅಧ್ಯಯನವೂ ಸಾಮಾಜಿಕ ಜಾಲತಾಣದ ವೇದಿಕೆಯಲ್ಲಿ ಮಾನಸಿಕ ಆರೋಗ್ಯದ ಪೋಸ್ಟ್​​ಗಳನ್ನು ಮಾಡುವುದರಿಂದ ಅನಿರೀಕ್ಷಿತ ಪರಿಣಾಮಗಳನ್ನು ಉಂಟು ಮಾಡುತ್ತದೆ ಎಂದು ಅಧ್ಯಯನ ತೋರಿಸಿಕೊಟ್ಟಿದೆ. ಮಾನಸಿಕ ಆರೋಗ್ಯದ ಅನುಭವ ಕುರಿತು ಆನ್​ಲೈನ್​ನಲ್ಲಿ ಜನರು ತಿಳಿಸುವ ಬಗ್ಗೆ ಆಲೋಚನೆ ಮಾಡುವುದು ಅತ್ಯವಶ್ಯಕವಾಗಿದೆ ಎಂದು ಮೆರೆಡಿತ್​​ ಕಾಲೇಜ್​ನ ಸೈಕಾಲಾಜಿ ಪ್ರೊ ಜೆನ್ನಾ ಮ್ಕ್ಚೆಸ್ನೆ ತಿಳಿಸಿದ್ದಾರೆ.

ಆದಾಗ್ಯೂ, ನಮ್ಮ ಅಧ್ಯಯನ ಲಿಂಕ್ಡ್‌ಇನ್‌ನಂತಹ ವೇದಿಕೆಯಲ್ಲಿ ಆತಂಕ ಮತ್ತು ಖಿನ್ನತೆಯ ಬಗ್ಗೆ ಪೋಸ್ಟ್ ಮಾಡುವುದನ್ನು ನಿಲ್ಲಿಸಬೇಕು ಎಂದು ಹೇಳುವುದಿಲ್ಲ ಎಂದು ಮೆಕ್​ಚೆಸ್ನಿ ತಿಳಿಸಿದ್ದಾರೆ. (IANS)

ಇದನ್ನೂ ಓದಿ: ಮಕ್ಕಳ ಕುರಿತು ಪೋಷಕರ ಮಂಡೆಬಿಸಿ ಹೆಚ್ಚಿಸಿದ 2 ವಿಷಯಗಳಿವು!