ಕೋವಿಡ್​​ 19ರ ಹೊಸ ರೂಪಾಂತರ ತಳಿ JN.1 ಎಂದ WHO

ಪ್ರಸ್ತುತ ವಿಶ್ವಾದ್ಯಂತ ಸದ್ದು ಮಾಡುತ್ತಿರುವ ಕೊರೊನಾದ ಜೆಎನ್​.1 ತಳಿ ಕಡಿಮೆ ಸಾರ್ವಜನಿಕ ಅಪಾಯ ಹೊಂದಿದೆ ಎಂದು ವಿಶ್ವಸಂಸ್ಥೆ ಹೇಳಿದೆ.

ಹೈದರಾಬಾದ್​ ​: ಕೋವಿಡ್​ 19 ಉಪತಳಿಯಾಗಿರುವ ಜೆಎನ್.1 (JN.1) ಸದ್ಯ ವೇಗವಾಗಿ ಅಭಿವೃದ್ಧಿ ಹೊಂದುತ್ತಿದೆ. ಈ ಜೆಎನ್​. 1 ತಳಿಯನ್ನು ಬಿಎ.2.68 ವಂಶವಾಹಿನಿ ವೆರಿಯೆಂಟ್ ಆಫ್​ ಇಂಟ್ರೆಸ್ಟ್​​​ (ರೂಪಾಂತರ ತಳಿ) ಎಂದು ವಿಶ್ವ ಆರೋಗ್ಯ ಸಂಸ್ಥೆ ಘೋಷಿಸಿದೆ. ಈ ಹಿಂದೆ ಬಿಎ.2.86 ಉಪವರ್ಗಗಳ ಭಾಗದ ರೂಪಾಂತರ ತಳಿ​​ ಎಂದು ವರ್ಗೀಕರಿಸಲಾಗಿದೆ.

ಲಭ್ಯವಿರುವ ಸಾಕ್ಷಿಗಳ ಆಧಾರದ ಮೇಲೆ ಪ್ರಸ್ತುತ ಹೊರ ಹೊಮ್ಮಿರುವ ಜೆಎನ್​ 1ತಳಿ ಕಡಿಮೆ ಸಾರ್ವಜನಿಕ ಆರೋಗ್ಯ ಅಪಾಯವನ್ನು ಹೊಂದಿದೆ. ಇದರ ಹೊರತಾಗಿ, ಉತ್ತರಾರ್ಧ ಗೋಳದಲ್ಲಿ ಚಳಿ ಪ್ರಮಾಣ ಹೆಚ್ಚಿದ್ದು, ಇದು ಅನೇಕ ದೇಶಗಳಲ್ಲಿ ಶ್ವಾಸಕೋಶ ಸೋಂಕಿನ ಅಪಾಯವನ್ನು ಹೆಚ್ಚಿಸಲಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಈ ವೈರಸ್​ನಿಂದ ರಕ್ಷಣೆಗೆ ದೇಶಗಳು ಲಸಿಕೆಯನ್ನು ಮುಂದುವರೆಸುವ ಮೂಲಕ ಗಂಭೀರ ರೋಗ ಮತ್ತು ಸಾವಿನಿಂದ ರಕ್ಷಿಸಬಹುದಾಗಿದೆ. ಅಲ್ಲದೇ ವಿಶ್ವ ಸಂಸ್ಥೆ ಜೆಎನ್​.1 ಮೇಲೆ ನಿರಂತರ ನಿಗಾ ಇರಿಸಿದ್ದು, ಈ ಕುರಿತು ಮುನ್ನೆಚ್ಚರಿಕೆ ವಹಿಸಲಾಗುವುದು ಎಂದಿದೆ.

ಜೆಎನ್​ 1: ಕೋವಿಡ್​​ 19ನ ಬಿಎ.2.86 ಭಾಗವಾಗಿ ಈ ಜೆಎನ್​,1 ತಳಿಯನ್ನು ಪತ್ತೆ ಮಾಡಲಾಗಿದ್ದು, ಇದನ್ನು ವೆರಿಯಂಟ್​ ಆಫ್​ ಇಂಟ್ರೆಸ್ಟ್​​ ಎಂದು ವರ್ಗಿಕರೀಸಲಾಗಿದೆ. ಜಾಗತಿಕ ಮಟ್ಟದಲ್ಲಿ ಜೆಎನ್​.1 ಅಪಾಯವೂ ಸಾರ್ಜನಿಕ ಆರೋಗ್ಯದ ಮೇಲೆ ಕಡಿಮೆ ಅಪಾಯ ಹೊಂದಿದೆ. ಸದ್ಯ ಚಳಿಗಾಲಕ್ಕೆ ಪ್ರವೇಶ ಪಡೆದಿರುವ ದೇಶದಲ್ಲಿ ಹಲವು ಸೋಂಕು ಮತ್ತು ಬ್ಯಾಕ್ಟೀರಿಯಾ ಪ್ರಕರಣದಲ್ಲಿ ಏರಿಕೆ ಕಂಡಿದ್ದು, ಇದು ಸಾರ್ಸ್​​-ಕೋವ್​-2 ಪ್ರಕರಣ ಹೆಚ್ಚಳಕ್ಕೆ ಕಾರಣವಾಗಲಿದೆಯಾ ಎಂಬ ಆತಂಕವನ್ನು ಹೆಚ್ಚಿಸಿದೆ.

ಸದ್ಯ ಜಾಗತಿಕವಾಗಿ 41 ದೇಶದಲ್ಲಿ 7344 ಜೆಎನ್​.1 ತಳಿಯ ಪ್ರಕರಣಗಳು ಕಂಡು ಬಂದಿದೆ. ಜಾಗತಿಕ ಮಟ್ಟದಲ್ಲಿ ಇದರ ಉಪಸ್ಥಿತಿ ಶೇ 27.1 ರಷ್ಟಿದೆ. ಇದು ಜಾಗತಿಕವಾಗಿ ಅತಿ ವೇಗವಾಗಿ ಹೆಚ್ಚಳವಾಗುತ್ತಿದೆ. ಅಕ್ಟೋಬರ್​ 30 ರಿಂದ ನವೆಂಬರ್​ 5ರ ಪ್ರಕರಣದ ದತ್ತಾಂಶದ ಮಾಹಿತಿ ಪ್ರಕಾರ ಜೆಎನ್​. 1 ಜಾಗತಿಕ ಪ್ರಮಾಣದಲ್ಲಿ ಶೇ 3.3ರಷ್ಟು ಏರಿಕೆ ಕಂಡಿದೆ.

ವಿಶ್ವ ಆರೋಗ್ಯ ಸಂಸ್ಥೆಯ ಎಲ್ಲಾ ಮೂರು ಪ್ರದೇಶದಲ್ಲಿ ಇದು ಸಾರ್ಸ್​- ಕೋವ್​- 2 ತಳಿ ಜೊತೆಗೆ ಬೆಳವಣಿಗೆ ಕಂಡಿದೆ. ದೇಶಗಳು ಚಳಿಗಾಲದ ಋತುಮಾನಕ್ಕೆ ತೆರೆದುಕೊಳ್ಳುತ್ತಿದೆ. ಸಾರ್ಸ್​​- ಕೋವ್​-2 ಸೋಂಕಿನ ಅಲೆಯನ್ನು ದೊಡ್ಡ ಪ್ರಮಾಣದಲ್ಲಿ ಸಮುದಾಯದಲ್ಲಿ ಕಾಣಬಹುದಾಗಿದೆ ಎಂದು ವೇಸ್ಟ್​​ವಾಟರ್​​​ ದತ್ತಾಂಶ ತಿಳಿಸಿದೆ.

ಭಾರತದಲ್ಲಿ ಕೂಡ ಹಬ್ಬದ ಋತುಮಾನದ ಹಿನ್ನಲೆ ಕೋವಿಡ್​ 19 ಪ್ರಕರಣದಲ್ಲಿ ಏರಿಕೆ ಕಂಡಿದೆ. ಜನರಿಗೆ ಮಾಸ್ಕ್​ ಧರಿಸುವಂತೆ ತಜ್ಞರು ಸಲಹೆ ನೀಡಿದ್ದು, ಜನನಿಬಿಡ ಪ್ರದೇಶದಲ್ಲಿ ಒಟ್ಟಿಗೆ ಸೇರುವುದನ್ನು ತಪ್ಪಿಸಿ, ಆರೋಗ್ಯಕರ ಆಹಾರ ಪಾಲಿಸಿ, ಕೋವಿಡ್​ ಮಾರ್ಗಸೂಚಿ ಪಾಲಿಸಿ ಎಂದು ಸಲಹೆ ನೀಡಿದ್ದಾರೆ.

ಇದನ್ನೂ ಓದಿ: ಕೇರಳದಲ್ಲಿ ಅತಿ ಹೆಚ್ಚು ಕೋವಿಡ್​ ಪ್ರಕರಣ ದಾಖಲು; ಕೇಂದ್ರ ಆರೋಗ್ಯ ಸಚಿವರ ನೇತೃತ್ವದಲ್ಲಿ ಇಂದು ಉನ್ನತ ಮಟ್ಟದ ಸಭೆ