ಮೆಲ್ಬೋರ್ನ್( ಆಸ್ಟ್ರೇಲಿಯಾ): ಇನ್ಸುಲಿನ್ ಅನ್ನು ಮಾತ್ರೆ ರೂಪದಲ್ಲಿ ತಯಾರಿಸುವ ವಿಜ್ಞಾನಿಗಳ ನೂರಾರು ವರ್ಷದ ಕನಸು ನನಸಾಗುವ ಕಾಲ ಸನ್ನಿಹಿತವಾಗಿದೆ. ಟೈಪ್-1 ಡಯಾಬೀಟಿಸ್ ರೋಗಿಗಳಿಗೆ ಇನ್ಸುಲಿನ್ ಇಂಜೆಕ್ಷನ್ ಬದಲು ಮಾತ್ರೆಗಳನ್ನು ನೀಡುವ ಹೊಸ ಅಭಿವೃದ್ದಿಗೆ ಚಾಲನೆ ನೀಡಲಾಗಿದೆ.
ರಕ್ತದಲ್ಲಿನ ಸಕ್ಕರೆ ಮಟ್ಟ ನಿಯಂತ್ರಿಸಲು ಪ್ರಮುಖ ಹಾರ್ಮೋನ್ ಆಗಿ ಇನ್ಸುಲಿನ್ ಕಾರ್ಯ ನಿರ್ವಹಿಸುತ್ತಿದೆ. ಇದನ್ನು ಅನುಕರಿಸುವ ಪರ್ಯಾಯ ಅಣುವನ್ನು ಡಾ. ನಿಕೋಲಸ್ ಕಿರ್ಕ್ ಮತ್ತು ಪ್ರೊಫೆಸರ್ ಮೈಕ್ ಲಾರೆನ್ಸ್, ಮೆಲ್ಬೋರ್ನ್‌ನಲ್ಲಿರುವ ವಾಲ್ಟರ್ ಮತ್ತು ಎಲಿಜಾ ಹಾಲ್ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ರಿಸರ್ಚ್‌ನ ಸಂಶೋಧಕರು ಕಂಡುಹಿಡಿದಿದ್ದಾರೆ.
ಈ ಹೊಸ ಸಂಶೋಧನೆಯಲ್ಲಿ, ವಿಜ್ಞಾನಿಗಳು ರಕ್ತದಲ್ಲಿನ ಗ್ಲೂಕೋಸ್ ಅನ್ನು ತೆಗೆದುಕೊಳ್ಳುವ ಪ್ರಕ್ರಿಯೆಯನ್ನು ಉತ್ತೇಜಿಸುವ ಅಣುವನ್ನು ಗುರುತಿಸಿದ್ದಾರೆ. ವಿಜ್ಞಾನಿಗಳು ಇನ್ಸುಲಿನ್ ಮಾತ್ರೆ ರೂಪವನ್ನು ತರಲು ಸಾಕಷ್ಟು ಕೆಲಸ ಮಾಡುತ್ತಿದ್ದಾರೆ. ಕಾರಣ ಇನ್ಸುಲಿನ್ ಅನಿಯಂತ್ರಿತ. ಜೀರ್ಣವಾದ ಬಳಿಕ ಇದು ದೇಹದಲ್ಲಿ ಸುಲಭವಾಗಿ ನಾಶವಾಗುತ್ತದೆ.
ಇದೆ ಕಾರಣದಿಂದ ಇನ್ಸುಲಿನ್ ಮಾತ್ರೆ ಅಭಿವೃದ್ಧಿ ಪಡಿಸುವುದು ನೂರಾರು ವರ್ಷಗಳಿಂದ ಕನಸಾಗಿ ಉಳಿದಿದ್ದು, ಇದರಲ್ಲಿ ಹೆಚ್ಚಿನ ಯಶಸ್ಸು ಕಂಡಿಲ್ಲ. ಕ್ರಯೊ-ಎಲೆಕ್ಟ್ರಾನ್ ಮೈಕ್ರೊಸ್ಕೊಪಿ ಮೂಲಕ ಇನ್ಸುಲಿನ್ ಉತ್ತೇಜಿಸುವ ಪೆಪ್ಟೈಡ್ ಅನ್ನು ಪತ್ತೆ ಮಾಡಲಾಗಲಿದೆ. ಇದನ್ನು ಮೆಡಿಸಿನ್ ಆಗಿ ಬದಲಾಯಿಸಲು ಸಮಯ ಬೇಕಿದೆ. ಈ ಸಂಬಂಧ ಮತ್ತಷ್ಟು ಅಧ್ಯಯನ ಆಗಬೇಕಿದೆ ಎಂದಿದ್ದಾರೆ ಡಾ. ಕಿರ್ಕ್
ಇದನ್ನೂ ಓದಿ: ಸಮಾಧಾನಪಡಿಸಲು ಮಕ್ಕಳ ಕೈಗೆ ಮೊಬೈಲ್ ಕೊಡುವುದು ಅಪಾಯಕಾರಿ..!
