RT-PCR ಒಮಿಕ್ರಾನ್ ಪರೀಕ್ಷಾ ಕಿಟ್ 'ಓಮಿಸೂರ್​': ಜನವರಿ 12ರಿಂದ ಬಳಕೆಗೆ ಲಭ್ಯ

ಇತ್ತೀಚೆಗೆ ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ICMR) ಟಾಟಾ ಮೆಡಿಕಲ್ ಮತ್ತು ಡಯಾಗ್ನೋಸ್ಟಿಕ್ಸ್ ತಯಾರಿಸಿದ ಮೊದಲ RT-PCR ಒಮಿಕ್ರಾನ್ ಪರೀಕ್ಷಾ ಕಿಟ್ 'ಓಮಿಸೂರ್​​' ಗೆ ಅನುಮೋದನೆ ನೀಡಿದೆ. ಕೋವಿಡ್​​-19ನ ಹೊಸ ರೂಪಾಂತರವನ್ನು ಪತ್ತೆ ಹಚ್ಚಲು ಕಿಟ್​ ಬಳಸಬಹುದಾಗಿದೆ.

ದೇಶದ ಮೊದಲ ಆರ್​ಟಿ-ಪಿಸಿಆರ್​​ ಒಮಿಕ್ರಾನ್​ ಪರೀಕ್ಷಾ ಕಿಟ್​​ಗೆ ಡಿಸೆಂಬರ್‌ 30ರಂದು ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ ಅನುಮತಿ ನೀಡಿದೆ. ಈ ಪರೀಕ್ಷಾ ಕಿಟ್​​ಗೆ ಓಮಿಸೂರ್​​ (Omisure) ಎಂದು ಹೆಸರಿಡಲಾಗಿದೆ.

ಈ ಕಿಟ್​ನ ವಿನ್ಯಾಸ ಮತ್ತು ಅಭಿವೃದ್ಧಿಯನ್ನು ಯುಎಸ್ ಮೂಲದ ಕಂಪನಿ ಥರ್ಮೋ ಫಿಶರ್ ಮಾಡಿದ್ದು, ಇದನ್ನು ಟಾಟಾ ಕಂಪನಿ ತಯಾರಿಸಿದೆ. ಇದು ಎಸ್​​-ಜೀನ್ ಟಾರ್ಗೆಟ್ ಫೇಲ್ಯೂರ್​​ನನ್ನು ಬಳಸಿಕೊಂಡು, ಹೊಸ ರೂಪಾಂತರಿ ಒಮಿಕ್ರಾನ್ ಪತ್ತೆ ಮಾಡುತ್ತದೆ.

ಇಲ್ಲಿಯವರೆಗೆ ಜಿನೋಮ್ ಸೀಕ್ವೆನ್ಸಿಂಗ್ ಮೂಲಕ ಒಮಿಕ್ರಾನ್ ಪ್ರಕರಣಗಳನ್ನು ಪತ್ತೆ ಮಾಡಲಾಗುತ್ತಿತ್ತು. ಆರ್​ಟಿ-ಪಿಸಿಆರ್​​​ ಪರೀಕ್ಷೆ ಮಾಡುವಾಗ ಮೂಗು ಮತ್ತು ಬಾಯಿಯ ದ್ರವವನ್ನು ಸಂಗ್ರಹಿಸಲಾಗುತ್ತದೆ. ಇದೇ ದ್ರವದಿಂದ ಒಮಿಸೂರ್​​ ಕಿಟ್​ನ ಸಹಾಯದಿಂದ ಇದೀಗ ಒಮಿಕ್ರಾನ್​ ಪ್ರಕರಣಗಳನ್ನು ಪತ್ತೆ ಹಚ್ಚಬಹುದಾಗಿದೆ.ಪ್ರಸ್ತುತ ಭಾರತದಲ್ಲಿ ಈ ವಿಧಾನದ ಮೂಲಕ ಒಮಿಕ್ರಾನ್ ಪತ್ತೆ ಹಚ್ಚಲು ಬಳಸಬಹುದಾದ ಏಕೈಕ ಕಿಟ್ ಇದಾಗಿದೆ.

ಇದನ್ನೂ ಓದಿ:ಒಮಿಕ್ರಾನ್ ವಿರುದ್ಧ​ ಲಸಿಕೆಯ ಪರಿಣಾಮಕಾರಿತ್ವವನ್ನು ಬೂಸ್ಟರ್​ ಡೋಸ್ ಶೇ.88ರಷ್ಟು ಹೆಚ್ಚಿಸುತ್ತದೆ: ಅಧ್ಯಯನ

ವಿಜ್ಞಾನಿಗಳು ಯಾವ ಕೋವಿಡ್​​ ರೂಪಾಂತರಿ ಎಂದು ಪತ್ತೆ ಹಚ್ಚಲು ಎಸ್​​-ಜೀನ್ ಟಾರ್ಗೆಟ್ ಫೆಲ್ಯೂರ್​​ನಿಂದ ಸಹಾಯವಾಗುತ್ತದೆ. ಯಾರಾದ್ರೂ ಆರ್​ಟಿ-ಪಿಸಿಆರ್ ಪರೀಕ್ಷೆಗೆ ಒಳಗಾದ್ರೆ, ಈ ಕಿಟ್​​ ಯಾವ ಕೋವಿಡ್ ಜೀನ್‌ ಎಂದು ಪತ್ತೆ ಹಚ್ಚುತ್ತದೆ. ಎಸ್​​-ಜೀನ್ ಟಾರ್ಗೆಟ್ ಫೆಲ್ಯೂರ್​​ನನ್ನು ಪಿಸಿಆರ್​​(PCR) ಪರೀಕ್ಷೆ ಎಂದೂ ಸಹ ಕರೆಯಲಾಗುತ್ತದೆ. ಇಲ್ಲಿ N ಮತ್ತು ORF1ab ಜೀನ್‌ಗಳನ್ನು ಪತ್ತೆ ಮಾಡಲಾಗುತ್ತೆ, ಆದರೆ S-ಜೀನ್ ಅಲ್ಲ.

ಕಿಟ್ ಎರಡು ಹಂತಗಳಲ್ಲಿ ಕಾರ್ಯನಿರ್ವಹಿಸುತ್ತದೆ. ಮೊದಲನೆಯದಾಗಿ ಇದು ಕೋವಿಡ್​​ ಪತ್ತೆ ಮಾಡುತ್ತದೆ. ಎರಡನೆಯದಾಗಿ, S-ಜೀನ್ ಪತ್ತೆಯಾದರೆ ಮಾದರಿಯು ಒಮಿಕ್ರಾನ್​ ಪಾಸಿಟಿವ್​ ಎಂದು ತೋರಿಸುತ್ತದೆ.

ಕಿಟ್​ನ ಬೆಲೆ ಎಷ್ಟು?

ಕಂಪನಿಯ ಪ್ರಕಾರ, ಕಿಟ್ ಜನವರಿ 12 ರಿಂದ ಲಭ್ಯವಾಗಲಿದೆ. ಅದರ ಬೆಲೆಯನ್ನು 250 ರೂ.ಗೆ ನಿಗದಿಪಡಿಸಲಾಗಿದೆ. ಕಿಟ್‌ನ ರನ್ ಸಮಯ 85 ನಿಮಿಷಗಳು ಮತ್ತು ಟರ್ನ್‌ಅರೌಂಡ್ ಸಮಯ 130 ನಿಮಿಷಗಳು (ಮಾದರಿ ಸಂಗ್ರಹದಿಂದ ಫಲಿತಾಂಶ ಘೋಷಣೆಯವರೆಗೆ).