ತುಪ್ಪ ಸೇವನೆಯಲ್ಲಿ ಸಂಕೋಚ ಬೇಡ: ಇದರಿಂದ ಆರೋಗ್ಯಕ್ಕೆ ಪ್ರಯೋಜನವೇ ಹೆಚ್ಚು

ನಿಮ್ಮ ದೈನಂದಿನ ಡಯಟ್​ನಲ್ಲಿ ತುಪ್ಪವಿರುವಂತೆ ನೋಡಿಕೊಳ್ಳಿ- ತುಪ್ಪದ ಸೇವನೆ ಹಲವು ರೀತಿಯ ಆರೋಗ್ಯ ಪ್ರಯೋಜನಕ್ಕೆ ಕಾರಣ - ತುಪ್ಪ ತೂಕದ ಹೆಚ್ಚಳಕ್ಕೆ ಕಾರಣ ಎಂಬ ಚಿಂತೆ ಬೇಡ

ಹಬ್ಬ ಹರಿದಿನ ಎಂದರೆ ಅಲ್ಲಿ ಸಿಹಿ ಇರಲೇಬೇಕು. ತುಪ್ಪ ಇಲ್ಲದೇ ಯಾವುದೇ ಸಿಹಿಯನ್ನು ಮಾಡುವುದು ಅಸಾಧ್ಯ. ಇದೇ ಕಾರಣಕ್ಕೆ ಕೆಲವರು ಈ ಸಿಹಿ ಪದಾರ್ಥಗಳನ್ನು ತಿನ್ನಲು ಹಿಂದೇಟು ಹಾಕುತ್ತಾರೆ. ಕಾರಣ ಅನಗತ್ಯ ಬೊಜ್ಜಿಗೆ ಕಾಣವಾಗುತ್ತದೆ ಎಂಬುದು. ಆದರೆ, ಕೆಲವರು ತುಪ್ಪ ಹೃದಯದ ಆರೋಗ್ಯಕ್ಕೆ ಉತ್ತಮ ಎನ್ನುತ್ತಾರೆ. ಆದರೆ, ವೈದ್ಯಕೀಯ ತಜ್ಞರು ಈ ಬಗ್ಗೆ ಹೇಳುವುದೇನು ಗೊತ್ತಾ? ತುಪ್ಪ ಹಲವು ಪೋಷಕಾಂಶಗಳ ಸಮ್ಮಿಳತವಾಗಿದ್ದು, ಅನೇಕ ಆರೋಗ್ಯಕರ ಲಾಭವನ್ನು ಹೊಂದಿದೆ. ಇದೇ ಕಾರಣಕ್ಕೆ ಹಬ್ಬ ಹರಿದಿನದಲ್ಲಿ ಮಾತ್ರವಲ್ಲದೇ, ಯಾವುದೇ ಮುಜುಗರವಿಲ್ಲದೇ ದಿನನಿತ್ಯದ ಆಹಾರದಲ್ಲಿ ತುಪ್ಪವನ್ನು ಬೆರಸಿ ಸೇವಿಸಿ ಎಂದು ಸಲಹೆ ನೀಡುತ್ತಾರೆ.

ಹಲವು ಪೋಷಕಾಂಶ: ತುಪ್ಪದಲ್ಲಿ ಅನೇಕ ಪೋಷಕಾಂಶಗಳಿವೆ. ಇದರಲ್ಲಿ ಫ್ಯಾಟ್​ ಕರಗಿಸುವ ಎ, ಇ, ಡಿ ಮತ್ತು ಕೆ ವಿಟಮಿನ್​ ಇದ್ದು, ಒಮೆಗಾ-3, ಒಮೆಗಾ-6, ಲಿನೊಲೆಕ್​ ನಂತಹ ಫ್ಯಾಟಿ ಆ್ಯಸಿಡ್​, ಬ್ಯುಟೈರಿಕ್​ ಆ್ಯಸಿಡ್​ ಸೇರಿದಂತೆ ಹಲವಾಬರು ಉತ್ಕರ್ಷಣ ನಿರೋಧಕ ಅಂಶ ಇದ್ದು, ಇದು ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ.

ನರ ಕಾರ್ಯಾಚರಣೆ:ದೇಹದಲ್ಲಿ ಒಮೆಗಾ-3 ಮತ್ತು ಒಮೆಗಾ-6 ಪ್ಯಾಟಿ ಆಸಿಡ್​ ಮಟ್ಟ ಕಡಿಮೆಯಾದರೆ ಇದು ಡೆಮೆಟಿಯಾ ಮತ್ತು ಅಲ್ಜೈಮೆರಾದಂತಹ ಸಮಸ್ಯೆಗೆ ಕಾರಣವಾಗುತ್ತದೆ. ಇದರಿಂದ ನಿಮ್ಮನ್ನು ನೀವು ರಕ್ಷಣೆ ಮಾಡಬೇಕು ಎಂದು ಕೊಂಡರೆ, ನಿಮ್ಮ ಡಯಟ್​ನಲ್ಲಿ ಈ ತುಪ್ಪವನ್ನು ಸೇರಿಸಿ. ತುಪ್ಪದಲ್ಲಿ ಫ್ಯಾಟಿ ಆಸಿಡ್​ ದೊಡ್ಡ ಮಟ್ಟದಲ್ಲಿದ್ದು, ಇದು ದೇಹದ ನರ ವ್ಯವಸ್ಥೆ ಸೇರಿದಂತೆ ಇತರ ಆರೋಗ್ಯದ ಮೇಲೂ ಸಕಾರಾತ್ಮಕ ಪರಿಣಾಮ ಬೀರುತ್ತದೆ. ಮಿದುಳು ಕ್ರಿಯಾಶೀಲವಾಗಿ ಕೆಲಸ ಮಾಡುವಂತೆ ಮಾಡುತ್ತದೆ. ಈ ಹಿನ್ನೆಲೆ ನಿತ್ಯದ ಆಹಾರದಲ್ಲಿ ತುಪ್ಪ ಅತ್ಯಗತ್ಯವಾಗಿದೆ.

ಉತ್ತಮ ಜೀರ್ಣಕ್ರಿಯೆ: ತುಪ್ಪದಿಂದ ದೇಹದ ಜೀರ್ಣಶಕ್ತಿ ಅಭಿವೃದ್ಧಿ ಹೊಂದುತ್ತದೆ ಎಂದು ತಜ್ಞರು ತಿಳಿಸುತ್ತದೆ. ತುಪ್ಪ ಕೆಲವು ಆಮ್ಲಗಳನ್ನು ಬಿಡುಗಡೆ ಮಾಡುತ್ತದೆ. ಉದು ತೆಗೆದುಕೊಂಡ ಆಹಾರಗಳು ಸುಲಭವಾಗಿ ಜೀರ್ಣವಾಗುತ್ತದೆ. ಜೀರ್ಣಾಂಗವ್ಯೂಹದ ವ್ಯವಸ್ಥೆಗೆ ಸಹಕಾರಿ ಮಾಡುತ್ತದೆ. ಈ ಹಿನ್ನೆಲೆ ತುಪ್ಪವನ್ನು ಸೇವನೆ ಮಾಡುವುದು ಆರೋಗ್ಯಕ್ಕೆ ಉತ್ತಮವಲ್ಲ ಎಂಬ ನಂಬಿಕೆಯಿಂದ ಹೊರಬರಬೇಕು

ಒಡೆದ ತುಟಿಗೆ ಮದ್ದು: ಆರೋಗ್ಯದ ವಿಚಾರದಲ್ಲಿ ಮಾತ್ರವಲ್ಲ ಸೌಂದರ್ಯದ ವಿಚಾರದಲ್ಲೂ ತುಪ್ಪ ಸಹಾಯಕಾರಿಯಾಗಿದೆ. ಇದು ನೈಸರ್ಗಿಕ ಮಶ್ಚರೈಸರ್​ ರೀತಿ ಕೆಲಸ ಮಾಡುತ್ತದೆ. ಚಳಿಗಾಲದಲ್ಲಿ ಅನೇಕ ಜನರಿಗೆ ತುಟಿ ಒಡೆಯುವ ಸಮಸ್ಯೆ ಸಾಮಾನ್ಯ. ತುಪ್ಪವನ್ನು ಒಡೆದ ತುಟಿಗೆ ಹಚ್ಚಿ ಮಸಾಜ್​ ಮಾಡುವುದರಿ ಬಿರುಕು ಬೇಗ ಹೋಗುತ್ತದೆ. ಇದರಿಂದಾಗಿ ಎಷ್ಟೇ ಗಾಢಾ ಚಳಿ ಇದ್ದರೂ ನಿಮ್ಮ ತುಟಿ ಕಾಂತಿಯುತ ಹಾಗೂ ಮೃದುವಾಗಿರುತ್ತದೆ.

ತುಪ್ಪ ಆರೋಗ್ಯಕ್ಕೆ ಒಳ್ಳೆಯದು ನಿಜ ಆದರೆ, ಅಧಿಕ ತುಪ್ಪ ಸೇವನೆ ಕೂಡ ಒಳ್ಳೆಯದಲ್ಲ. ಹಾಗಾಗಿ ದಿನಕ್ಕೆ ಒಂದು ಟೀ ಸ್ಪೂನ್​ನಷ್ಟು ತುಪ್ಪ ಸೇವಿಸುವುದು ಸಾಕು. ಇದರಿಂದಾಗಿ ಯಾವುದೇ ಆರೋಗ್ಯದ ಸಮಸ್ಯೆ ಎದುರಿಸುವುದಿಲ್ಲ. ಜೊತೆಗೆ ಎಲ್ಲಾ ರೀತಿಯ ಪ್ರಯೋಜನವನ್ನು ಪಡೆಯಬಹುದು. ಹೃದಯದ ಸಮಸ್ಯೆ, ಡಯಾಬೀಟಿಸ್​ ಮುಂತಾದ ಸಮಸ್ಯೆಗಳಿಂದ ಬಳಲುತ್ತಿರುವವರು ತುಪ್ಪ ಸೇವಿಸುವುದು ಉತ್ತಮ. ಅವರ ಸಮಸ್ಯೆಗೆ ಅನುಗುಣವಾದ ಮಟ್ಟದಲ್ಲಿ ಅವರು ತುಪ್ಪ ಸೇವನೆ ಮಾಡಬೇಕು. ಇದಕ್ಕೆ ಮುನ್ನ ವೈದ್ಯರ ಸಲಹೆ ಅವಶ್ಯ. ಶುದ್ಧ ತುಪ್ಪ ಸೇವನೆಗೆ ಹೆಚ್ಚಿನ ಆದ್ಯತೆ ನೀಡಿ.

ಇದನ್ನೂ ಓದಿ: ಡಯಟ್​ನಲ್ಲಿ ಕಡಿಮೆ ಮಟ್ಟದ ಕೊಬ್ಬು ಸೇವನೆಗೆ ಉತ್ತಮವಾದ ಪ್ಲಾನ್​ ಮಾಡುವುದು ಅತ್ಯವಶ್ಯಕ