ನಿಯಮಿತ ವ್ಯಾಯಾಮ ಕೋವಿಡ್​ನಿಂದ ಉಂಟಾದ ಮಧುಮೇಹ ಮತ್ತು ಖಿನ್ನತೆಗೆ ಪರಿಹಾರ: ಅಧ್ಯಯನ

ಮಧುಮೇಹ ಕೀಟೋಆಸಿಡೋಸಿಸ್​ನ್ನು ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಹೆಚ್ಚಿಸುತ್ತದೆ. ಆದರೆ, ನಿಯಮಿತ ವ್ಯಾಯಾಮದಿಂದ ಮಧುಮೇಹಕ್ಕೆ ಕಾರಣವಾಗುವ ಗ್ಲೂಕೋಸ್ ಹೆಚ್ಚಳವನ್ನು ನಿಯಂತ್ರಿಸುತ್ತದೆ ಎಂದು ಪೆನ್ನಿಂಗ್ಟನ್ ಬಯೋಮೆಡಿಕಲ್​ನ ಸಂಶೋಧನೆಯಲ್ಲಿ ತಿಳಿದುಬಂದಿದೆ.

ದೀರ್ಘಾವಧಿಯ ಕೋವಿಡ್​ನಿಂದ ಉಂಟಾದ ಖಿನ್ನತೆ ಮತ್ತು ಮಧುಮೇಹಕ್ಕೆ ನಿಯಮಿತ ವ್ಯಾಯಾಮ ಪರಿಣಾಮಕಾರಿ ಎಂದು ಅಧ್ಯಯನದಲ್ಲಿ ತಿಳಿದುಬಂದಿದೆ. 'ಎಕ್ಸಸೈಸ್​ ಆ್ಯಂಡ್ ಸ್ಪೋರ್ಟ್​ ಸೈನ್ಸ್​ ರಿವೀವ್​' ಎಂಬ ಜರ್ನಲ್​ನಲ್ಲಿ ಈ ವರದಿ ಪ್ರಕಟಿಸಲಾಗಿದೆ.

ದೀರ್ಘ ಕಾಲದ ಕೋವಿಡ್ ಖಿನ್ನತೆಯನ್ನು ಉಂಟುಮಾಡುತ್ತದೆ ಎಂದು ತಿಳಿದುಬಂದಿದೆ. ಜನರು ಮಧುಮೇಹ ಕೀಟೋಆಸಿಡೋಸಿಸ್​ನ್ನು, ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಹೆಚ್ಚಿಸುತ್ತದೆ. ಆದರೆ, ನಿಯಮಿತ ವ್ಯಾಯಾಮದಿಂದ ಮಧುಮೇಹಕ್ಕೆ ಕಾರಣವಾಗುವ ಗ್ಲೂಕೋಸ್ ಹೆಚ್ಚಳವನ್ನು ನಿಯಂತ್ರಿಸುತ್ತದೆ ಹಾಗೇ ಖಿನ್ನತೆಯ ಬೆಳವಣಿಗೆ ಆಗದಂತೆ ನೋಡಿಕೊಳ್ಳುತ್ತದೆ ಎಂದು ಪೆನ್ನಿಂಗ್ಟನ್ ಬಯೋಮೆಡಿಕಲ್ ಸಂಶೋಧನಾ ಕೇಂದ್ರದ ಸಂಶೋಧನಾ ವಿಜ್ಞಾನಿ ಕ್ಯಾಂಡಿಡಾ ರೆಬೆಲ್ಲೊ ಹೇಳಿದರು.

ಎಷ್ಟು ಜನರು ದೀರ್ಘ ಕಾಲದ ಕೋವಿಡ್​ನಿಂದ ಬಳಲುತ್ತಿದ್ದಾರೆ ಎಂಬುದು ಅಸ್ಪಷ್ಟ. ಅಂದಾಜು 15 ಪ್ರತಿಶತದಿಂದ 80 ಪ್ರತಿಶತದಷ್ಟು ಜನರು ಸೋಂಕಿಗೆ ಒಳಗಾಗಿದ್ದಾರೆ. ದೀರ್ಘ ಕಾಲದ ಕೋವಿಡ್​ನಿಂದ ಮೆದುಳಿನಲ್ಲಿ ಸ್ನಾಯು ನೋವು ಮತ್ತು ಆಯಾಸದಂತಹ ಲಕ್ಷಣಗಳು ಕಾಣಬಹುದು. ಇದು ಸೋಂಕಿನ ಲಕ್ಷಣ ಆರಂಭವಾದ ನಂತರ ಒಂದು ತಿಂಗಳವರೆಗೂ ಇರುವ ಸಾಧ್ಯತೆ ಇದೆ. ಇದರೊಂದಿಗೆ ಇತರೆ ರೋಗ ಲಕ್ಷಣಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ.

ನೀವು ಒಂದು ಮೈಲಿ ಓಡಬೇಕಾಗಿಲ್ಲ ಅಥವಾ ವೇಗದಲ್ಲಿ ಒಂದು ಮೈಲಿ ನಡೆಯಬೇಕಾಗಿಲ್ಲ, ನಿಧಾನವಾಗಿ ನಡೆಯುವುದು ಸಹ ವ್ಯಾಯಾಮವಾಗಿದೆ. ಒಮ್ಮೆಗೇ 30 ನಿಮಿಷದ ವ್ಯಾಯಾಮ ಮಾಡುವುದು ಕಷ್ಟವಾಗುತ್ತದೆ. ಅದಕ್ಕೆ 15 ನಿಮಿಷಗಳ ನಿಯಮಿತ ವ್ಯಾಯಾವು ಕೂಡ ಆರೋಗ್ಯಕ್ಕೆ ಹಿತಕರ ಎಂದು ಡಾ. ರೆಬೆಲ್ಲೊ ಹೇಳುತ್ತಾರೆ.

ನಿಧಾನವಾಗಿ ವ್ಯಾಯಾಮವನ್ನು ಆರಂಭಿಸಿ, ಪ್ರಾರಂಭದಲ್ಲಿ ಕಡಿಮೆ ಸಮಯ ವ್ಯಾಯಾಮ ಮಾಡಲಾದರೂ ದಿನೇ ದಿನೇ ವ್ಯಾಯಾಮ ಮಾಡುವುದರಿಂದ ಹೆಚ್ಚು ಸಮಯ ವ್ಯಾಯಾಮ ಮಾಡಲು ಸಾಧ್ಯವಾಗುತ್ತದೆ.

ದೈಹಿಕ ಚಟುವಟಿಕೆಯು ಆರೋಗ್ಯಕರ ಜೀವನಕ್ಕೆ ಪ್ರಮುಖ ಅಂಶವಾಗಿದೆ ಎಂದು ನಮಗೆ ತಿಳಿದಿದೆ. ಈ ಸಂಶೋಧನೆಯು ಅಧಿಕ ರಕ್ತದ ಸಕ್ಕರೆಯ ಮಟ್ಟಕ್ಕೆ ಕಾರಣವಾಗುವ ಉರಿಯೂತದ ಸರಣಿ ಪ್ರತಿಕ್ರಿಯೆಯನ್ನು ಮುರಿಯಲು ವ್ಯಾಯಾಮವನ್ನು ಬಳಸಬಹುದು ಎಂದು ತೋರಿಸುತ್ತದೆ. ನಂತರ ಟೈಪ್ 2 ಮಧುಮೇಹದ ಬೆಳವಣಿಗೆಯನ್ನು ತಡೆಯುತ್ತದೆ ಪೆನ್ನಿಂಗ್ಟನ್ ಬಯೋಮೆಡಿಕಲ್ ಕಾರ್ಯನಿರ್ವಾಹಕ ನಿರ್ದೇಶಕ ಜಾನ್ ಕಿರ್ವಾನ್ ತಿಳಿಸಿದರು.

ಇದನ್ನೂ ಓದಿ:ಪ್ರೋಟೀನ್​ಯುಕ್ತ ಆಹಾರ ಸೇವಿಸಿ 'ಬಿಪಿ' ಕಡಿಮೆ ಮಾಡಿಕೊಳ್ಳಿ..