Kitchen Tips: ಫ್ರಿಡ್ಜ್​ ಶುಚಿ ಮಾಡುವಾಗ ಈ ತಪ್ಪು ಮಾಡಬೇಡಿ!

ರೆಫ್ರಿಜೇಟರ್​ ಅನ್ನು ಕಾಲ ಕಾಲಕ್ಕೆ ಶುಚಿಗೊಳಿಸುವುದು ಕೂಡ ಅತಿಮುಖ್ಯ ಅಷ್ಟೇ ಅಲ್ಲದೇ ಅವಶ್ಯ ಕೂಡ.

ತಂಗಳು ಪೆಟ್ಟಿಗೆ ಅಥವಾ ರೆಫ್ರಿಜರೇಟರ್​​ ಇಂದು ಬಹುತೇಕ ಮನೆಯಲ್ಲಿ ಸಾಮಾನ್ಯ ಮತ್ತು ಅವಶ್ಯಕ ವಸ್ತುವಾಗಿದೆ. ತರಕಾರಿಯಿಂದ ಮಿಕ್ಕಿದ ಅಡುಗೆಗಳನ್ನು ಸಂಗ್ರಹಿಸುವ ಈ ರೆಫ್ರಿಜೇಟರ್​ ಅನ್ನು ಕಾಲ ಕಾಲಕ್ಕೆ ಶುಚಿಗೊಳಿಸುವುದು ಕೂಡ ಅತಿಮುಖ್ಯ ಅಷ್ಟೆ ಅಲ್ಲದೇ ಅವಶ್ಯ ಕೂಡ. ಇಲ್ಲದೇ ಹೋದರೆ ಇದರಲ್ಲಿನ ವಸ್ತುಗಳು ಎಲ್ಲ ಹಾಳಾಗುವುದು ಮಾತ್ರವಲ್ಲ, ಬ್ಯಾಕ್ಟೀರಿಯಾಗಳ ಆಗರವಾಗಿ ಅವು ಅನೇಕ ರೋಗಕ್ಕೆ ಕಾರಣವಾಗುತ್ತದೆ. ಈ ಹಿನ್ನೆಲೆ ಇದನ್ನು ನಿಯಮಿತವಾಗಿ ಶುಚಿಗೊಳಿಸುವ ಮೂಲಕ ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕಿದೆ. ಹಾಗಾದರೆ ಈ ಫ್ರಿಡ್ಜ್​ ಅನ್ನು ಹೇಗೆ ಶುಚಿಗೊಳಿಸುವುದು ಎಂಬ ಚಿಂತೆ ಇದ್ರೆ ಈ ಸಿಂಪಲ್​ ಸಲಹೆ ಪಾಲಿಸಿ

ಫ್ರಿಡ್ಜ್​ ಶುಚಿಗೊಳಿಸುವಾಗ ಅದರಲ್ಲಿನ ಎಲ್ಲಾ ತರಕಾರಿ ಮತ್ತು ಹಣ್ಣುಗಳು ಮತ್ತು ವಸ್ತುಗಳನ್ನು ಇಟ್ಟ ಡಬ್ಬಿಗಳನ್ನು ಹೊರ ತೆಗೆದು ನೀಟಾಗಿ ಒರೆಸಿ ಇಡಬೇಕು. ಇಲ್ಲದೇ ಹೋದರೆ ಬ್ಯಾಕ್ಟೀರಿಯಾಗಳು ಸಂಪೂರ್ಣವಾಗಿ ಹೊರ ಹೋಗುವುದಿಲ್ಲ. ಇದರಿಂದ ಅವು ಇತರ ವಸ್ತುಗಳನ್ನು ಹಾನಿ ಮಾಡುತ್ತದೆ. ಇವು ಇತರ ವಸ್ತುಗಳನ್ನು ಹಾನಿ ಮಾಡುವ ಸಾಧ್ಯತೆ ಇದೆ.

ಫ್ರಿಡ್ಜ್​ ಅನ್ನು ಒರೆಸಿದ ಬಳಿಕ ಇದರ ಬಾಗಿಲನ್ನು ಕೆಲಕಾಲ ಸಂಪೂರ್ಣವಾಗಿ ತೆಗೆದಿರುವುದು ಉತ್ತಮ. ವಸ್ತುಗಳು ಸಂಪೂರ್ಣವಾಗಿ ಒಣಗಿದ ಬಳಿಕವೇ ಅದರೊಳಗೆ ಇಡಬೇಕು. ಜೊತೆಗೆ ವಸ್ತುಗಳನ್ನು ಒಟ್ಟ ಡಬ್ಬಗಳ ಮುಚ್ಚಳವನ್ನು ಹಾಕದೇ ಇರಲು ಮರೆಯಬಾರದು. ಈ ರೀತಿ ಮಾಡುವುದರಿಂದ ಒಂದು ವೇಳೆ ಫ್ರಿಡ್ಜ್​ನಲ್ಲಿ ಯಾವುದಾದರೂ ವಸ್ತುಗಳು ಕೆಟ್ಟರೂ ಅದು ಬೇರೆ ವಸ್ತುಗಳಿಗೆ ಹಾನಿ ಮಾಡುವುದಿಲ್ಲ.

ಎರಡು ಸ್ಪೂನ್​ ಬೇಕಿಂಗ್​ ಸೋಡಾಗೆ ಸ್ವಲ್ಪ ವಿನಿಗರ್​ ಮತ್ತು ನೀರನ್ನು ಹಾಕಿ ಬಾಟೆಲ್​ನಲ್ಲಿ ಮಿಕ್ಸ್​​ ಮಾಡಿ, ಫ್ರಿಡ್ಜ್​ ಒಳಗೆ ಅದನ್ನು ಚೆನ್ನಾಗಿ ಸ್ಪ್ರೇ ಮಾಡಿ. ಬಳಿಕ ಒಣಗಿದ ಮೈಕ್ರೋಫೈಬರ್​ ಬಟ್ಟೆ ಮೂಲಕ ಅದನ್ನು ಚೆನ್ನಾಗಿ ಒರೆಸಿ. ಇದು ಮಾಶ್ಚರೈಸರ್​ ಅನ್ನು ಹೀರಿಕೊಳ್ಳುತ್ತದೆ. ಈ ರೀತಿ ಪ್ರಕ್ರಿಯೆಗೆ ಹೆಚ್ಚು ಸಮಯ ಕೂಡ ಬೇಕಾಗುವುದಿಲ್ಲ.

ಫ್ರಿಡ್ಜ್​ನ ಕಾರ್ನರ್​ನಲ್ಲಿನ ಧೂಳುಗಳನ್ನು ತೆಗೆಯುವುದು ಕೆಲವೊಮ್ಮೆ ತ್ರಾಸದಾಯಕವಾಗುತ್ತದೆ. ಈ ಹಿನ್ನೆಲೆ ಇದಕ್ಕೆ ಬೇಕಿಂಗ್​ ಸೋಡಾವನ್ನು ಬೆಚ್ಚಗಿನ ನೀರಿನಲ್ಲಿ ಬೆರೆಸಿ ಅದನ್ನು ಪೇಸ್ಟ್​ ರೂಪದಲ್ಲಿ ಮಾಡಿಕೊಂಡು ಈ ಮೂಲೆಗಳಿಗೆ ಹಚ್ಚಿ, ಹಳೆ ಬ್ರಶ್​ನಿಂದ ತಿಕ್ಕಿ ತೊಳೆಯಿರಿ. ಇದರಿಂದ ಕೆಟ್ಟ ದುರ್ಗಂಧವೂ ಕೂಡ ಮಾಯವಾಗುತ್ತದೆ.

ಫ್ರಿಡ್ಜ್​ ಆಹಾರಗಳನ್ನು ದೀರ್ಘಕಾಲ ಸಂರಕ್ಷಣೆ ಮಾಡಿದರೂ, ಅವುಗಳ ತಪಾಸಣೆ ಜೊತೆಗೆ ನಿಯಮಿತವಾಗಿ ಅದರ ಶುಚಿತ್ವವನ್ನು ಕಾಯ್ದುಕೊಳ್ಳುವುದು ಅವಶ್ಯ ಎಂಬುದು ಮರೆಯಬಾರದು.

ಇದನ್ನೂ ಓದಿ: ಮಳೆಗಾಲದಲ್ಲಿ ಕಾಡುವ ಸೋಂಕಿನಿಂದ ರಕ್ಷಣೆಗೆ ಈ ಆಹಾರದಿಂದ ದೂರ ಇರುವುದು ಸೂಕ್ತ: ಯಾವುದದು?