ನವದೆಹಲಿ: ಈ ಹಿಂದೆ ಚೀನಾದ ವುಹಾನ್ನಲ್ಲಿ ಭಾರಿ ವಿವಾದಕ್ಕೆ ಗುರಿಯಾಗಿದ್ದ ಸಂಶೋಧನಾ ತಂಡವೊಂದು ಇದೀಗ ಥಾಯ್ಲೆಂಡ್‌ನಲ್ಲಿ ಮಾರಣಾಂತಿಕ ಬ್ಯಾಟ್ (ಬಾವಲಿ) ವೈರಸ್ ಪತ್ತೆ ಮಾಡಿದೆ. ಇದು ಮನುಷ್ಯರಿಗೆ ಹರಡುವ ಸಾಮರ್ಥ್ಯ ಹೊಂದಿದೆ ಎಂದು ಅವರು ಎಚ್ಚರಿಸಿದ್ದಾರೆ.
ಹಿಂದೆಂದೂ ಕಂಡಿರದ ರೀತಿಯ ವೈರಸ್ ಅನ್ನು ಪತ್ತೆ ಮಾಡಲಾಗಿದೆ. ಇದೂ ಕೂಡ ಕೋವಿಡ್ನಂತೆ ಮನುಷ್ಯರಿಗೆ ಸೋಂಕು ತಗುಲಿಸುವ ಸಾಮರ್ಥ್ಯ ಹೊಂದಿದೆ ಎಂದು ನ್ಯೂಯಾರ್ಕ್‌ನ ಲಾಭರಹಿತ ಇಕೋಹೆಲ್ತ್ ಅಲಯ್ಸನ್ ಮುಖ್ಯಸ್ಥ ಡಾ.ಪೀಟರ್ ದಾಸ್ಜಾಕ್ ತಿಳಿಸಿದ್ದಾರೆ ಎಂದು ಡೈಲಿ ಮೇಲ್ ವರದಿ ಮಾಡಿದೆ. ಹೊಸ ಸಾಂಕ್ರಾಮಿಕ ರೋಗ ಆರಂಭವಾಗಲಿದೆ ಎಂಬ ಭೀತಿ ಹೊಂದಿದ್ದ ವುಹಾನ್ನ ವಿವಾದಾತ್ಮಕ ಪ್ರಯೋಗದೊಂದಿಗೆ ಈ ಇಕೋಹೆಲ್ತ್ ಕೂಡ ಸಂಬಂಧ ಹೊಂದಿದೆ.
"ನಾವು ಅನೇಕ ಬಗೆಯ ಸಾರ್ಸ್ ಸಂಬಂಧಿ ಕೋವಿಡ್ ವೈರಸ್ ಪತ್ತೆ ಮಾಡಿದ್ದೇವೆ. ಆದರೆ, ಜನರು ಸಾಮಾನ್ಯವಾಗಿ ತೆರೆದುಕೊಳ್ಳುವ ನಿರ್ದಿಷ್ಟ ಅಂಶವೊಂದನ್ನು ಬಾವಲಿಗಳಲ್ಲಿ ಕಂಡು ಹಿಡಿದಿದ್ದೇವೆ. ಹೊಸ ವೈರಸ್ಗೆ ಇನ್ನಷ್ಟೇ ಹೆಸರಿಡಬೇಕಿದೆ. ಇದು ಥಾಯ್ಲೆಂಡ್ನ ಗುಹೆಯಲ್ಲಿ ಕಂಡುಬಂದಿದೆ. ಈ ಗುಹೆಗಳಲ್ಲಿ ಲಭ್ಯವಾಗುವ ಮಲವನ್ನು ರೈತರು ತಮ್ಮ ಭೂಮಿಗೆ ಗೊಬ್ಬರವಾಗಿ ಪಡೆಯುತ್ತಾರೆ. ಹೊಸತಾಗಿ ಪತ್ತೆಯಾಗಿರುವ ವೈರಸ್ ಕೋವಿಡ್‌ಗೆ ಹತ್ತಿರವಾಗಿದೆ" ಎಂದು ಅವರು ವಿವರಿಸಿದ್ದಾರೆ.