ಕರ್ನಾಟಕ

karnataka

ETV Bharat / sukhibhava

10 ವರ್ಷದ ಮಕ್ಕಳಲ್ಲಿ ಎಡಿಎಚ್​ಡಿ ಅಪಾಯ ಹೆಚ್ಚಿಸಿದ ಕೋವಿಡ್​; ಏನಿದು ಎಡಿಎಚ್​ಡಿ? - ಗಾಧ ಪರಿಣಾಮ ಬೀರಿದ್ದು ಸುಳ್ಳಲ್ಲ

ಕೋವಿಡ್​ ನಂತರ 10 ವರ್ಷದ ಮಕ್ಕಳ ಗುಂಪಿನಲ್ಲಿ ಎಡಿಎಚ್‌ಡಿಯನ್ನು ಅಭಿವೃದ್ಧಿಪಡಿಸುವ ಆನುವಂಶಿಕ ಅಪಾಯದ ರೋಗ ನಿರ್ಣಯ ಗಮನಾರ್ಹ ಹೆಚ್ಚಳ ಕಂಡಿದೆ.

Covid increased risk of ADHD in 10 year old children
Covid increased risk of ADHD in 10 year old children

By ETV Bharat Karnataka Team

Published : Nov 13, 2023, 10:41 AM IST

ಸ್ಯಾನ್​ಫ್ರಾನ್ಸಿಸ್ಕೋ:ಕೋವಿಡ್​ 19 ಲಾಕ್​ಡೌನ್​ ಮಕ್ಕಳ ಮೇಲೆ ಅಗಾಧ ಪರಿಣಾಮ ಬೀರಿದ್ದು ಸುಳ್ಳಲ್ಲ. ಇದು ಅವರ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮವನ್ನು ಬೀರಿತು. ಇದೀಗ ಹೊಸ ಅಧ್ಯಯನದಲ್ಲಿ ತಿಳಿದು ಬಂದ ವಿಷಯ ಎಂದರೆ ಕೋವಿಡ್​ 19 ಲಾಕ್​ಡೌನ್​ 10 ವರ್ಷದೊಳಗಿನ ಮಕ್ಕಳಲ್ಲಿ ಎಡಿಎಚ್​ಡಿ ಅಂದರೆ (ಅಟೆನ್ಷನ್​ ಡಿಫಿಸಿಯೆಟ್​ ಹೈಪರ್​ಆಕ್ಟಿವಿಟಿ ಡಿಸಾರ್ಡರ್​​- ಗಮನ ಕೊರತೆ ಸಕ್ರಿಯ ಸಮಸ್ಯೆ) ಅಪಾಯ ಹೊಂದಿದೆ ಎಂದು ತಿಳಿಸಿದೆ.

ಕೂಪನ್​ಹೇಗನ್​ ಯುನಿವರ್ಸಿಟಿ ಅಧ್ಯಯನ ಅನುಸಾರ, ಕೋವಿಡ್​ ನಂತರ 10 ವರ್ಷದ ಮಕ್ಕಳ ಗುಂಪಿನಲ್ಲಿ ಎಡಿಎಚ್‌ಡಿಯನ್ನು ಅಭಿವೃದ್ಧಿಪಡಿಸುವ ಆನುವಂಶಿಕ ಅಪಾಯದ ರೋಗ ನಿರ್ಣಯ ಗಮನಾರ್ಹ ಹೆಚ್ಚಳ ಕಂಡಿದೆ.

ಇದಕ್ಕಾಗಿ 2020 ರಿಂದ 2021ರ ವರೆಗೆ ಎರಡು ಗುಂಪಿನ ಒಟ್ಟು 593 ಮಕ್ಕಳನ್ನು ಅಧ್ಯಯನಕ್ಕೆ ಒಳಪಡಿಸಲಾಯಿತು. ನಡುವಳಿಕೆ ಮತ್ತು ಏಕಾಗ್ರತೆಯ ಸಮಸ್ಯೆ ಹೊಂದಿರುವ ಮಕ್ಕಳಲ್ಲಿ ಲಾಕ್​​ಡೌನ್​ ನಂತರ ಎಡಿಎಚ್​ಡಿ ಸಮಸ್ಯೆ ಗಮಹಾರ್ಯವಾಗಿ ಹೆಚ್ಚಾಗಿದೆ. ಕಡಿಮೆ ಪಿಆರ್​ಎಸ್​​ ಹೊಂದಿರುವವರಲ್ಲಿ ಇದರ ಹೆಚ್ಚಳ ಕಂಡು ಬಂದಿಲ್ಲ.

ಡೆನ್ಮಾರ್ಕ್​ನ ನಮ್ಮ ಅಧ್ಯಯನಕ್ಕೆ ಸಂಬಂಧಿಸಿದಂತೆ ಈ ದತ್ತಾಂಶದ ಮಾದರಿಗಳಿಂದ ಫಲಿತಾಂಶ ಬಂದಿದ್ದು, ಇದು ಈಗಾಗಲೇ ಅನೇಕ ಅಧ್ಯಯನದ ವರದಿಗಳಿಂದ ಪುನರಾವರ್ತಿತವಾಗಿದೆ ಎಂಬುದು ಪತ್ತೆಯಾಗಿದೆ.

ಅಧ್ಯಯನದಲ್ಲಿ ಹೆಚ್ಚಿನ ಅನುವಂಶಿಕ ಅಪಾಯ ಹೊಂದಿರುವ ಮಕ್ಕಳಲ್ಲಿ ಮಾತ್ರ ಎಡಿಎಚ್​ಡಿ ಮಾನಸಿಕ ಆರೋಗ್ಯ ಸಮಸ್ಯೆ ಹೆಚ್ಚಳಕ್ಕೆ ಕಾರಣವಾಗಿದೆ. ನಮ್ಮ ಅಧ್ಯಯನವು ಅನುವಂಶಿಕತೆಯು ಮಾನಸಿಕ ಆರೋಗ್ಯವನ್ನು ಹೆಚ್ಚಾಗಿ ಪ್ರಭಾವಿಸುತ್ತದೆ ಎಂದು ತೋರಿಸಿದೆ.

ಈ ಅಧ್ಯಯನವು ಕೆಲವು ಮಿತಿಯನ್ನು ಹೊಂದಿದೆ ಎಂದು ಅಧ್ಯಯನದ ಪ್ರಮುಖ ಲೇಖಕರಾದ ಕೂಪನ್​ಹೇಗನ್​ ಯುನಿವರ್ಸಿಟಿಯ ಸಂಶೋಧಕರಾದ ಮಾರಿಯಾ ಹೆರ್ನಂಡೇಜ್​​ ಲೊರ್ಕಾ ತಿಳಿಸಿದ್ದಾರೆ.

ಲಾಕ್​ಡೌನ್​ಗೆ ಮುಂಚೆ ಮತ್ತು ನಂತರದಲ್ಲಿ ಅಧ್ಯಯನ ಮಾಡಿದ ಮಕ್ಕಳು ಒಂದೇ ಅಲ್ಲ. ಈ ಹಿನ್ನೆಲೆ ಮಕ್ಕಳ ಮಾನಸಿಕ ಸಮಸ್ಯೆ ಹೆಚ್ಚಳ ಸಂಬಂಧ ಕುರಿತು ನಿರ್ಣಯಕ್ಕೆ ಬರಲು ಸಾಧ್ಯವಿಲ್ಲ. ಇದರ ಹೊರತಾಗಿ ನಾವು ಮಾನಸಿಕ ಆರೋಗ್ಯ ಸಮಸ್ಯೆ ಗಮನಿಸಿದ್ದೇವೆ ಎಂದು ಅವರು ತಿಳಿಸಿದ್ದಾರೆ.

ಮತ್ತೊಂದು ಸಾಮರ್ಥ್ಯದ ಮಿತಿ ಎಂದರೆ, ಮಕ್ಕಳನ್ನು ಎದುರಿಗೆ ಕೂರಿಸಿಕೊಂಡು ಮುಖಾಮುಖಿಯಾಗಿ ಮನೋರೋಗಶಾಸ್ತ್ರದ ಪರೀಕ್ಷೆ ನಡೆಸಲಾಗಿದೆ. ಆದರೂ ಇದು ಪೋಷಕರ ಪ್ರಶ್ನಾವಳಿಗಳ ಮೇಲೆ ಅವಲಂಬಿತವಾಗಿದೆ. ಲಾಕ್​ಡೌನ್​ ಸಂದರ್ಭದಲ್ಲಿ ಪೋಷಕರು ಹೆಚ್ಚಾಗಿ ಮಕ್ಕಳೊಂದಿಗೆ ಸಮಯ ಕಳೆದಿದ್ದಾರೆ. ಅವರಿಗೆ ಈ ಸಮಸ್ಯೆ ಮುಂಚೆಯೇ ಅಸ್ತಿತ್ವದಲ್ಲಿತ್ತು ಎಂಬ ಬಗ್ಗೆ ಅರಿವು ಇದೆ ಎಂದಿದ್ದಾರೆ. (ಐಎಎನ್​ಎಸ್​​)

ಇದನ್ನೂ ಓದಿ: ವಿಟಮಿನ್​ ಡಿ ಪೂರಕಗಳು ಮಕ್ಕಳಲ್ಲಿ ಅಸ್ತಮಾ ತಡೆಯುವಲ್ಲಿ ಸಹಾಯಕವಾಗಬಲ್ಲವಾ?

ABOUT THE AUTHOR

...view details