ಹೈದರಾಬಾದ್:ಒಬ್ಸೆಸ್ಸಿವ್ ಕಂಪಲ್ಸಿವ್ ಡಿಸಾರ್ಡರ್ (ಒಸಿಡಿ), ಆತಂಕ ಮತ್ತು ಖಿನ್ನತೆ ಹೊಂದಿರುವ ಅನೇಕ ಮಕ್ಕಳು ಮತ್ತು ಯುವಕರಲ್ಲಿ ಇದರ ಲಕ್ಷಣಗಳು ಕೋವಿಡ್ -19 ಸಮಯದಲ್ಲಿ ಹೆಚ್ಚಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ.
ಒಸಿಡಿ ಎನ್ನುವುದು ಮಾನಸಿಕ ಅಸ್ವಸ್ಥತೆಯಾಗಿದ್ದು, ಅದು ಪುನರಾವರ್ತಿತ ಅನಗತ್ಯ ಆಲೋಚನೆಗಳು ಅಥವಾ ಸಂವೇದನೆಗಳನ್ನು (ಗೀಳು) ಉಂಟುಮಾಡುತ್ತದೆ ಅಥವಾ ಮತ್ತೆ ಮತ್ತೆ ಏನನ್ನಾದರೂ ಮಾಡುವ ಹಂಬಲವನ್ನು ಉಂಟುಮಾಡುತ್ತದೆ. ಕೆಲವು ಜನರು ಸಂವೇದನೆ ಮತ್ತು ಬಲವಂತ ಎರಡನ್ನೂ ಹೊಂದಬಹುದು.
ಬಿಎಂಸಿ ಸೈಕಿಯಾಟ್ರಿ ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನವು ಕೋವಿಡ್ -19, ಮನೋವೈದ್ಯಕೀಯ ಅಸ್ವಸ್ಥತೆಗಳನ್ನು ಹೊಂದಿರುವ ವಯಸ್ಕರೊಂದಿಗೆ ಸಂಬಂಧ ಹೊಂದಿದೆ ಎಂದು ವಿವರಿಸಿದೆ.
"ಕೋವಿಡ್ -19 ಸಾಂಕ್ರಾಮಿಕಕ್ಕೆ ಸಂಬಂಧಿಸಿದಂತೆ ಅಧ್ಯಯನ ಮಾಡಲು ಈ ಕಾಯಿಲೆ ವಿಶೇಷವಾಗಿ ಆಸಕ್ತಿದಾಯಕವಾಗಿದೆ. ಏಕೆಂದರೆ ಒಸಿಡಿ ಅನೇಕ ವಿಭಿನ್ನ ಕ್ಲಿನಿಕಲ್ ಅಭಿವ್ಯಕ್ತಿಗಳನ್ನು ಹೊಂದಿರುವ ಕಾಯಿಲೆಯಾಗಿದೆ" ಎಂದು ಡೆನ್ಮಾರ್ಕ್‌ನ ಆರ್ಹಸ್ ವಿಶ್ವವಿದ್ಯಾಲಯದ ಅಧ್ಯಯನ ಲೇಖಕ ಜುಡಿತ್ ನಿಸ್ಸೆನ್ ಹೇಳಿದ್ದಾರೆ.
"ಆದ್ದರಿಂದ ಅಂತಹ ಮಹತ್ವದ ಬಿಕ್ಕಟ್ಟು ಅಸ್ವಸ್ಥತೆಯ ಅಭಿವ್ಯಕ್ತಿ, ಆವರ್ತನ ಮತ್ತು ಪ್ರಗತಿಯ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ಪರೀಕ್ಷಿಸುವುದು ಬಹಳ ಮುಖ್ಯ" ಎಂದು ಅವರು ಹೇಳಿದರು.
ಆವಿಷ್ಕಾರಗಳಿಗಾಗಿ ಸಂಶೋಧಕರು 7 ಮತ್ತು 21 ವರ್ಷದೊಳಗಿನ ಎರಡು ಗುಂಪುಗಳ ಮಕ್ಕಳು ಮತ್ತು ಯುವಜನರಿಗೆ ಪ್ರಶ್ನಾವಳಿಯನ್ನು ಕಳುಹಿಸಿದ್ದಾರೆ.
ಮಕ್ಕಳ ಮತ್ತು ಹದಿಹರೆಯದ ಮನೋವೈದ್ಯಶಾಸ್ತ್ರ ಕೇಂದ್ರದಲ್ಲಿ ವಿಶೇಷ ವಿಭಾಗದಲ್ಲಿ ಒಂದು ಗುಂಪನ್ನು ಒಸಿಡಿ ಎಂದು ಗುರುತಿಸಲಾಗಿದ್ದು, ಅಲ್ಲಿನ ಎಲ್ಲರೂ ಆಸ್ಪತ್ರೆಯಲ್ಲಿ ಚಿಕಿತ್ಸಕರೊಂದಿಗೆ ಸಂಪರ್ಕದಲ್ಲಿದ್ದರು. ಇತರ ಗುಂಪನ್ನು ಡ್ಯಾನಿಶ್ ಒಸಿಡಿ ಅಸೋಸಿಯೇಷನ್ ಮೂಲಕ ಗುರುತಿಸಲಾಗಿದೆ.
ಈ ಮಕ್ಕಳು ಮತ್ತು ಯುವಜನರಲ್ಲಿ ಹೆಚ್ಚಿನವರು ವರ್ಷಗಳ ಹಿಂದೆ ರೋಗಲಕ್ಷಣ ಹೊಂದಿದ್ದರು. ಒಟ್ಟು 102 ಮಕ್ಕಳು ಪ್ರಶ್ನಾವಳಿಗೆ ಪ್ರತಿಕ್ರಿಯಿಸಿದರು.
"ಕೋವಿಡ್ -19ನಂತಹ ಬಿಕ್ಕಟ್ಟಿನ ಸಂದರ್ಭದಲ್ಲಿ ಅವರ ಒಸಿಡಿ, ಆತಂಕ ಮತ್ತು ಖಿನ್ನತೆಯ ಲಕ್ಷಣಗಳು ಉಲ್ಬಣಗೊಂಡಿವೆ ಎಂಬುದು ಅವರ ಅನುಭವ. ಒಸಿಡಿ ಅಸೋಸಿಯೇಷನ್ ಮೂಲಕ ಗುರುತಿಸಲ್ಪಟ್ಟ ಗುಂಪಿಗೆ ಸಮಸ್ಯೆಗಳಾಗಿರುವುದು ಹೆಚ್ಚು ಸ್ಪಷ್ಟವಾಗಿದೆ" ಎಂದು ಲೇಖಕರು ಬರೆದಿದ್ದಾರೆ.
ಮೊದಲ ಗುಂಪಿಗೆ ಸೇರಿದ ಅರ್ಧದಷ್ಟು ಮಕ್ಕಳು ಮತ್ತು ಯುವಕರು ತಮ್ಮ ರೋಗಲಕ್ಷಣಗಳು ಕೆಟ್ಟದಾಗಿವೆ ಎಂದು ವರದಿ ಮಾಡಿದರೆ, ಅವರಲ್ಲಿ ಮೂರನೇ ಒಂದು ಭಾಗವು ಅವರ ಆತಂಕವು ಉಲ್ಬಣಗೊಂಡಿದೆ ಮತ್ತು ಮೂರನೆಯ ಒಂದು ಭಾಗವು ಅವರ ಖಿನ್ನತೆಯ ಲಕ್ಷಣಗಳು ಹದಗೆಟ್ಟಿವೆ ಎಂದು ಉತ್ತರಿಸಿದರು. ಮತ್ತು ಇವುಗಳಲ್ಲಿ, ಎರಡೂ ರೋಗಲಕ್ಷಣಗಳು ಕೆಟ್ಟದಾಗಿವೆ ಎಂದು ಐದನೇ ಒಂದು ಭಾಗದ ಅನುಭವವಾಘಿದೆ.
ಇತರ ಗುಂಪಿನಲ್ಲಿ, ಶೇಕಡಾ 73 ರಷ್ಟು ಜನರು ತಮ್ಮ ಸ್ಥಿತಿ ಹದಗೆಟ್ಟಿದೆ ಎಂದು ವರದಿ ಮಾಡಿದ್ದಾರೆ. ಅರ್ಧದಷ್ಟು ಜನರು ಅವರ ಆತಂಕವು ಉಲ್ಬಣಗೊಂಡಿದೆ ಎಂದು ಹೇಳಿದ್ದು, 43 ಪ್ರತಿಶತದಷ್ಟು ಜನರು ಖಿನ್ನತೆಯ ಲಕ್ಷಣಗಳು ಹೆಚ್ಚಿವೆ ಎಂದು ಉತ್ತರಿಸಿದ್ದಾರೆ.
ಚಿಕ್ಕ ವಯಸ್ಸಿನಲ್ಲಿಯೇ ಒಸಿಡಿಯಿಂದ ಬಳಲುತ್ತಿರುವ ಮಕ್ಕಳ ಲಕ್ಷಣಗಳು ಹೆಚ್ಚು ಉಲ್ಬಣಗೊಳ್ಳುತ್ತಿದೆ ಎಂದು ಅಧ್ಯಯನವು ತಿಳಿಸಿದೆ.
