ನಿತ್ಯ ಹಿಡಿಯಷ್ಟು ವಾಲ್ನಟ್​ ಸೇವನೆಯಿಂದ ಹದಿಹರೆಯದವರಲ್ಲಿ ಏಕಾಗ್ರತೆ ಹೆಚ್ಚಳ

ವಾಲ್ನಟ್​ ಸೇವಿಸಿದ ಹದಿಹರೆಯದವರಲ್ಲಿ ಏಕಾಗ್ರತೆ ಹೆಚ್ಚಿದೆ. ಜೊತೆಗೆ ಹೈಪರ್​ ಆಕ್ಟಿವಿಟಿ ಡಿಸಾರ್ಡರ್ ಸಮಸ್ಯೆ​​ ಹೊಂದಿರುವವರ ನಡುವಳಿಕೆಯಲ್ಲೂ ಗಮನಾರ್ಹ ಬದಲಾವಣೆ ಕಂಡು ಬಂದಿದೆ ಎಂದು ಅಧ್ಯಯನ ತಿಳಿಸಿದೆ.

ಬೆಂಗಳೂರು:ಪ್ರತಿ ನಿತ್ಯ ಅಥವಾ ವಾರದಲ್ಲಿ ಮೂರು ದಿನ ಒಂದು ಹಿಡಿಯಷ್ಟು ವಾಲ್ನಟ್​ ಸೇವಿಸುವ ಮಕ್ಕಳ ಅರಿವಿನ ಸಾಮರ್ಥ್ಯದಲ್ಲಿ ಅದರಲ್ಲೂ ವಿಶೇಷವಾಗಿ ಏಕಾಗ್ರತೆಯಲ್ಲಿ ಹೆಚ್ಚಿನ ಸುಧಾರಣೆ ಕಾಣಬಹುದು ಎಂದು ಅಧ್ಯಯನ ತಿಳಿಸಿದೆ. ಸ್ಪಾನಿಷ್​ ಸಂಶೋಧಕರ ನೇತೃತ್ವದಲ್ಲಿ ಈ ಅಧ್ಯಯನ ನಡೆಸಲಾಗಿದ್ದು, ಇಕ್ಲಿನಿಕಲ್​ಮೆಡಿಸಿನ್​ ಜರ್ನಲ್​ನಲ್ಲಿ ಈ ಅಧ್ಯಯನ ಪ್ರಕಟಿಸಲಾಗಿದೆ. ನಿಯಮಿತವಾಗಿ ವಾಲ್ನಟ್​ ಸೇವನೆಯಿಂದ ಅರಿವಿನ ಅಭಿವೃದ್ಧಿ ಜೊತೆಗೆ ಮಾನಸಿಕ ಪಕ್ವತೆ ಕಾರಣವಾಗುತ್ತದೆ.

ಮಿದುಳಿನ ಆರೋಗ್ಯ ವೃದ್ದಿ: ಈ ಹಿಂದಿನ ಅಧ್ಯಯನದಲ್ಲಿ ನಟ್ಸ್​ಗಳು (ಒಣಹಣ್ಣುಗಳು) ಮಿದುಳಿನ ಆರೋಗ್ಯದ ಮೇಲೆ ಯಾವ ರೀತಿ ಪರಿಣಾಮ ಬೀರುತ್ತದೆ ಎಂಬುದನ್ನು ತೋರಿಸಿದೆ. ಹದಿ ಹರೆಯದವರಲ್ಲಿ ಅರಿವಿನ ಬೆಳವಣಿಗೆಯಲ್ಲಿ ನಿರ್ಣಾಯಕ ಹಂತದಲ್ಲಿ ಯಾವ ರೀತಿ ಪರಿಣಾಮ ಹೊಂದಿದೆ ಎಂಬುದನ್ನು ಪತ್ತೆ ಮಾಡಿಲ್ಲ. ವಾಲ್​ನಟ್​​ಗಳಲ್ಲಿ ಆಲ್ಫಾ- ಲಿನೋಲೆನಿಕ್​ ಫ್ಯಾಟಿ ಆಸಿಡ್​ನಲ್ಲಿ ಸಮೃದ್ಧವಾಗಿದೆ. ಒಮೆಗಾ-3 ವಿಧದಲ್ಲಿದೆ. ಮೆದುಳಿನ ಬೆಳವಣಿಗೆಯಲ್ಲಿ ಮೂತಭೂತ ಪಾತ್ರವಹಿಸುತ್ತದೆ ಎಂಬುದು ತೋರಿಸಿದೆ.

ಹದಿಹರೆಯ ವಯಸ್ಸಿನಲ್ಲಿ ಹಾರ್ಮೋನ್​ಗಳ ಬದಲಾವಣೆ ಕಂಡುಬರುವುದು ಸಮು. ಈ ವೇಳೆ ವಾಲ್ನಟ್​ಗಳು ಸಿನಾಪ್ಟಿಕ್​ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ. ಮಿದುಳಿನ ಭಾಗವು ಮಾನಸಿಕ ಪಕ್ವತೆಯನ್ನು ಸಕ್ರಿಯಗೊಳಿಸುತ್ತದೆ. ಇದು ಸಂಕೀರ್ಣವಾದ ಭಾವನಾತ್ಮಕ ಮತ್ತು ಅರಿವಿನ ಕಾರ್ಯವನ್ನು ಸಕ್ರಿಯ ಗೊಳಿಸುತ್ತದೆ. ನರಕೋಶಗಳು ಈ ರೀತಿಯ ಕೊಬ್ಬಿನಾಮ್ಲದ ಪೋಷಣೆ ಹೊಂದಿರುತ್ತದೆ ಎಂದು ಜೋರ್ಡಿ ಜುಲ್ವೆಜ್​ ತಿಳಿಸಿದ್ದಾರೆ.

ಇದನ್ನು ಓದಿ:ಬೇಸಿಗೆಯಲ್ಲಿ ತಂಪು ಮಾತ್ರವಲ್ಲ, ಮನಸ್ಸಿಗೆ ಉಲ್ಲಾಸವನ್ನು ನೀಡುತ್ತದೆ ಈ ಬಗೆ ಬಗೆಯ ಲಸ್ಸಿಗಳು

ಪ್ರೌಢಶಾಲಾ ಮಕ್ಕಳ ಮೇಲೆ ಅಧ್ಯಯನ: ಈ ಅಧ್ಯಯನಕ್ಕಾಗಿ 12 ವಿವಿಧ ಪ್ರೌಢಶಾಲೆಗಳ 11 ರಿಂದ 16 ವರ್ಷದ ವಯೋಮಾನದ 700 ವಿದ್ಯಾರ್ಥಿಗಳನ್ನು ಅಧ್ಯಯನಕ್ಕೆ ಒಳಪಡಿಸಲಾಗಿದೆ. ನಿಯಂತ್ರಿತ ಗುಂಪು ಆರು ತಿಂಗಳ ಕಾಲ 30 ಗ್ರಾಂ ವಾಲ್ನಟ್​ ಪ್ರತಿ ದಿನ ಸೇವಿಸುವಂತೆ ಸೂಚಿಸಲಾಗಿದೆ. ಮತ್ತೊಂದು ಗುಂಪಿಗೆ ಯಾವುದೇ ರೀತಿಯ ಈ ಕ್ರಮ ಜರುಗಿಸಿಲ್ಲ.

ಈ ವೇಳೆ ಕನಿಷ್ಠ 100 ದಿನಗಳವರೆಗೆ ವಾಲ್ನಟ್​ ಸೇವಿಸಿದ ಹದಿಹರೆಯದವರಲ್ಲಿ ಏಕಾಗ್ರತೆ ಹೆಚ್ಚಿದೆ. ಜೊತೆಗೆ ಹೈಪರ್​ ಆಕ್ಟಿವಿಟಿ ಡಿಸಾರ್ಡರ್ ಸಮಸ್ಯೆ​​ ಹೊಂದಿರುವವರ ನಡುವಳಿಕೆಯಲ್ಲೂ ಗಮನಾರ್ಹ ಬದಲಾವಣೆ ಕಂಡು ಬಂದಿದೆ ಎಂದು ಅಧ್ಯಯನ ತಿಳಿಸಿದೆ.

ಹದಿ ಹರೆಯದ ಯುವಕ ಮತ್ತು ಯುವತಿಯರು ದಿನಕ್ಕೆ ಬೆರಳು ಎಣಿಕೆಯಷ್ಟು ಅಥವಾ ವಾರದಲ್ಲಿ ಕನಿಷ್ಠ ಮೂರು ದಿನ ವಾಲ್ನಟ್​ ಸೇವನೆ ಮಾಡುವುದರಿಂದ ಅವರ ಅರಿವಿನ ಸಾಮರ್ಥ್ಯದಲ್ಲಿ ಸಾಕಷ್ಟು ಸುಧಾರಣೆ ಕಂಡು ಬಂದಿದೆ. ಇದು ಹದಿ ಹರೆಯದವರ ಸವಾಲುಗಳನ್ನು ಎದುರಿಸಲು ಮತ್ತು ಪ್ರೌಢವಸ್ಥೆಯಲ್ಲಿ ಉಂಟಾಗುವ ಹಾರ್ಮೋನ್​ಗಳ ಬದಲಾವಣೆ ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಮಿದುಳಿನ ಬೆಳವಣಿಗೆ ಮತ್ತು ಸಂಕೀರ್ಣ ನಡವಳಿಕೆ ಹದಿ ಹರೆಯದ ಸಮಯದಲ್ಲಿ ಕಾಣಬಹುದು. ಈ ವೇಳೆ ಅವರಿಗೆ ಉತ್ತಮ ಪೋಷಕಾಂಶದ ಅಗತ್ಯವಿರುತ್ತದೆ ಎಂದು ಅರಿಯಡ್ನಾ ಪಿನಾರ್​ ತಿಳಿಸಿದ್ದಾರೆ.

ಇದನ್ನೂ ಓದಿ: ಮಕ್ಕಳ ಶಾಲಾ ರಜಾದಿನಗಳು ಸ್ಕ್ರೀನ್​ ಟೈಂನಲ್ಲಿ ಕಳೆದು ಹೋಗದಿರಲಿ