ನ್ಯೂಯಾರ್ಕ್: ಗರ್ಭಾವಸ್ಥೆ ವೇಳೆ ಒತ್ತಡ, ಖಿನ್ನತೆ ಅಥವಾ ಆತಂಕದಂತಹ ಸಮಸ್ಯೆ ಇರುವ ತಾಯಂದಿರಿಗೆ ಜನಿಸಿದ ಮಕ್ಕಳು ತಮ್ಮ ಹದಿ ವಯಸ್ಸಿನಲ್ಲಿ ಮಾನಸಿಕ ಆರೋಗ್ಯ ಹೊಂದುವ ಅಪಾಯ ಹೆಚ್ಚಿರುತ್ತದೆ ಎಂದು ಸಂಶೋಧನೆಯೊಂದರಿಂದ ತಿಳಿದುಬಂದಿದೆ.
ನಮ್ಮ ಸಂಶೋಧನೆ, ಗರ್ಭಾವಸ್ಥೆ ಅವಧಿಯಲ್ಲಿ ಮಾನಸಿಕ ಯಾತನೆಯು ಆಕ್ರಮಣಕಾರಿ, ನಿಷೇಧಿತ ಮತ್ತು ಹಠಾತ್ ವರ್ತನೆಗಳು ಮಕ್ಕಳ ಮೇಲೆ ನಿರಂತರ ಪರಿಣಾಮ ಬೀರುತ್ತವೆ ಎಂದು ಕ್ಯಾಲಿಫೋರ್ನಿಯಾ ಸ್ಟೇಟ್ ಯುನಿವರ್ಸಿಟಿಯ ಇರೆನೆ ಟಂಗ್ ತಿಳಿಸಿದ್ದಾರೆ.
ಗರ್ಭಾವಸ್ಥೆಯಲ್ಲಿ ಕಾಡುವ ಮಾನಸಿಕ ಆರೋಗ್ಯ ರಕ್ಷಣೆ ಮತ್ತು ಬೆಂಬಲವನ್ನು ನೀಡುವುದರಿಂದ ಮಕ್ಕಳಿಗೆ ಕಾಡುವ ಸಮಸ್ಯೆಗಳಿಗೆ ನಿರ್ಣಾಯಕ ಹಂತವಾಗಿದೆ ಎಂಬುದಕ್ಕೆ ಪುರಾವೆಯನ್ನು ಒದಗಿಸುತ್ತದೆ ಟಂಗ್ ತಿಳಿಸಿದ್ದಾರೆ.
ಈ ಅಧ್ಯಯನವನ್ನು ಜರ್ನಲ್ ಸೈಕಾಲಾಜಿಕಲ್ ಬುಲೆಟಿನ್ನಲ್ಲಿನ ಅಮೆರಿಕನ್ ಸೈಕಾಲಾಜಿಕಲ್ ಅಸೋಸಿಯೇಷನ್ ಪ್ರಕಟಿಸಿದೆ. ಈ ಅಧ್ಯಯನದಲ್ಲಿ 45 ಸಾವಿರ ಭಾಗಿದಾರರನ್ನು ಬಳಕೆ ಮಾಡಲಾಗಿದ್ದು, 55 ಅಧ್ಯಯನಗಳನ್ನು ವಿಶ್ಲೇಷಣೆ ಮಾಡಲಾಗಿದೆ.
ಅಧ್ಯಯನದಲ್ಲಿ ಗರ್ಭಾವಸ್ಥೆಯಲ್ಲಿ ಮಹಿಳೆಯರ ಒತ್ತಡ, ಖಿನ್ನತೆ ಮತ್ತು ಆತಂಕ ಸೇರಿದಂತೆ ಮಾನಸಿಕ ಸಮಸ್ಯೆ ಅಳೆಯಲಾಗಿದೆ. ಜೊತೆಗೆ ಮಕ್ಕಳ ಬಾಹ್ಯ ವರ್ತನೆಗಳನ್ನು ಅಳೆಯಲಾಯಿತು. ಈ ವೇಳೆ ಮಕ್ಕಳು ಏಕಾಗ್ರತೆ ಕೊರತೆಯಂತಹ ಮಾನಸಿಕ ಆರೋಗ್ಯ ರೋಗಲಕ್ಷಣಗಳು, ಗಮನದ ಕೊರತೆ, ಹೈಪರ್ ಆಕ್ಟಿವಿಟಿ ಡಿಸಾರ್ಡರ್ ಸಮಸ್ಯೆ ಕಂಡು ಬಂದಿದೆ.
ಗರ್ಭಾವಸ್ಥೆಯಲ್ಲಿ ಆತಂಕ, ಖಿನ್ನತೆ ಅಥವಾ ಒತ್ತಡವನ್ನು ಎದುರಿಸುವ ಮಹಿಳೆಯರು ಹೆಚ್ಚು ಎಡಿಎಚ್ಡಿ ರೋಗಲಕ್ಷಣ ಹೊಂದುವ ಮಕ್ಕಳನ್ನು ಹೊಂದುವ ಸಾಧ್ಯತೆ ಇದೆ. ಇಂತಹ ಮಕ್ಕಳು ಶಿಕ್ಷಕರು ಅಥವಾ ಆಕ್ರಮಣಕಾರಿ ಪ್ರತಿಕೂಲ ವರ್ತನೆ ಪ್ರದರ್ಶಿಸುವುದಾಗಿ ಪೋಷಕರು ಮತ್ತು ಶಿಕ್ಷಕರು ವರದಿ ಮಾಡಿದ್ದಾರೆ ಎಂದು ಸಂಶೋಧನೆ ತಿಳಿಸಿದೆ.
ಪ್ರಸವದ ಬಳಿಕ ಎದುರಾಗುವ ಮಾನಸಿಕ ಸಮಸ್ಯೆಗಳು, ಖಿನ್ನತೆಗಳು ಮಕ್ಕಳ ಬೆಳವಣಿಗೆಯಲ್ಲಿ ಹೆಚ್ಚಿನ ಅಪಾಯವನ್ನು ಹೊಂದಿರುತ್ತದೆ ಎಂದು ತಿಳಿಸಿದ್ದಾರೆ.
ಈ ಪರಿಣಾಮವೂ ಗಂಡು ಮತ್ತು ಹೆಣ್ಣು ಮಕ್ಕಳಲ್ಲಿ ಕಾಣಬಹುದು. 2-5 ವರ್ಷದ ಬಾಲ್ಯ, 6 ರಿಂದ 12 ವರ್ಷದ ಮದ್ಯಮ ಬಾಲ್ಯ, 13-18ವರ್ಷದ ಹದಿ ವಯಸ್ಸಿನಲ್ಲಿ ಈ ಲಕ್ಷಣವನ್ನು ಕಾಣಬಹುದಾಗಿದೆ. ಇನ್ನು ಆರಂಭಿಕ ಅವಧಿಯ ಬಾಲ್ಯದಲ್ಲಿ ಇದರ ಪರಿಣಾಮ ಹೆಚ್ಚಿರುತ್ತದೆ.
ಮಾನಸಿಕ ಯಾತನೆ ಅನುಭವಿಸುವ ಗರ್ಭಿಣಿಯರಲ್ಲಿ ಗರ್ಭಾಶಯದಲ್ಲಿನ ಒತ್ತಡದ ಹಾರ್ಮೋನ್ಗಳು ಪರಿಣಾಮಕ್ಕೆ ಒಳಗಾಗಿ ಅದು ಮಗುವಿನ ಮೆದುಳಿನ ಬೆಳೆವಣಿಗೆ ಮೇಲೆ ಪರಿಣಾಮ ಬೀರುತ್ತದೆ ಎಂಬುದು ಅಧ್ಯಯನದಲ್ಲಿ ಪತ್ತೆಯಾಗಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.
ಭವಿಷ್ಯದ ಅಧ್ಯಯನವೂ ಪೋಷಕರ ಒತ್ತಡಗಳು ಸಾಂಸ್ಕೃತಿಕ ಮತ್ತು ಸಾಮಾಜಿಕ ಆರ್ಥಿಕ ವೈವಿದ್ಯತೆ ಕುರಿತು ಅರ್ಥೈಸಿಕೊಳ್ಳುವತ್ತ ಗಮನ ಹರಿಸಿದೆ ಎಂದು ಇದೇ ವೇಳೆ ಸಂಶೋಧಕರು ತಿಳಿಸಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ವಾಯುಮಾಲಿನ್ಯ: ಮಹಿಳೆಯರ ಸಂತಾನೋತ್ಪತ್ತಿ ಮೇಲಾಗುವ ಪರಿಣಾಮವೇನು?
