150 ದಿನ ವೆಂಟಿಲೇಟರ್​ನಲ್ಲಿದ್ದು, ಅಪರೂಪದ ನ್ಯುಮೋನಿಯ ವಿರುದ್ಧ ಹೋರಾಡಿ ಗೆದ್ದ ಪುಟ್ಟ ಪೋರ

ಯಾವುದೇ ನ್ಯುಮೋನಿಯ ಪ್ರಕರಣವಾದರೂ ಅದು ಗಂಭೀರವಾಗಿರುತ್ತದೆ. ಅದರಲ್ಲೂ ಈ ಬಾಲಕ ಹೊಂದಿದ್ದ ಪ್ರಕರಣ ಸಾಕಷ್ಟು ಸವಾಲಿನಿಂದ ಕೂಡಿತು ಎಂದು ವೈದ್ಯರು ತಿಳಿಸಿದ್ದಾರೆ

ನವದೆಹಲಿ: ಅಪರೂಪದ ನ್ಯುಮೋನಿಯಾ ವಿರುದ್ಧ ಹೋರಾಡುತ್ತಿದ್ದ ಪುಟ್ಟ ಬಾಲಕನನ್ನು ಪುಣೆ ವೈದ್ಯರು ಬದುಕಿಸಿರುವ ಘಟನೆ ನಡೆದಿದೆ. 150 ದಿನಗಳ ಕಾಲ ವೆಂಟಿಲೇಟರ್​ನಲ್ಲಿದ್ದ ಪುಟ್ಟ ಪೋರ ಸೋಂಕಿನ ವಿರುದ್ಧ ಹೋರಾಡಿ ಜಯಿಸಿದ್ದಾನೆ.

ಎರಡೂವರೆ ವರ್ಷದ ಬಾಲಕ ಬಿಲೆಟ್ರಲ್​ (ದ್ವಿಪಕ್ಷೀಯ) ನ್ಯುಮೋನಿಯಾದಿಂದ ಬಳಲುತ್ತಿದ್ದ. ಶ್ವಾಸಕೋಶದಲ್ಲಿ ಗಂಭೀರವಾದ ಸೋಂಕು ಉಂಟು ಮಾಡುವ ಜೊತೆಗೆ ಇದು ಊರಿಯೂತ ಮತ್ತು ಗಾಯವನ್ನು ಉಂಟು ಮಾಡುತ್ತದೆ. ಈ ಸೋಂಕಿನ ಹಿನ್ನೆಲೆ ಬಾಲಕನಲ್ಲಿ ಜ್ವರ, ನೆಗಡಿ, ಕೆಮ್ಮು ಮತ್ತು ಉಸಿರಾಟದ ಸಮಸ್ಯೆ ಉಂಟಾಗಿತ್ತು. ಈ ಹಿನ್ನೆಲೆಯಲ್ಲಿ ಬರೋಬ್ಬರಿ 150 ದಿನ ಅಂದರೆ ನಾಲ್ಜು ತಿಂಗಳಿಗೂ ಹೆಚ್ಚು ಕಾಲ ಈತನನ್ನು ವೆಂಟಿಲೇಟರ್​ ಚಿಕಿತ್ಸೆಗೆ ಒಳಪಡಿಸಲಾಗಿದೆ.

ಸ್ಟ್ರೆಪ್ಟೋಕೊಕಸ್ ನ್ಯುಮೋನಿಯಾ ಬ್ಯಾಕ್ಟೀರಿಯಾದಿಂದ ಈತ ಶ್ವಾಸಕೋಶ ಶೇ 80ರಷ್ಟು ಸೋಂಕಿಗೆ ತುತ್ತಾಗಿದ್ದು, ಎಕ್ಸ್​ರೇ ಅಲ್ಲಿ ಕಂಡು ಬಂದಿದೆ. ಶ್ವಾಸಕೋಶದ ಅಂಗಾಂಶದ ಒಳಗೆ ಮತ್ತ ಹೊರಗೆ ರೂಪುಗೊಂಡ ಗಾಳಿಯ ಪಾಕೆಟ್​ ಅನ್ನು ಬರಿದಾಗಿಸಲು ಕ್ಯಾತಿಟರ್​ಗಳನ್ನು ಸೇರಿಸಲಾಗಿದೆ. ಜೊತೆಗೆ ಈ ಶ್ವಾಸಕೋಶದ ಸುಧಾರಣೆ ಹೆಚ್ಚಿನ ಚಿಕಿತ್ಸೆ ಅವಶ್ಯಕತೆ ಇದೆ.

ಈ ಹಿನ್ನೆಲೆಯಲ್ಲಿ ಮುನ್ನೆಚ್ಚರಿಕೆ ಕ್ರಮವಾಗಿ ಪುಣೆಯ ಸೂರ್ಯ ಮದರ್​ ಮತ್ತು ಚೈಲ್ಡ್​ ಸೂಪರ್​ ಸ್ಪೆಷಾಲಿಟಿ ಆಸ್ಪತ್ರೆ ವೈದ್ಯರು ಮೂರು ತಿಂಗಳ ಕಾಲ ಬಾಲಕನನ್ನು ಮೆಕಾನಿಕಲ್​ ವೆಂಟಿಲೇಟರ್​ಗೆ ಒಳಪಡಿಸಿದ್ದಾರೆ. ಯಾವುದೇ ನ್ಯುಮೋನಿಯಾ ಪ್ರಕರಣಗಳು ಕೆಟ್ಟದಾಗಿರುತ್ತದೆ. ಅದರಲ್ಲೂ ಈ ಬಾಲಕನ ಪ್ರಕರಣದಲ್ಲಿ ದೀರ್ಘಕಾಲದ ವೆಂಟಿಲೇಷನ್​ಗೆ ಒಳಪಡಿಸುವ ಮೂಲಕ ಹೆಚ್ಚಿನ ಸವಾಲುಗಳು ಕೂಡ ಇದ್ದವು ಎಂದು ಬಾಲಕನ ಸ್ಥಿತಿ ಕುರಿತು ವಿವರಿಸಿದ್ದಾರೆ ವೈದ್ಯರಾದ ಅಮಿತ ಕೌಲ್​ ತಿಳಿಸಿದ್ದಾರೆ.

ಈ ಅಪಾಯವನ್ನು ಅರಿತ ತಂಡ, ಬಾಲಕನ ಆರೋಗ್ಯ ಸುಧಾರಣೆಗೆ ಸಮಯಕ್ಕೆ ಸರಿಯಾಗಿ ಕಾಳಜಿವಹಿಸಿದರು. ಟ್ರಯ್ಕಿಸ್ಟಮಿ ಸೇರಿದಂತೆ ಅನೇಕ ಪ್ರಕ್ರಿಯೆ ಬಳಿಕ ಪ್ರಕ್ರಿಯೆ ನಡೆಸಲಾಯಿತು. ಈ ಟ್ರಯ್ಕಿಸ್ಟಮಿ ಮೂಲಕ ಶ್ವಾಸನಾಳ ತೆರೆಯುವಿಕೆ ಮತ್ತು ಎದೆ ಟ್ಯೂಬ್​​ ಪದೆ ಪದೇ ಪರಿಶೀಲನೆ ನಡೆಸಲಾಯಿತು. ಇದೀಗ ಅಂತಿಮವಾಗಿ ಬಾಲಕ ಚೇತರಿಕೆ ಕಂಡಿದ್ದು, ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾನೆ ಎಂದು ಮಾಹಿತಿ ನೀಡಿದರು.

ಡಿಸ್ಚಾರ್ಜ್​ ಆದ ಬಳಿಕವೂ ಆತನಿಗೆ ಆಮ್ಲಜನಕ ಬೆಂಬಲ ಬೇಕಿದ್ದು, ಪೋಷಕರಿಗೆ ಟ್ರಯ್ಕಿಸ್ಟಮಿ ಕಾಳಜಿವಹಿಸುವ ಕುರಿತು ತಿಳಿಸಿಕೊಡಲಾಯಿತು. ನಿಯಮಿತ ಫಾಲೋ ಅಪ್​ ಬಳಿಕ ಹೆಚ್ಚುವರಿ ಎರಡು ತಿಂಗಳ ಬಳಿಕ ಟ್ರಯ್ಕಿಸ್ಟಮಿಯನ್ನು ತೆಗೆಯಲಾಗಿದೆ. ಇದೀಗ ಬಾಲಕ ಆರೋಗ್ಯಯುತವಾಗಿ ಯಾವುದೇ ಸಹಾಯವಿಲ್ಲದೇ, ಸ್ವತಃ ಉಸಿರಾಟ ನಡೆಸಬಹುದು,

ಲಸಿಕೆ ಅಗತ್ಯ: ಶ್ವಾಸಕೋಶದ ಸೋಂಕಿಗನ ತಡೆಯುವಲ್ಲಿ ಲಸಿಕೆ ಅತ್ಯಗತ್ಯ,. ಅದರಲ್ಲೂ ಮಕ್ಕಳಿಗೆ ಐದು ವರ್ಷಕ್ಕೆ ಮುನ್ನ ನ್ಯೂಮೋನಿಯಾದ ಲಸಿಕೆ ನೀಡುವುದು ಅವಶ್ಯವಾಗಿದೆ. ಪ್ರಸ್ತುತ ಈ ಸೋಂಕಿನ ವಿರುದ್ಧ ಹೋರಾಡಲು ಪಿಸಿವಿ13 ಮತ್ತು ಪಿಪಿಎಸ್​ವಿ23 ಎಂಬ ಎರಡು ಲಸಿಕೆಗಳನ್ನು ನೀಡಲಾಗುತ್ತಿದೆ.

ಏನಿದು ನ್ಯೂಮೋನಿಯಾ: ಉಸಿರಾಟದ ಸಮಸ್ಯೆ ಉಂಟು ಮಾಡುವ ನ್ಯುಮೀನಿಯಾ ಕಾಯಿಲೆ ಸ್ವಾಸಕೋಶದ ಸೋಂಕಿನ ವಿಧವಾಗಿದೆ. ಈ ಸೋಂಕಿಗೆ ತುತ್ತಾದಾಗ ಶ್ವಾಸಕೋಶದಲ್ಲಿರುವ ಗಾಳಿ ಚೀಲಗಳಲ್ಲಿ ದ್ರವ, ಕೀವುಗಳು ಉಂಟಾಗುತ್ತದೆ. ಬ್ಯಾಕ್ಟೀರಿಯಾ ಅಥವಾ ವೈರಾಣುಗಳಿಂದ ಈ ಸೋಂಕು ಉಂಟಾಗುತ್ತದೆ.

ಇದನ್ನೂ ಓದಿ: ಬೇಸಿಗೆಯ ಡಯಟ್​ನಲ್ಲಿ ಈ ಆಹಾರ ಸೇವಿಸಿ ತಂಪಾಗಿರಿ