ವಯಸ್ಸಿನ ಹೊರತಾಗಿ ಈ ಕಾರಣಗಳಿಂದಲೂ ಕಡಿಮೆಯಾಗಬಹುದು ಲೈಂಗಿಕ ಆಸಕ್ತಿ!

ಲೈಂಗಿಕ ಕ್ರಿಯಾಶೀಲತೆಯಿಂದ ದೈಹಿಕ, ಮಾನಸಿಕ ಮತ್ತು ಭಾವನಾತ್ಮಕ ಪ್ರಯೋಜನಗಳಿವೆ. ಇದು ಒತ್ತಡದ ಮಟ್ಟವನ್ನು ಕಡಿಮೆ ಮಾಡುವುದರ ಜೊತೆಗೆ ದೇಹದ ನೋವನ್ನು ಕಡಿಮೆ ಗೊಳಿಸುತ್ತದೆ.

ಬೆಂಗಳೂರು: ಪುರುಷರಾಗಲಿ ಅಥವಾ ಮಹಿಳೆಯರಾಗಲಿ ಕೆಲವೊಮ್ಮೆ ಲೈಂಗಿಕ ನಿರಾಸಕ್ತಿ ತೋರುತ್ತಾರೆ. ವಯಸ್ಸಾದಂತೆ ಈ ರೀತಿಯ ಆಸಕ್ತಿ ಕಡಿಮೆಯಾಗುವುದು ಸಹಜ. ಆದರೆ, ದೈಹಿಕ ಮತ್ತು ಮಾನಸಿಕ ಸಮಸ್ಯೆಗಳು ಕೂಡ ಇದಕ್ಕೆ ಕಾರಣವಾಗಬಹುದು. ಗಂಭೀರ ಸಮಸ್ಯೆಗಳಿಂದ ಕೂಡ ಈ ನಿರಾಸಕ್ತಿ ಕಾಡಬಹುದು. ಈ ಸಮಸ್ಯೆ ಗೋಚರತೆ ಬಳಿಕವೂ ಈ ಕುರಿತು ಮಾತನಾಡಲು ಪುರುಷ ಮತ್ತು ಮಹಿಳೆಯರು ಹಿಂಜರಿಯುತ್ತಾರೆ. ಈ ಹಿಂಜರಿಕೆಗೆ ಅವರ ಆರೋಗ್ಯ ಮತ್ತು ಸಂಬಂಧಗಳ ಮೇಲೆ ಪರಿಣಾಮ ಬೀರುತ್ತದೆ.

ಈ ಕುರಿತು ಮಾತನಾಡಿರುವ ಲಕ್ನೋ ವೈದ್ಯ ಡಾ ಇರ್ಫಾನ್​ ಖುರೇಷಿ, ಲೈಂಗಿಕ ಕ್ರಿಯಾಶೀಲತೆಯಿಂದ ದೈಹಿಕ, ಮಾನಸಿಕ ಮತ್ತು ಭಾವನಾತ್ಮಕ ಪ್ರಯೋಜನಗಳಿವೆ. ಇದು ಒತ್ತಡದ ಮಟ್ಟವನ್ನು ಕಡಿಮೆ ಮಾಡುವುದರ ಜೊತೆಗೆ ದೇಹದ ನೋವು ಕಡಿಮೆ ಗೊಳಿಸುತ್ತದೆ. ಜೊತೆಗೆ ರಕ್ತದ ಪರಿಚಲನೆ ಹೆಚ್ಚಿಸಿ ರಕ್ತದೊತ್ತಡ ನಿಯಂತ್ರಣ ಮಾಡುವುದರ ಜೊತೆಗೆ ಹೃದಯ ಸಮಸ್ಯೆ ಕಡಿಮೆ ಮಾಡಿ, ರೋಗ ನಿರೋಧಕ ಶಕ್ತಿ, ಚರ್ಮದ ಆರೋಗ್ಯ, ನಿದ್ದೆಯ ಮಟ್ಟ ಹೆಚ್ಚಿಸುತ್ತದೆ. ಜೊತೆಗೆ ಕ್ಯಾಲೋರಿ ನಷ್ಟಕ್ಕೂ ಸಹಾಯ ಮಾಡುತ್ತದೆ.

ಲೈಂಗಿಕ ಚಟುವಟಿಕೆಯಿಂದ ದೇಹದಲ್ಲಿ ಡೊಮೈನ್​, ಆಕ್ಸಿಟೊಸಿನ್​, ನೊರೆಪಿನೆಫೈರಿನ್​ಮ ಸೆರೊಟೊನಿನ್​ ಮತ್ತು ಪ್ರೊಲಕ್ಟಿನ್​ನಂತಹ ಹಾರ್ಮೋನ್​ಗಳು ಉತ್ಪಾದನೆ ಹೆಚ್ಚುತ್ತದೆ. ಈ ಹಾರ್ಮೋನ್​ಗಳ ಸ್ರವಿಸುವಿಕೆಯಿಂದ ದೈಹಿಕ ಮತ್ತು ಮಾನಸಿಕ ಆರೋಗ್ಯ ಸುಧಾರಣೆ ಆಗಿ, ಮನಸ್ಸನ್ನು ಆರೋಗ್ಯವಾಗಿಡುತ್ತದೆ. ಇದರಿಂದ ಜೋಡಿಗಳ ಮಧ್ಯೆ ಕೂಡ ಆರೋಗ್ಯಯುತ ಸಂಬಂಧ ಕಾಣುತ್ತದೆ.

ದೈಹಿಕ, ಮಾನಸಿಕ ಮತ್ತು ಭಾವನಾತ್ಮಕ ಆರೋಗ್ಯ ಮತ್ತು ನಡುವಳಿಕೆಗಳು ಪುರುಷ ಮತ್ತು ಮಹಿಳೆರಯಲ್ಲಿನ ಲೈಂಗಿಕ ಆಸಕ್ತಿ ಕಡಿಮೆಗೊಳಿಸಬಹುದು. ಇದಕ್ಕೆ ಸಾಮಾನ್ಯ ಆರೋಗ್ಯ ಸಮಸ್ಯೆ ಮತ್ತು ವಯಸ್ಸಿನ ಹೆಚ್ಚಳ, ಹಾರ್ಮೋನ್​ ಅಸಮತೋಲ ಮತ್ತು ಕೆಲವು ವೇಳೆ ಸಂಗಾತಿ ನಡುವಳಿಕೆಗಳು ಇದರ ಆಸಕ್ತಿ ಕಡಿಮೆ ಮಾಡುವಲ್ಲಿ ಕಾರಣವಾಗಬಹುದು.

ಋತುಚಕ್ರದ ಸಮಯ, ಹಾರ್ಮೋನ್​ ಅಸಮಾತೋಲನ, ರೋಗ ಅಥವಾ ಸೋಂಕುಗಳಿಂದ ಮಹಿಳೆಯರ ಯೋನಿಯಲ್ಲಿ ನೈಸರ್ಗಿಕ ಲೂಬ್ರಿಕಂಟ್ ಆಗಿ ಕಾರ್ಯನಿರ್ವಹಿಸುವ ವಿಸರ್ಜನೆಯ ಸ್ರವಿಸುವಿಕೆಯು ಕಡಿಮೆಯಾಗುತ್ತದೆ. ಸಾಮಾನ್ಯ ಹೆರಿಗೆ ಸಂದರ್ಭದಲ್ಲಿ ಗುಪ್ತಾಂಗದಲ್ಲಿ ಆಗುವ ನೋವು, ಅಹಿತರಕರ ಅನುಭವ, ಯೋನಿಯಲ್ಲಿನ ಸೋಂಕು ಅಥವಾ ಸಮಸ್ಯೆ, ಮೆನೊಪಸ್​​ ವೇಳೆಯಲ್ಲಿನ ಹಾರ್ಮೋನ್​ ಅಸಮತೋಲನ, ಚಿಕಿತ್ಸೆ ಅಥವಾ ಮೆಡಿಕೆಷನ್​ನಿಂದ ಸಮಸ್ಯೆ, ಅಪಘಾತ, ಲೈಂಗಿಕ ನಿಂದನೆ, ಆಘಾತ, ಒತ್ತಡ ಮತ್ತು ಆಯಾಸಗಳು ಆಸಕ್ತಿ ಕಡಿಮೆಯಾಗಲು ಪ್ರಮುಖ ಕಾರಣ. ಇದರ ಹೊರತಾದ ಕಾರಣಗಳು ಕೂಡಾ ಇವೆ.

ಇದೇ ರೀತಿ ಪುರಷರಲ್ಲೂ ಅನೇಕ ಸಮಸ್ಯೆಗಳಿಂದಾಗಿ ಲೈಂಗಿಕ ಆಸಕ್ತಿ ಕಡಿಮೆಯಾಗುವುದನ್ನು ಕಾಣಬಹುದು. ಇದಕ್ಕೆ ಒತ್ತಡ, ಹಾರ್ಮೋನ್​ ಅಸಮತೋಲನ, ಜೀವನಶೈಲಿ ಅಂಶ ಅಥವಾ ಆರೋಗ್ಯ ಸಂಬಂಧಿತ ಸಮಸ್ಯೆಗಳು ಕಾರಣವಾಗುಬಹುದು ಎಂದಿದ್ದಾರೆ ಡಾ ಖುರೇಷಿ.

ಈ ಲೈಂಗಿಕ ಆಸಕ್ತಿ ಕಡಿಮೆಯಾಗುವುದನ್ನು ಇಂದಿಗೂ ಕೂಡ ಗಂಭೀರ ಸಮಸ್ಯೆಯಾಗಿ ಜನರು ಪರಿಗಣಿಸಿಲ್ಲ. ಅನೇಕ ಜನರು ಇದನ್ನು ಮುಕ್ತವಾಗಿ ಚರ್ಚಿಸಲು ಹಿಂಜರಿಯುತ್ತಾರೆ. ಆದರೆ, ಇದು ತಪ್ಪು. ಮಾನವನ ದೇಹಕ್ಕೆ ಇದು ಅಗತ್ಯ ಕ್ರಿಯೆಯಾಗಿದೆ. ಈ ವಿಚಾರದಲ್ಲಿ ಸಮಸ್ಯೆ ಎದುರಾದಾಗ ತಕ್ಷಣವೇ ಚಿಕಿತ್ಸೆ ಪಡೆಯುವುದು ಅವಶ್ಯವಾಗಿದೆ.

ಇದನ್ನೂ ಓದಿ: ಕೋವಿಡ್​ ಸೋಂಕಿನ ಬಳಿಕ ಆಯಾಸ ಕಾಡಲು ಕಾರಣವೇನು?